بھارت ھپتاد سال  ءَ چہ کشمیری آں وت واجہی ءِ حق ءَ چہ زبہر کنگ ءَ انت، اے جیڈھ ءِ گیواری ءَ میاں اوستمانی براتی ءَ را موثر کرد پیلو کنگی انت، سینیٹ ءِ چیئرمین سید یوسف رضا گیلانی

اسلام آباد۔5جنوری  (اے پی پی): سینیٹ ءِ چیئرمین سید یوسف رضا گیلانی ءَ کشمیر ءِ وت واجہی ءِ روچ ءِ موہ ءَ وتی پیغام ءِ تہ ءَ گوشت کہ 5 جنوری 1949 یک راجدپتری روچے کہ اقوام متحدہ ءِ کمیشن ءَ ھندوستان ءُ پاکستان ءِ دیم ءَ کشمیر ءِ وتی راج ءِ ناگزیر ءُ بنیاتی ھک ءَ را باقاعدہ من اِتگ۔ ہفت دہائی ءَ چہ ہندوستان کشمیری راج ءَ را چہ وتی میاں اوستمانی تک ءَ منگ بوتگیں وت واجہی ءِ حق ءَ چہ زبہر کنگ ءَ اِنت۔ اے جیڈھ ءِ گیواری ءَ میاں اوستمانی براتی ءَ جوانیں کردے پیلو کنگی اِنت۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سید یوسف رضا گیلانی ءَ اے گپ ءِ سر ءَ زور پر دات کہ اقوام متحدہ ءِ اے قرارداد جموں ءُ کشمیر ءِ جیڈھ ءِ میاں اوستمانی بستار ءِ بنیات اِنت ءُ ھمے ھاتر ءَ اے جیڈھ انگت ءَ میاں اوستمانی براتی ءِ ایجنڈا ءِ سر ءَ اِنت۔ ہفت دہائی ءَ چہ بھارت کشمیری راج ءَ را چہ وتی آئی ءَ گوشت کہ بھارت کشمیری پجار ءِ مٹ کنگ ءِ مول ءُ مراد ءَ گوں غیر قانونی مقبوضہ جموں ءُ کشمیر ءَ آبادی ءِ تناسب ءَ را بدل کنگ ءِ واستہ منظم کوشست کنگ ءَ انت کہ اے میاں اوستمانی کانود ءُ بنیاتی انسانی قدر آنی بے دروریں خلاف ورزی ءِ برابر انت۔ چیئرمین سینیٹ ءَ گوشت کہ 5اگست 2019 ءَ بھارت ءِ نیمگ ءَ یک نیمگی ءُ ناجائزیں گامگیج آنی سبب ءَ اقوام متحدہ ءِ قرارداد آنی روح ءَ را سک باز ھراب کتگ ءُ دمگ ءَ را گیش بے رھبند کتگ۔ آئی ءَ اے گپ ءِ نیمگ ءَ دلگوش گور کت کہ مقبوضہ کشمیر ءَ یک ملین ءَ چہ گیش بھارتی فوج آنی ھست بوھگ ءُ برجاھیں سرکوب ءُ زوراکی ءَ چہ اودا بوتگیں انسانی ھک آنی مزنیں لگتمالی ءِ ھاسیں رنگ ءَ پدر اِنت۔ سید یوسف رضا گیلانی ءَ گوشت کہ کشمیری اُلس ءِ جائزیں توار ءَ را روچ پہ روچ ظلم ءُ زوراکی آنی وسیلگ ءَ دپ کپگ ءِ کوشست بیگ ءَ انت، البت ایشانی دلیری ءُ جہد برجائی ءَ است انت۔ چیئرمین سینیٹ ءَ پاکستان ءِ اصولی موقف ءِ پدا پدر کنان ءَ گوشت کہ پاکستان ءِ حکومت ءَ مدام کشمیر ءِ جیڈھ ءِ انصاف مند، برجائی ءُ پرامن گیواری ءِ حمایت کتگ کہ اقوام متحدہ ءِ 5 جنوری 1949 ءِ قرارداد ءُ کشمیری الس ءِ واھشت آنی رد ءَ بہ بیت۔ آئی ءَ میاں اوستمانی براتی ءَ را زور پر دات کہ آ وتی ذمہ واری آناں پیلو بہ کنت ءُ کشمیری راج ءَ را وعدہ کتگیں وت واجہی ءِ حق ءَ را دل یکیمی کنگ ءِ تہ ءَ جوانیں کردے پیلو بہ کنت۔