وفاقی وزیر داخلہ ءُ منشیات ءِ کنٹرول محسن نقوی ءَ شنگھائی ءِ شہری منصوبہ بندی ءِ ہیڈ کوارٹر ءِ تر ءُ تاب کتگ

شنگھائی۔6جنوری  (اے پی پی):وفاقی وزیر داخلہ ءُ منشیات ءِ کنٹرول محسن نقوی ءَ شنگھائی ءِ شہری منصوبہ بندی ءِ ہیڈ کوارٹر ءِ تر ءُ تاب کتگ۔ شنگھائی ءِ شہری منصوبہ بندی ءِ سروک مادام چن ءَ وزیر داخلہ محسن نقوی ءَ را وش آتک کتگ۔ وزیر داخلہ محسن نقوی ءَ را شنگھائی شہر ءِ ماسٹر پلاننگ، دیمروئیءُ آسراتی آنی بابت ءَ سرجمیں بریفنگ دیگ بوتگ۔ وزیر داخلہ محسن نقوی ءَ را شنگھائی ءَ شہری آسراتی آنی گوما ترندیں دیمروئی ءِ نظام ءِ بابت ءَ سرپد کنگ بوت۔ شنگھائی ءِ دیمروئی ءِ سفر ءُ ماسٹر پلان ءِ بابت ءَ ویڈیوز ءُ ماڈل ءِ وسیلگ ءَ وزیر داخلہ محسن نقوی ءَ را سرپد کنگ بوت۔ آئی ءَ شنگھائی ءِ نوکیں آسراتی ءَ گوں لیسیں اسٹیڈیم ءِ ماڈل ھم دیستگ۔ محسن نقوی ءَ شنگھائی شہری منصوبہ بندی ءِ چیر دستی ءَ سرجمیں زانتکاری ءَ را نوکیں رنگ ءَ یکجا کنگ ءِ نظام ءِ تہ ءَ سک باز دلگوشی ءِ درشانی کتءُ نوکیں ٹیکنالوجی ءِ سر ءَ بنیات ءِ نظام ءِ توسیپ کت۔ وزیر داخلہ ءَ شنگھائی شہری منصوبہ بندی ءِ چیر دستی ءَ شہر ءِ نظام ءَ را یکجاءُ فول پروف جوڑ کنگ ءِ گامگیج ءَ را ساڑات۔ وزیر داخلہ محسن نقوی ءَ گوشت کہ شنگھائی ترندیں دیمروئی ءِ مثال انت، شنگھائی ءِ دیمروئی ہر شہر ءِ واستہ تقلید ءِ لائق انت۔ آئی ءَ گوشت کہ آ شنگھائی ءِ ماڈل ءِ سر ءَ اسلام آباد ءَ را دیمروئی دیگ لوٹ ایت،ءُ شنگھائی ءِ ترندیں دیمروئی ءَ چہ سیت چست کنگ ءِ واستہ ترندیں گامگیج چست کنت۔ وزیر داخلہ محسن نقوی ءَ ہم وتی تاثرات مہمانانی کتاب ءَ نبشتہ کتگ انت۔ اے موہ ءِ سر ءَ وفاقی سیکرٹری داخلہ محمد خرم آغا، چیف کمشنر اسلام آباد محمد علی رندھوا ءُ آئی جی اسلام آباد پولیس علی نصیر رضوی ھم ھوار اتنت۔