راجی اسمبلی ءِ اسپیکر سردار ایاز صادق ءَ پارلیمانی لاج آنی تر ءُ تاب کتگ، 104 گیشیں نادراہ سویٹ منصوبگ ءِ سر ءَ کار ءِ پیشرفت ءِ سر ءَ چار ءُ تپاسی

اسلام آباد۔6جنوری  (اے پی پی): راجی اسمبلی ءِ اسپیکر سردار ایاز صادق ءَ پارلیمانی لاج آنی تر ءُ تاب ءَ کتگ ءُ 104 گیشیں پیڈنٹ سوئٹ منصوبگ ءِ ھوالگ ءَ کار ءِ پیشرفت ءِ سر ءَ چار ءُ تپاسی کتگ۔ اے موہ ءِ سر ءَ تہی کارانی وزیر مملکت طلال چوہدری ھم ساڑی ات۔ قومی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ تہی کارانی وزیر ءِ مملکت طلال چوہدری ءَ جاری منصوبگ ءِ بابت ءَ اسپیکر ءَ را سرپد کتگ کہ پارلیمانی لاج آنی تہ ءَ 104 ایڈیشنل پیڈنٹ سوٹ ءِ جوڑیشت ءِ کار گڈی بھر آنی تہ ءَ داخل بوتگ۔ اے منصوبگ 2011 ءَ بندات کنگ بوتگ ءُ اسپیکر ءِ ھاسیں کوشست ءَ گوں پدا فعال کنگ بوتگ۔ اسپیکر ءَ گوشت کہ اے منصوبگ ءِ زوت سرجمی اولی ترجی اِنت، پارلیمنٹ ءِ باسک آنی گس ءِ جیڈھ آنی گیواری ءِ واستہ اے منصوبگ ءِ زوت سرجمی المی اِنت۔ سردار ایاز صادق ءَ سی ڈی اے ءَ را برجاھیں منصوبگ ءِ دیمروئی ارزیابی ءِ کنگ ءِ ہدایت کتگ ءُ منصوبگ ءِ وھد ءِ سر ءَ سرجم کنگ ءِ سر ءَ زور داتگ ۔ آئی ءَ گوشت کہ پارلیمنٹ ءِ باسک آناں ہاؤسنگ ءِ جیڈھ آں گوں دوچار انت، 104بستر ءِ سوئٹ منصوبگ ءِ زوت سرجمی المی انت، منصوبگ ءِ تہ ءَ گیش دیر کنگ یا لاپرواہی برداشت کنگ نہ بیت۔ اسپیکر ءَ سی ڈی اے ءَ را ہدایت کت کہ آ منصوبگ ءِ سر ءَ کار ءَ را برجاھیں نگرانی ءَ گوں ترند بہ کنت۔ وزیر مملکت برائے داخلہ سٹرب طلال چوہدری ءَ اے منصوبگ ءِ زوت سرجمی ءِ واستہ درستیں وسیلگ آناں کارمرد کنگ ءِ دل یکیمی دات ءُ فیلو سوئٹ ءِ جوڑیشت ءِ تہ ءَ اسپیکر ءِ ھاسیں دلچسپی ءِ توسیپ کت۔ اے موہ ءِ سر ءَ راجی اسمبلی ءِ قائم مقام سیکرٹری سدل احمد متلا، راجی اسمبلی ءِ کانود ءِ مشیر محمد مشتاق، وزارت داخلہ ءُ سی ڈی اے ءِ مزنیں کارندہ ھم ھوار اتنت۔