پاکستان کشمیری راج ءِ وت واجہی ءِ حق ءِ واستہ بے دروریں کمک ءَ برجاہ دار ایت، چیئرمین مزن وزیر ءِ ورنا پروگرام

اسلام آباد۔5جنوری  (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ اقوام متحدہ ءِ سلامتی کونسل ءِ 5 جنوری 1949 ءِ قرارداد ءِ دنیا ءَ را یات کنان ءَ گوشت کہ پاکستان کشمیری راج ءِ وت مہ وتی ءِ حق ءِ واستہ بے مٹیں سیاسی، اخلاقی ءُ سفارتی کمک ءَ برجاہ دار ایت۔ آئی ءَ اے گپ دو شمبے ءِ روچ ءَ مزن وزیر کارگس ءِ ورنا کارانی ونگ ءَ کشمیری الس ءِ وت واجئی ءِ ھک ءِ روچ ءِ موہ ءَ کت۔ چیئرمین مزن وزیر ءِ ورنا پروگرام ءَ اے عزم ءِ یک رندے پدا گوشت کہ مزن وزیر ءِ ورنا پروگرام ءَ چہ ورنا آنی سروکی ءَ راجی ءُ میاں اوستمانی تک ءَ کشمیری الس ءِ ھک آنی واستہ کاروائی آناں گیش کنگ بیت، ایشی ءِ مول ءُ مراد ایش انت کہ جموں ءُ کش ءِ نیمگ ءَ ناجائزیں رنگ ءَ قبضہ کتگیں بھارت ءَ میاں اوستمانی کانود آنی ھلاپ ورزی ءَ را پدر کنگ بہ بیت۔ رانا مشہود خان ءَ گوشت کہ کشمیر ءِ جیڈھ راجدپتر ءِ منجمدیں تاک نہ انت بلکینگ ءَ لاکھوں مردم آنی واستہ ھون ءَ نبشتہ کتگیں حقیقت انت۔ آئی ءَ گوشت کہ دہائی آنی گوزگ ءَ ابید ھم دگنیا ءَ کشمیری اُلس ءَ را انصاف پجاری ءِ واستہ وتی وعدہ پیلو نہ کتگ، آوانی کوکار انگت ءَ کرفیو، خاردار تار ءُ سختیں کانود آنی چیر دستی ءَ دپ کپگ ءَ انت۔ آئی ءَ گوشت کہ کشمیری ورنا آنی دلیری نعرہ آنی پیداوار نہ انت بلکینگ ءَ زندگ بوھگ ءِ جذبہ ءِ پیداوار انت، آوانی واب گوں ارساں نبشتہ کنگ بوتگ انت ءُ آوانی امیت قربانی ءِ رکھینگ ءَ گوں بندوک بوتگ انت۔ آئی ءَ اے گپ ءِ سر ءَ اپسوز کت کہ بھارت ءِ نیمگ ءَ ناجائزیں رنگ ءَ قبضہ کتگیں جموں ءُ کشمیر دگنیا ءِ فوجی ترین دمگ آنی تہ ءَ یکے جوڑ بوتگ۔ آئی ءَ گوشت کہ اود ءِ زھگ زند ءِ مانا ءَ زانگ ءَ چہ پیسر گم ءِ مانا ءَ سرپد بنت۔ آئی ءَ گیش کرتگ کہ مات وتی زند ءَ وتی زھگانی ودار ءَ گوازین اَنت کہ آ ھچبر پدا نہ کاینت۔ آئی ءَ اے گپ ءِ سر ءَ زور پر دات کہ کشمیری الس ءِ واستہ پاکستان ءِ کمک ایوک ءَ رسمی نہ اِنت بلکینگ ءَ مقدس اِنت۔ آئی ءَ گوشت کہ حکومت ھمک میاں اوستمانی دیوان ءَ کشمیر ءِ جیڈھ ءَ را دیم ءَ برگ ءَ برجاہ دار ایت۔ آئی ءَ گیش گوشت کہ پاکستانی ورنا انصاف، راستی ءُ امن ءِ چیمپئن ءِ رنگ ءَ کار کن اَنت۔ رانا مشہود احمد خان ءَ جار جت کہ مزن وزیر ءِ ورنا پروگرام ءِ وسیلگ ءَ ڈیجیٹل کسہ ءِ گشگ ءِ منصوبگ بندات کنگ بنت، میاں اوستمانی ورنا آنی گپ ءُ تران ھم برجم دارگ بنت، یونیورسٹی ءِ تک ءَ سرپدی مہم کشمیری ورنا آنی بے تواریں توار ءَ را جھان ءِ پڑ ءَ آرگ بنت۔ آئی ءَ گوشت کہ گلوبل بے پرواہی مزنیں بدسلوکی اِنت، عملی کارروائی ءِ ھست نہ بوھگ ءِ قرارداد ایوک ءَ ھما وعدہ اَنت کہ انسانیت ءِ ضمیر ءَ را پریشان کن اَنت۔ رانا مشہود خان ءَ کشمیری ورنا آنی بے دروریں دلیری ءِ توسیپ کت۔ آئی ءَ دل یکیمی دات کہ پاکستان ءِ دل کشمیری آں گوں دڑھگ ءَ انت۔ تئی درد پاکستان ءِ درد انت، تئی جہد مئے جہد انت۔ آئی ءَ گیش تران کت کہ آہانی آجوئی پاکستان ءِ نا سرجمیں واب انت۔ آئی ءَ دل یکیمی دات کہ پاکستان ءُ کشمیر ءِ سیادی داں وھد ءَ تاں انصاف نہ بیت مھکم مان ایت۔