وزیر اعظم شہباز شریف کی بنگلہ دیش ہائی کمیشن آمد، بنگلہ دیشی ناظم الامور سے خالدہ ضیاء کے انتقال پر تعزیت کا اظہار

اسلام آباد – 5 جنوری (اے پی پی) : مزن وزیر محمد شہباز شریف ءَ بنگلہ دیش ءِ پیسریگیں مزن وزیر ءُ بنگلہ دیش ءِ نیشنلسٹ پارٹی ءِ چیئرپرسن بیگم خالدہ ضیاء ءِ بیرانی ءِ سر ءَ دلپدردی ءِ درشانی کنگ ءِ ھاترا بنگلہ دیش ءِ ہائی کمیشن ءِ تر ءُ تاب کتگ ءُ بنگلہ دیش ءِ چارج ءِ سروک ءِ سرا دلپدردی ءِ درشانی کتگ۔ پہ مرگ ءِ ابدی امن ءَ ۔۔۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر ءَ مہمان کتاب ءِ تہ ءَ وتی دلپدردی بیان نبشتہ کتگ کہ ایشی ءِ تہ ءَ بیگم خالدہ ضیاء ءَ را وشیں شگر ءُُ منت گپتگ ءُُ آئی ءَ را یک رھشون ءُُ نامداریں سیاسی شخصیت ءِ رنگ ءَ پیش داشتگ کہ آئی ءَ وتی زند ءَ را سرکاری ھزمت ءِ واستہ ندر کتگ۔ مزن وزیر ءَ بیگم خالدہ ضیا ءَ را پاکستان ءُُ آئی ءِ الس ءِ یک دلجمیں دوست ءُُ نیک واھشت ءِ بستار ءَ یات کنان ءَ گوشت کہ آئی ءَ وتی پد ءَ یک ابدمانیں ءُُ الہام بخشیں میراث ءِ یلہ داتگ۔ مزن وزیر ءَ پاکستان ءِ حکومت ءُ الس ءِ نیمگ ءَ بیگم خالدہ ضیا ءِ گس ءِ مردم ، آئی ءِ پارٹی کارکن ءُ بنگلہ دیش ءِ الس ءَ گوں دلپدردی ءِ درشانی کت ءُ دعا کت کہ اللہ تعالیٰ آئی ءَ را جنت ءَ مزنیں مقامے بہ دنت۔ مزن وزیر ءِ ھمبراھی ءَ وفاقی وزیر ءِ اھوالکاری ءُ شنگکاری عطا اللہ تراڑ ءُ ھاسیں کمکار طارق فاطمی ھم بوتگ اَنت۔