تاوان ءِ آماچیں سرکاری ادارگ آنی نجکاری حکومت ءِ اولی ترجی آنی تہ ءَ ھوار اِنت، پی آئی اے ءِ 75 درسد شیئر آنی سوبمندیں نجکاری بارش ءِ اولیپٹ اِنت، مزن وزیر محمد شہباز شریف

اسلام آباد۔6جنوری  (اے پی پی):مزن وزیر محمد شہباز شریف ءَ گوشت کہ تاوان ءِ سبب ءَ سرکاری ادارگ آناں نجکاری حکومت ءِ اولی ترجی آنی تہ ءَ ھوار اِنت، پی آئی اے ءِ 75درسد شیئر آنی سوبمندیں نجکاری بارش ءِ اولی ٹپ اِنت، نجکاری کمیشن ءِ تہ ءَ سیادی داروکیں اصلاحات ءِ ھوالگ ءَ کار کنگ بہ بیت نجی شعبہ ءُ مارکیٹ ءِ نجکاری کمیشن ءَ گچین کنگ بہ بیت، درستیں گچینکاری سکیں شفافیں رنگ ءَ کنگ بہ بنت، ءُ نجکاری کمیشن ءِ منصوبہ آناں میاں اوستمانی معیار ءِ سیمی فرم ءِ نیمگ ءَ آڈٹ کنگ بہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی نجکاری کمیشن ءِ کار آنی ھوالگ ءَ دیوان ءِ سروکی ءَ کنان ءَ کت۔ گند ءُ نند ءَ وزیر دفاع خواجہ آصف، بجلی ءِ وفاقی وزیر سردار اویس احمد خان لگاری، نجکاری ءِ بابت ءَ مزن وزیر ءِ مشیر ءُ نجکاری کمیشن ءِ چیئرپرسن محمد علی ءُ سیادی داروکیں مزنیں سرکاری کارندہ آنی بھر زوری بوتگ۔ مزن وزیر ءَ گوشت کہ تاوان ءِ سبب ءَ سرکاری ادارگ آناں نجکاری حکومت ءِ اولی ترجی آنی تہ ءَ یک اِنت، ءُ پی آئی اے ءِ 75درسد شیئر آنی سوبمندیں نجکاری بارش ءِ اولی ٹپ اِنت۔ مزن وزیر ءَ ہدایت کت کہ نجکاری کمیشن ءِ تہا اصلاحات ءِ ھوالگ ءَ کار ترند کنگ بہ بیت، نجکاری کمیشن ءِ تہا نجی شعبہ ءُ مارکیٹ ءِ نیمگ ءَ چہ جوانیں صلاحیت آنی گوما سیادی داروکیں مردمی قوت گچین کنگ بہ بیت،ءُ درستیں گچینکاری سکیں شفافیں رنگ ءَ کنگ بہ بنت۔ مزن وزیر ئَ نجکاری کمیشن ئِ ڈیجیٹل کنگ ئِ ھم ہدایت کتگ۔ آئی ءَ ہدایت کت کہ نجکاری کمیشن ءِ منصوبگ آنی سیمی مردم ءِ آڈٹ یک میاں اوستمانی معیاری فرم ءِ نیمگ ءَ کنگ بہ بیتءُ نجکاری کمیشن ءِ تہ ءَ پبلک ریلیشنزءُ مارکیٹنگ ڈیپارٹمنٹ ءَ را گیشگہتر کنگ بہ بیت۔ گند ءُ نند ءَ نجکاری کمیشن ءِ تہ ءَ جاڑی اصلاحات آنی ھوالگ ءَ سرپد کنگ بوت۔ گند ءُ نند ءَ گوشگ بوت کہ پرائیویٹائزیشن کمیشن ءَ فنانس، انسانی وسائل، کانود، انفارمیشن ٹیکنالوجیءُ میڈیا مینجمنٹ ءِ ھوالگ ءَ مارکیٹ ءَ چہ ایڈوائزر بھرتی کنگ بیت۔ نجکاری کمیشن ءَ مارکیٹ ءَ چہ حکمت عملی، پالیسی، لین دینءُ طاقت ءِ پڑ ءَ کنسلٹنٹ ایر کنگ بنت۔ اسٹریٹجک ڈسپلن، مھکمیں حکومت داری، ادارگی گنجائش ءِ گہتریءُ اسٹیک ہولڈرز ءِ گوما شفافیں رابطہ کاری نجکاری کمیشن ءِ جاری اصلاحات ءِ بنیاد انت۔ دیوان ءَ سرپد کنگ بوت کہ بجلی ءِ بھر ءُ بانگ ءِ کمپنی آنی نجکاری بنداتی وھد ءَ دو بھر آنی تہ ءَ دارگ بوتگ، اولی بھر ءَ اسلام آباد الیکٹرک سپلائی کمپنی، گجرانوالہ الیکٹرک پاور کمپنی ءُ فیصل آباد الیکٹرک سپلائی کمپنی ءِ نجکاری کنگ بیت۔ دومی بیچ ءَ حیدرآباد الیکٹرک سپلائی کمپنی ءُ سکھر الیکٹرک پاور کمپنی ءِ نجکاری کنگ بیت۔