کسانیں ءُ نیامی درجگ ءِ  کاروباری ادارگ ملک ءِ معیشت ءِ ریڑھ ءِ ھڈ انت، مزن وزیر شہباز شریف دیوان ءَ گشتانک

اسلام آباد۔5جنوری  (اے پی پی): مزن وزیر محمد شہباز شریف ءَ کسانیں  ءُ درنیامی کاروباری ادارگ آنی دیمروئی ءِ واستہ روڈ میپ ءِ ساڑاتگ ءَ گوشت کہ کسان ءُ میان استمانی ادارگ ملکی معیشت ءِ مڈی انت۔ آئی ءَ اے ھیالانی درشانی دو شمبے ءِ روچ ءَ ملک ءَ کسان ءُ میاں اوستمانی کاروباری ادارگ آنی دیمروئی ءِ واستہ "سمیڈا” ءِ بزنس پلان ءِ ھوالگ ءَ دیوان ءِ سروکی ءَ کنان ءَ کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ کسان ءُ درنیامی کاروباری ادارگ آناں دیمروئی دیگ ءِ واستہ آیوکیں سئے سال آنی روڈ میپ پیش کنگ بوتگ۔ مزن وزیر ءَ ھاسیں کمکار ہارون اختر ءُ اسمیڈا ءِ نوک گچین بوتگیں بورڈ آف ڈائریکٹرز ءِ یک بوت کنوکیں ءُ جوانیں منصوبگ ءِ جوڑ کنگ ءِ سر ءَ ساڑات ءُ گوشت کہ کسان ءُ میاں اوستمانی ادارگ ملکی معیشت ءِ ریڑھ ءِ ھڈ انت۔ کسان ءُ میان استمانی کاروباری ادارگ آنی دیمروئی ءِ وسیلگ ءَ ملک ءِ برآمدات ءِ تہ ءَ گیشی ءِ واستہ مزنیں گنجائش است انت۔ مزن وزیر ءَ سیادی داروکیں ادارگ آناں ہدایت کت کہ آ بینک ءُ ایندگر مالیاتی ادارگ آنی نیمگ ءَ کسان ءُ درنیامی ادارگ آناں آسانیں شرت آنی سر ءَ وام پجارینگ ءِ واستہ گامگیج ترند بہ کن اَنت۔ دیوان ءَ کسان ءُ میاں اوستمانی ادارگ آنی جیڈھ ءُ اے جیڈھ آنی گیواری ءِ واستہ ایکشن پلان، ملکی برآمدات ءِ تہ ءَ ایس ایم ایز ءِ ھوار کنگ ءِ حکمت عملی ءُ بزنس پلان ءِ تہ ءَ ھواریں ایندگر گامگیج آنی ھوالگ ءَ سرجمیں بریفنگ دیگ بوت۔ دیوان ءَ پاکستان ءِ ایس ایم ای شوبگ ءَ را مقابلہ ءِ بنیات ءَ گلوبل مارکیٹ ءَ را دیم ءَ آرگ ءِ واستہ جتا جتائیں ملک آنی گوما برجاھیں کمک ءَ را گیش گیش کنگ ءِ واستہ برجاھیں گامگیج آنی بابت ءَ ھم سرپدی دیگ بوت، ایشی ءِ تہ ءَ سرپدی دیگ بوت کہ ملکی ایس ایم ایز ءِ گنجائش ءَ را گیش کنگ ءِ واستہ گوستگیں وھد ءَ 6 شہر آنی تہ ءَ بازیں ورکشاپ آنی برجائی کنگ بوتگ۔ مقابلہ. گند ءُ نند ءَ ایس ایم ای شوبگ ءَ زالبول آنی بھر زوری ءُ سرجمیں کرد ءَ را دل یکیمی کنگ ءِ واستہ کتگیں گامگیج آنی ھوالگ ءَ ھم سرپد کنگ بوت۔ دیوان ءَ وفاقی وزیر ءِ اطلاعات ءُ شنگکاری عطا اللہ تارڑ، ھاسیں کمکار ہارون اختر، گورنر اسٹیٹ بینک جمیل احمد، چاریں صوبہ ءُ آزات کشمیر ءُ گلگت بلتستان ءِ چیف سیکرٹری، سمیڈا ءِ نوک گچین بوتگیں بورڈ ءِ باسک ءُ ہمگرنچیں ادارہانی افسراں بہر زرتگ ات۔