وفاقی وزیر داخلہ ءُ منشیات ءِ کنٹرول محسن نقوی ءَ شنگھائی ءِ اسپیشل پولیس فورس ءِ کارگس ءِ تر ءُ تاب

شنگھائی۔5جنوری  (اے پی پی): وفاقی وزیر داخلہ ءُ منشیات ءِ کنٹرول محسن نقوی ءَ چین ءِ تر ءُ تاب ءِ اولی بھر ءَ شنگھائی اسپیشل پولیس فورس بیورو ءِ تر ءُ تاب کتگ۔ سروک کمانڈنگ سینٹر اسپیشل پولیس فورس بیورو ژیاؤ ءَ وزیر داخلہ محسن نقوی ءَ را وش آتک کتگ۔ وزیر داخلہ محسن نقوی ءَ را شنگھائی اسپیشل پولیس فورس بیورو ءِ بابت ءَ سرجمیں بریفنگ دیگ بوت۔ وزیر داخلہ محسن نقوی ءَ اے پی سی، بمب ڈسپوزل یونٹ ءِ سامان ءُ فورس ءِ نیمگ ءَ کارمرد بوتگیں نوکیں سلاہ دیستگ اَنت۔ نوکیں آپی توپ ءُ اے دگہ سامانانی چار ءُ تپاسی ھم کتگ۔ وزیر داخلہ محسن نقوی ءَ اسپیشل فورس ءِ پیشہ وارانہ ءُ تربیت ءِ عملی مظاہرہ ءِ گواہ بوتگ۔ آئی ءَ شنگھائی ءِ اسپیشل پولیس فورس ءِ نیمگ ءَ مارشل آرٹ ءِ مظاہرہ ءِ گواہ بوتگ۔ وزیر داخلہ محسن نقوی ءَ شنگھائی اسپیشل پولیس فورس ءِ نوکیں لیکہ آنی سر ءَ دیمروئی ءِ نظام ءِ توسیپ کنان ءَ گوشت کہ شنگھائی اسپیشل پولیس فورس ءُ اسلام آباد پولیس فورس ءِ نیام ءَ یکوئی کمک ءَ را مھکم کنگ بیت، ءُ شنگھائی اسپیشل پولیس فورس ءِ تربیت ءِ مزنیں معیار ستا کرز ایت۔ وفاقی سیکرٹری داخلہ محمد خرم آغا، آئی جی اسلام آباد پولیس علی نصیر رضوی ءُ چیف کمشنر اسلام آباد محمد علی رندھوا ھم ھوار اتنت۔