ملک ءِ معیشت ءِ استحکام ءِ واستہ مھکمیں میری ٹائم سیکٹر المی اِنت، نوکیں کنٹینر جہاز ءِ جوڑیشت ءِ بندات راجی میری ٹائم سیکٹر ءِ واستہ یک ھاسیں سنگ میل اِنت، وفاقی وزیر جنید انور چوہدری

اسلام آباد۔6جنوری  (اے پی پی):وفاقی وزیر برائے میری ٹائم جنید انور چوہدری ءَ گوشت کہ پاکستان ءَ نوکیں کنٹینر جہاز ءِ جوڑیشت ءِ بندات راجی میری ٹائم سیکٹر ءِ واستہ یک ھاسیں سنگ ءِ انت۔ وزارت ءِ نیمگ ءَ جاڑی بوتگیں پریس ریلیز ءِ رد ءَ آئی ءَ اے ھیالانی درشانی سئے شمبے ءِ روچ ءَ شپ یارڈ ءَ پاکستان نیشنل شپنگ کارپوریشن ءِ واستہ 1100 ٹی اییو کنٹینر جہاز ءِ سٹیل کٹنگ ءِ مراگش ءَ گشتانک دیان ءَ کت۔ وفاقی وزیر ءَ گوشت کہ اے منصوبگ ءِ چیر دستی ءَ پی این ایس سی ءِ واستہ جدید کنٹینر جہاز تیار کنگ بوھگ ءَ انت، ایشی سرجمی ءَ ملکی وسیلگ آں چہ جوڑ کنگ بیت۔ آئی ءَ گوشت کہ اے جہاز ءِ ھوار کنگ ءَ چہ راجی بیڑے ءِ گنجائش ءَ را سک باز گیشی بیتءُ درملکی شپنگ ءِ سر ءَ انحصار ءَ را کم کنگ ءَ کمک رسیت۔ جنید انور چوہدری ءَ گوشت کہ کنٹینر شپ منصوبگ نہ ایوک ءَ میری ٹائم سیکٹر ءِ واستہ بلکینگ ءَ سرجمیں راجی معیشت ءِ واستہ ھم سک باز المی انت پرچا کہ ایشی ءَ چہ ارزشتی ایں زرّ ءِ بچت ءُ پاکستان ءِ سپلائی چین ءَ را مھکم کنگ بیت۔ آئی ءَ اے گپ ءِ پدرائی کت کہ راجی بیڑے ءِ تہ ءَ گیشی ءَ چہ درآمد ءُ برآمد ءِ عمل گیش کارآمد بیت۔ وفاقی وزیر ءَ گوشت کہ جہاز جوڑ کنگ ءِ منصوبگ آنی وسیلگ ءَ ہنرمندیں مردم آناں روزگار ءِ نوکیں موہ پیداک کنگ بنت، ایشی ءَ چہ بنجاہی صنعت ءَ را دیمروئی رسیت۔ آئی ءَ گوشت کہ کراچی شپ یارڈ گوں تیزی ءَ راجی میری ٹائم دیمروئی ءِ ھاسیں مرکز جوڑ بوھگ ءَ انت ءُ آیوکیں وھد ءَ ادا گیش مزنیں منصوبگ آنی امیت انت۔ آئی ءَ گیش گوشت کہ جہاز جوڑ کنگ ءُ جہاز ءِ جوڑ کنگ راجی میری ٹائم پالیشی ءِ کلیدی بھر اَنت، ایشی ءِ سر ءَ ھاسیں دلگوشی دیگ بوھگ ءَ اِنت۔ جنید انور چوہدری ءِ رد ءَ پاکستان ءِ 95درسد ءِ نزیک ءَ بیپار دریائی راہ آنی وسیلگ ءَ کنگ بیت، پمیشکا ملک ءِ معیشت ءِ برجائی ءِ واستہ یک مھکمیں دریائی شوبگ ءِ المی اِنت۔ وفاقی وزیر ءَ وتی جزم ءِ درشان کت کہ حکومت میری ٹائم سیکٹر ءِ دیمروئی، راجی بیڑے ءِ مھکم کنگ، ءُ وت مہ وتی ءِ دیمروئی ءِ واستہ ھمک رنگ ءَ گامگیج زورگ ءَ برجاہ دار ایت تانکہ پاکستان دمگ ءَ یک مھکمیں میری ٹائم راج ءِ رنگ ءَ دیم ءَ اتک کنت۔