سیدیوسف رضا گیلانی ءَ مخدوم سید احمد محمود ءَ گوں لاہور ءَ گند ءُ نند کتگ، وت مہ وتی نپ ءُ سیت ءِ جیڑہانی سرا گپ ءُ تران بوتگ

لاہور۔6جنوری  (اے پی پی):سینیٹ ءِ چیئرمین سیدیوسف رضا گیلانی ءَ گوشت کہ جنوبی پنجاب ءِ الس ءَ را دیم ءَ اتکگیں چاگردیءُ اقتصادی جیڈھ آناں گیواری ءَ را راجی اولیت آنی تہ ءَ ھوار کنگ بہ بیتءُ دمگ ءِ متوازن دیمروئی ءِ واستہ موثر گامگیج المی انت۔ اے ھیالانی درشانی آئی ءَ مخدوم سید احمد محمود ءَ گوں وتی گس ءَ گند ءُ نند ءِ ساھت ءَ کت اَنت۔ گند ءُ نند ءِ تہا باسک قومی اسمبلی مخدوم سید مرتضی محمود ءُ سید علی قاسم گیلانی ہم ساڑی اتنت۔ اے موہ ءِ سر ءَ ملک ءِ سرجمیں سیاسی جاور ھال، جنوبی پنجاب ءِ الس ءَ را دیم ءَ اتکگیں جیڈھ، دمگی دیمروئی ءِ اولویت، سیلاب ءَ پد بحالی ءِ عمل، سموگ ءِ سبب ءَ پیداکیں چیلنجءُ چاگردی آلودگی ءِ سر ءَ سرجمیں رنگ ءَ گپ ءُ تران کنگ بوت۔ گند ءُ نند ءِ ساھت ءَ جنوبی پنجاب ءَ برجاھیںءُ آیوکیں دیمروئی منصوبگ آنی سر ءَ ھم چار ءُ تپاسی کنگ بوت کہ ایشی ءِ مول ءُ مراد الس ءِ وشھالی، بنیاتی آسراتی آنی پھجاریءُ پائیدار دیمروئی ءِ ھاترا انت۔ اے گپ ءِ سر ءَ تپاک کنگ بوت کہ جنوبی پنجاب ءِ دیمروئی ءِ واستہ یک ھمگرنچیں حکمت عملی ءِ زورگ ءِ ضلورت اِنت تانکہ الس ءِ دیم ءَ اوشتاتگیں جیڈھ آنی دائمی گیواری ءِ شوھازگ بہ بیت۔ اے موہ ءِ سر ءَ سینیٹ ءِ چیئرمین سیدیوسف رضا گیلانی ءَ جنوبی پنجاب ءِ اُلس ءِ گوما وتی جزم ءِ پدا زور دات ءُ گوشت کہ آ دمگ ءَ یکسانیں دیمروئی، اقتصادی گہتریءُ چاگردی انصاف ءِ واستہ ھمک رنگ ءِ کوشست ءَ برجاہ دار ایت۔