پاکستان ءِ مزن تک ءِ پارلیمانی ڈل ڈپٹی چیئرمین ءِ سروکی ءَ 20 جنوری ءَ چہ امریکہ ءِ شش روچی سرکاری تر ءُ تاب

اسلام آباد۔6جنوری  (اے پی پی): 20جنوری ءَ چہ پاکستان ءِ مزنیں تک ءِ پارلیمانی ڈل ڈپٹی چیئرمین اسدال خان ناصر ءِ سروکی ءَ امریکہ ءِ شش روچی سرکاری تر ءُ تاب ءَ کنت کہ ایشی ءَ چہ امریکہ ءُ پاکستان ءِ پارلیمانی سیادی آنی تہ ءَ نوکیں سنگ میل ءِ رنگ بیت ءُ یک نوکیں ادارگی باب ءِ پچ بیت۔ سیکرٹریٹ ءِ نیمگ ءَ چہ جاڑی بوتگیں بیان ءِ رد ءَ پاکستان انسٹی ٹیوٹ آف پولیٹیکس یو ایس اے ءِ نیمگ ءَ برجم داشتگیں اے تر ءُ تاب ءَ اولی رند ءَ سرکاری رنگ ءَ امریکہ ءُ پاکستان پارلیمانی گروپ (آئی پی جی) ءَ را ھوار کنگ بیت کہ ایشی ءَ چہ اسٹریٹجک ءُ غیر روایتی پارلیمانی سفارتکاری ءِ وسیلگ ءَ رستگیں پیشرفت ءِ نمائندگی کنگ بیت ءُ براہ راست جمہوری جوڑیشت ءِ وسیلگ ءَ یکجاھیں عزم ءِ درشان کنگ بیت۔ اے گامگیج ءِ وھد ءَ ھاسیں رنگ ءَ جنوبی ایشیا ءُ میاں اوستمانی تک ءَ ھاسیں رنگ ءَ جنوبی ایشیا ءُ میاں اوستمانی تک ءَ پارلیمانی ادارگ گپ ءُ تران ، استحکام ءُ جمہوری حکومت داری ءِ دیمروئی ءِ تہ ءَ کلیدی کرد ءِ رنگ ءَ گیش ءَ چہ گیش منگ بوھگ ءَ انت۔ اے تر ءُ تاب ءِ اسٹریٹجک مول ءُ مراد آنی تہ ءَ امریکی کانگریس ءُ پاکستان ءِ نیام ءَ برجمیں بین پارلیمانی گپ ءُ تران ءِ واستہ یک میکانزم ءِ جوڑ کنگ ھوار اِنت؛ جمہوری ارزشتانی دیمروئی، قانون ساز ءِ دیمروئی ءِ تہا جوانیں رھبند ءُ پارلیمانی نگرانی ءِ دیمروئی؛ روایتی انتظامی سطح ءِ سفارتکاری ءَ چہ ابید ادارہ جاتی کمک ءَ را مھکم کنگ؛ ءُ دمگی ءُ جھان ءِ جیڈھ آنی سر ءَ پاکستان ءِ پارلیمانی نقطہ نظر ءَ را دیم ءَ برگ ءِ ھاترا پاکستانی ڈائسپورا ءِ گوما ھوار بوھگ ءِ دیمروئی کنگ؛ ءُ سائنسی، دودمانی ءُ سیاسی کمک ءَ را دیم ءَ برگ ءَ انت۔ اے تر ءُ تاب یک راجدپتری سنگ میل ءِ نشان اِنت پرچا کہ پاکستان ءُ امریکہ ءِ سیادی ءِ 77سالی راجدپتر ءِ تہ ءَ ھچ پیسریگیں پاکستانی پارلیمانی ڈل ءَ کانگریس ءِ چیردستی ءَ رے برن بوئس آفس بلڈنگ ءِ تہ ءَ باقاعدہ ملاقات نہ کتگ۔ اے تر ءُ تاب ءِ تہ ءَ نیشنل پریس کلب واشنگٹن ڈی سی ءَ پریس کانفرنس ءُ میڈیا ءِ ھوار بوھگ ءُ نیو جرسی ءَ کمیونٹی ءُ سیاسی استقبالیہ ھم ھوار بنت۔ امیت انت کہ اے تر ءُ تاب ءَ چہ باقاعدہ پارلیمانی تبادلہ، گیشیں قانون ساز کمک ءُ پاکستان ءُ امریکہ ءِ نیام ءَ یکے دومی ءِ احترام، جمہوری اصول ءُ دراجیں مدتی اسٹریٹجک ھوار بوھگ ءِ بنیاد ءَ بنیاتی ادارگی شریکداری ءِ راہ پچ بیت۔