مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ راجی لتیم آئن بیٹری ءِ جوڑ کنگ ءِ پالیشی ءِ ھوالگ ءَ مزن تک ءِ دیوان ءِ سروکی کت، راجی لتیم آئن بیٹری ءِ جوڑ کنگ ءِ پالیشی31-2026 ءِ ھوالگ ءَ پیشرفت ءِ چار ءُ تپاسی کت

اسلام آباد۔6جنوری  (اے پی پی):مزن وزیر ءِ صنعت ءُ پیداوار ءِ ھوالگ ءَ ھاسیں کمکار ھارون اختر خان ءِ سروکی ءَ راجی لتیم آئن بیٹری پالیشی ءِ ھوالگ ءَ مزن تک ءِ دیوان ءِ برجم دارگ بوت۔ گند ءُ نند ءَ سیکرٹری صنعت ءُ پیداوار سیف انجم، چیف ایگزیکٹو آفیسر انجینئرنگ ڈویلپمنٹبورڈ (ای ڈی بی) حماد منصور ءُ پرائیویٹ سیکٹر ءِ نمائندہ آں شریک بوتگ انت۔ دیوان ءَ نیشنل لتیم آئن بیٹری مینوفیکچرنگ پالیسی 31-2026 ءِ سر ءَ کتگیں پیشرفت ءِ سر ءَ سرجمیں رنگ ءَ چار ءُ تپاسی کنگ بوت۔ ہارون اختر خان ءَ گوشت کہ مزن وزیر شہباز شریف ءِ ہدایت ءِ رد ءَ توانائی ءِ ذخیرہ کنگ ءِ پالیشی ءَ را پاکستان ءِ راجی توانائی ءِ سلامتی ءِ فریم ورک ءَ گوں ہمگرنچ کنگ المی اِنت۔ آئی ءَ اے گپ ءِ سر ءَ زور پر دات کہ مزن وزیر ءِ وژن ءِ رد ءَ جندی شوبگ ءُ جھان ءِ سرمایہ کار آنی گوما شریکداری پاکستان ءِ پائیدار توانائی ءِ آیوکیں باندات ءِ بُن ھشت اِنت۔ ھاسیں کمکار ءَ گوشت کہ مزن وزیر شہباز شریف ءِ ہدایت ءِ پد ءَ نیشنل بیٹری پالیشی ءِ واستہ 12دسمبر 2025 ءَ ھاسیں ورکنگ گل جوڑ کنگ بوتگ۔ کمیٹی ءَ دیوان ءَ را سرپد کت کہ پالیسی ءِ تہ ءَ مرحلہ وار لوکلائزیشن، ٹیرف اصلاحات ءُ کارکردگی ءِ سر ءَ بنیات ءِ سر ءَ ترغیب ھوار انت تانکہ لوکل مینوفیکچرنگءُ سرمایہ کاری ءَ را دیمروئی دیگ بہ بیت۔ ہارون اختر خان ءَ شریکیں مردم آناں سرپد کت کہ اے پالیسی وفاقیءُ صوبائی وزارت، صنعت، یونیورسٹیءُ میاں اوستمانی ماہرین آنی کمک ءَ جوڑ کنگ بوتگ۔ آئی ءَ گیش گوشت کہ پاکستان ءِ جتا جتائیں دمگ آنی تہ ءَ فاسفیٹ، آئرن ءُ مینگنیج ءِ ذخائر است انت ایشی ءَ چہ بیٹری ءِ جوڑ کنگ ءَ را دیمروئی رس ایتءُ درآمد ءِ انحصار ءَ را کم کنگ بوت کنت۔ کوالٹیءُ سیفٹی ءِ ارزشت ءِ سر ءَ زور پر دیان ءَ ھاسیں کمکار ءَ گوشت کہ بیٹری ءِ سیفٹیءُ کارکردگی ءِ جھان ءِ معیار آناں دل یکیمی کنگ ءِ واستہ پاکستان اسٹینڈرڈز اینڈ کوالٹی کنٹرول اتھارٹی ءِ کرد کلیدی اِنت۔ آئی ءَ گیش گوشت کہ لتیم آئن بیٹری ءَ را شمسی توانائی ءِ نظام، الیکٹرک گاڑی، بیک اپ پاور سولیوشنءُ موبائل ٹاورز ءَ ھوار جتا جتائیں شوبگ آنی تہ ءَ کارمرد کنگ بوت کنت۔ کمیٹی ءَ بنداتی لوکلائزیشن ءِ ھاتر ءَ لتیم، آئرن ءُ فاسفیٹ (ایل ایف پی) بیٹری ٹیکنالوجی ءِ منظوری داتگ۔ ہارون اختر خان ءَ بیٹری ءِ ٹیسٹنگ، سرٹیفکیشنءُ ری سائیکلنگ ءِ ھاتر ءَ یک جامع فریم ورک ءِ ضلورت ءِ سر ءَ زور پر دات تانکہ پائیداریءُ چاگردی رکھینگ ءَ را دل یکیمی کنگ بہ بیت۔ گند ءُ نند ءَ گوشتگ ات کہ چین ءِ گوما بی ٹو بی کمک ءِ چیر دستی ءَ بیٹری ءِ جوڑ کنگ ءَ ھوار ارباں ڈالر ءِ معاہدہ کنگ بوتگ۔ ایشی ءَ ابید وفاقیءُ صوبائی معدنی محکمہ آنی دیوان ءِ زوتیں وھد ءَ اے شوبگ ءَ یکوئی ءِ ھمگرنچی ءَ را گیش دیمروئیدیگ ءِ گمان اِنت۔ ہارون اختر خان ءَ انجینئرنگ ڈویلپمنٹ بورڈ ءَ را ہدایت کت کہ آ نوکیں نسل ءِ توانائی ءِ ذخیرہ کنگ ءِ پالیشی ءَ را راجی توانائی ءِ سلامتی ءِ مول ءُ مراد آنی گوما سرجمی ءَ ہمگرنچ بہ کنت۔ آئی ءَ گیش گوشت کہ جھان ءِ زانتکار آنی گوما شور ءُ سلاھ جاری اِنت ءُ حکومت پاکستان ءَ را بیٹری جوڑ کنگ ءِ واستہ دمگی مرکز جوڑ کنگ ءِ واستہ جزمیگ اِنت۔