نائب مزن وزیر اسحاق ڈار چین ءِ تر ءُ تاب ءَ سرجم کنگ ءَ پد وطن ءَ واتر بوتگ

اسلام آباد۔ جنوری (اے پی پی): بیجنگ ءَ پاک چین ءِ دری کارانی وزیر آنی اسٹریٹجک گپ ءُُ تران ءِ ھپتمی راؤنڈ ءِ سوبمندیں آسر ءَ پد نائب مزن وزیر ءُُ دری کارانی وزیر سینیٹر محمد اسحاق دار اسلام آباد ءَ واتر بوتگ۔ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر ءُُ دری کارانی وزیر سینیٹر اسحاق دار 2026 ءَ چین ءِ تر ءُُ تاب کنوکیں اولی دری کارانی مہمان بوتگ کہ اے کار چین ءِ دری کارانی وزیر وانگ یی ءِ دعوت ءِ سر ءَ کنگ بوتگ۔ اے تر ءُُ تاب پاکستان ءُ چین ءِ نیام ءَ گہتریں سیادی ءُُ وت مہ وتی بھروسہ ءِ درشان بوتگ۔ اسٹریٹجک گپ ءُ تران ءِ ساھت ءَ دو نیمگی سیادی ءِ درستیں تک ءُ پھنات آنی سر ءَ سرجمیں رنگ ءَ چار ءُ تپاسی کنگ بوت۔ دوئیں نیمگ ءَ وتی ہر موسم ءِ اسٹریٹجک کوآپریٹو شراکت داری ءَ را گیش مھکم کنگ ءِ وتی عزم ءِ دوبر پدر کت، ایشی ءِ تہ ءَ تجارت، سرمایہ کاری، کشت ءُُ کشاری، صنعت، رابطہ ءُُ ایندگر دیمروئی شوبگ آنی تہ ءَ کمک ھوار اِنت۔ گپ ءُ تران ءِ شریک سروکی ءَ ابید نائب مزن وزیر ءُ دری کارانی وزیر ءَ چینی سروکی ءُ مزنیں کارندہ آنی گوما پائدگ مندیں دو نیمگی گند ءُ نند ھم کتگ ءُ یکجائی مفاد آنی دیمروئی، دمگی استحکام ءُ آیوکیں وھد ءِ ھاترا شریکداری ءِ دیمروئی ءِ واستہ وتی عزم ءِ پدا پدر کتگ۔