نائب مزن وزیر ءُ دری کارانی وزیر سینیٹر محمد اسحاق ڈار ءَ بیجنگ ءَ پاکستان سفارت خانہ ءِ تر ءُ تاب کتگ، سفیر خلیل ہاشمی ءَ سفارتخانہ ءِ ٹیم ءِ جہد ءُ کوشست ساڑاتگ

بیجنگ۔5جنوری  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ بیجنگ ءَ پاکستان سفارت خانہ ءِ تر ءُ تاب کت۔ دو شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ سفارت خانہ ءِ نوک جوڑ بوتگیں سرکاری جاھ آنی چار ءُ تپاسی کتگ، ایشی ءِ تہ ءَ روایتی ءُ نوکیں آرکیٹیکچرل سٹائل آنی جوانیں آمیزش گندگ ءَ کیت۔ افسر آنی گوما گپ ءُ تران ءِ ساھت ءَ آئی ءَ چین ءَ نندوکیں پاکستانی آناں قونصلر سروسز پجارینگ، آوانی کمک ءُ پاکستان ءِ جوانیں امیج ءَ را پدر کنگ ءِ ھوار دو نیمگی سیادی آناں دیمروئی دیگ ءِ تہ ءَ سفارتخانہ ءِ ھاسیں کرد ءِ سر ءَ زور پر دات۔ نائب مزن وزیر ءُ دری کارانی وزیر ءَ چین ءَ پاکستان ءِ سفیر خلیل ہاشمی ءُ سفارت خانہ ءِ ٹیمب  ءِ کار ءُ ازمت آناں    ساڑاتگ۔