کشت ءُ کشاری ءِ شوبگ ءَ دیمروئی ءِ بازیں گنجائش است انت، کشت ءُ کشاری ءِ برآمدات ءَ را گیش کنگ ءِ ھاترا ایکشن پلان جوڑ کنگ بہ بیت، مزن وزیر محمد شہباز شریف

اسلام آباد۔6جنوری  (اے پی پی): مزن وزیر محمد شہباز شریف ءَ کشت ءُ کشاری ءِ شوبگ ءَ گہتری کار ءُ کشت ءُ کشاری ءِ شوبگ ءَ را جھان ءِ درجہ ءِ کارروائی آناں آشنا کنگ ءَ را حکومت ءِ اولی ترجی ءِ رنگ ءَ گشگ ءِ وھد ءَ گوشت کہ کشت ءُ کشاری ءِ شوبگ ءَ دیمروئی ءِ واستہ بازیں گنجائش است انت ءُ آئی ءَ برآمداتی منصوبگ ءِ تہ ءَ یک کارروائی ءِ جوڑ کنگ ءِ ھم پنت ءُ شون کتگ۔ مزن وزیر کارگس ءِ مڈ ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ اے ھیالانی درشانی سئے شمبے ءِ روچ ءَ کشت ءُ کشاری برآمدات ءِ تہ ءَ گیشی ءُ کشت ءُ کشاری شوبگ ءَ را میاں اوستمانی لوٹ آنی گوما ھمگرنچ کنگ ءِ واستہ نجی شعبہ ءِ ماہرین آنی سر ءَ ھواریں کارگس ءِ دیوان ءِ سروکی ءَ کنان ءَ کت۔ دیوان ءَ وفاقی وزیر احسن اقبال، رانا تنویر حسنم، ڈاکٹر مصدق ملک، محمد اورنگزیب، عطا اللہ ترار، وزیر ءِ مملکت بلال اظہر نائی، ھاسیں کمکار ہارون اختر ءُ سیادی داروکیں مزنیں حکام ءَ بہر زرتگ۔ مزن وزیر محمد شہباز شریف ءَ دیوان ءَ گوں تران کنان ءَ گوشت کہ کشت ءُ کشاری ءِ شوبگ ءَ گہتری کار ءُ کشت ءُ کشاری ءِ شوبگ ءَ را جھان ءِ تک ءَ رائجیں رھبند آنی سر ءَ آشنا کنگ حکومت ءِ اولی ترجی اَنت۔ آئی ءَ گوشت کہ وفاقی حکومت صوبائی حکومت آنی گوما ھواری ءَ کشت ءُ کشاری ءِ شوبگ ءَ وتی دائرہ کار ءِ تہ ءَ گہتری کار آنی گوما کشت ءُ کشاری ءِ دیمروئی ءِ واستہ گامگیج کنگ ءَ انت۔ کشت ءُ کشاری ءَ را معیاری بجلی، مناسب نرخ ءَ بروقت کھاد ءُ نادراہی ءِ گر ءُ دار ءِ واستہ دوائی آنی پھجارینگ ءِ واستہ گامگیج کنگ بوھگ ءَ انت تانکہ فی ایکڑ دھان ءِ پیداوار ءَ را گیش کنگ بہ بیت۔ پروسیسنگ ءِ وسیلگ ءَ کشت ءُ کشاری سامان آنی برآمد ءِ توانائی ءَ را گیش کنگ ءِ واستہ صوبائی تک ءَ گامگیج کنگ بوھگ ءَ انت۔ مزن وزیر محمد شہباز شریف ءَ گوشت کہ گوستگیں وھد ءَ یک ھزار پاکستانی نودربر حکومت ءِ ھرچ ءُ درچ ءَ نوکیں کشت ءُ کشاری ٹیکنالوجی ءِ تربیت ءِ واستہ چین ءَ روان دیگ بنت۔ آئی ءَ گوشت کہ پاکستان ءِ کشت ءُ کشاری شوبگ ءَ دیمروئی ءِ مزنیں گنجائش است انت، ءُ استیں وسیلگ آنی تہ ءَ مان بوھگ ءِ وھد ءَ ما کشت ءُ کشاری ءِ دیمروئی ءِ تہ ءَ سرمایہ کاری کنگ ءَ آں تانکہ یک ایکڑ ءِ پیداوار ءَ را گیشی بہ بیت۔ مزن وزیر محمد شہباز شریف ءَ گوشت کہ ماہی گیری، میوہ ءُ ایشی ءِ پیداوار آنی برآمد ءِ تہ ءَ گیشی ءِ واستہ گامگیج کنگ بوھگ ءَ انت۔ آئی ءَ پنت ءُ شون کت کہ کوسٹل بیلٹ ءِ سر ءَ پام آئل ءِ پیداوار ءِ واستہ پالیسی گامگیج جوڑ کنگ بہ بنت ءُ آیوکیں پنچ سال آنی تہ ءَ کشت ءُ کشاری برآمدات ءَ را گیش کنگ ءِ واستہ ایکشن پلان جوڑ کنگ بہ بیت۔ گند ءُ نند ءِ تہ چیئرمین ورکنگ گروپ رانا نشمیش ءُ آئی ءِ ٹیم ءَ کشت ءُ کشاری شوبگ ءِ بابت ءَ سرجمیں رپورٹ پیش کتگ ءُ ایشی ءِ دیم ءَ اوشتاتگیں جیڈھ ءُ آیوکیں ایکشن پلان ءِ بابت ءَ سرجمیں بریفنگ داتگ۔ دیوان ءِ تہ ءَ ملک ءِ تہ ءَ ربیع ءُ خریف ءِ مزنیں فصل آنی دمگی ءُ جھان ءِ تقابلی تجزیہ، آوانی یک ایکڑ ءِ میان استمانی پیداوار، باغبانی ءُ میوہ ءِ پیداوار، آوانی برآمدات، لائیو سٹاک، ڈیری سیکٹر ءُ کشت ءُ کشاری ءَ گوں سیادی داروکیں درستیں شوبگ آنی سر ءَ چار ءُ تپاسی کنگ بیت۔ دیوان ءَ را سرپد کنگ بوت کہ کسانیں مدتی گہتری کار ءِ فریم ورک ءِ رد ءَ پاکستان ءِ استیں وسیلگ آنی تہ ءَ پاکستان ءِ استیں اوسط پیداوار ءَ را گیش کنگ بیت، ایشی ءِ واستہ وفاقی حکومت عارضی فنڈز ءِ پجارینگ ءُ پالیسی ءِ گامگیج آنی سر ءَ عمل کنگ ءِ ھوار صوبائی حکومت آنی کمک ءَ موثر توسیپ ءِ ازمت آنی پجارینگ ءُ کشت ءُ کشاری ءِ عمل ءَ را یک نوکیں وسیلگ ءِ گوما آشنا کنگ بیت۔ دیوان ءَ سرپد کنگ بوت کہ کشت ءُ کشاری سامان آنی پروسیسنگ ءِ واستہ وفاقی حکومت سرٹیفیکیشن رژیم ءِ سر ءَ کار کنت ایشی ءَ چہ کشت ءُ کشاری سامان آنی تہ ءَ قدر ءُ قیمت ءِ گیشی ءَ را یک وسیلہ جوڑ کنگ ءَ چہ جہانی مارکیٹ آنی تہ ءَ کشت ءُ کشاری ءِ منافع ءَ را گیش کنگ بیت۔ گند ءُ نند ءَ کشت ءُ کشاری ادارگ آنی تہ ءَ گہتری کار ءِ ھوالگ ءَ یک ٹوھیں ایکشن پلان ءِ سر ءَ ھم ھیال ریچی کنگ بوت کہ ایشی ءَ چہ نا ایوک ءَ استیں فصل آنی پیداوار ءَ را گیش کنگ بیت بلکینگ ءَ پاکستان ءِ موسم ءُ مٹی ءِ جاور آنی رد ءَ نوکیں ءُ سودمندیں فصل آنی کشت ءُ کشار ءِ واستہ دلبڈی ھم رس ایت۔ مزن وزیر ءَ کارگس ءِ نیمگ ءَ چہ سرجمیں بریفنگ ءِ توسیپ کت ءُ کار ءِ لائک ، موثر ءُ سرجمیں روڈ میپ ءِ تیار کنگ ءُ حکومت ءِ گہتری کار ءِ سفارشات ءِ تہ ءَ ھوار کنگ ءِ پنت ءُ شون کت۔