چین ءِ سوبمندیں تر ءُ تاب ءَ پد نائب مزن وزیر ءُ دری کارانی وزیر سینیٹر محمد اسحاق ڈار پاکستان ءَ  واتر روادگ

بیجنگ۔5جنوری  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار 3 جنوری ءَ چہ 5 جنوری 2026ءَ چین ءِ سوبمندیں تر ءُ تاب ءَ پد بیجنگ ءَ چہ پاکستان ءَ شتگ۔ دوشمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ ساھت ءَ نائب مزن وزیر ءُ دری کارانی وزیر سینیٹر محمد اسحاق ڈار ءَ دری کارانی وزیر وانگ یی ءِ گوما ھپتمی پاکستان ءُ چین ءِ اسٹریٹجک گپ ءُ تران ءِ شریک سروکی کت۔ ایشی ءَ ابید آئی ءَ چین ءِ ایگزیکٹو نائب مزن وزیر ڈنگ ژو شیانگ، چین ءِ کمیونسٹ پارٹی ءِ میاں اوستمانی محکمہ ءِ وزیر لیو ہائیشینگ، چین ءِ میاں اوستمانی دیمروئی کمک ءِ ادارگ ءِ چیئرمین چن ژیاؤڈونگ ءُ چین من میٹلز کارپوریشن ءِ نائب صدر سو جیچنگ ءَ گوں ھم گند ءُ نند کتگ۔ اے تر ءُ تاب ءِ ساھت ءَ پاکستان ءُ چین ءِ نیام ءَ سفارتی سیادی ءِ جوڑ بوھگ ءِ 75 سال ءِ درگت ءَ یاتگاری مراگش آنی سرکاری رنگ ءَ بندات ھم کنگ بوت۔