کشمیری مردم مدام زلم ءُ زوراکی، انسانی حقانی لگتمالی ءُ بنیاتی حق ءُ شرپ ءِ لگتمالی ءِ آماچ انت، اسحاق ڈار

اسلام آباد۔5جنوری  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ جموں ءُ کشمیر ءِ سر ءَ بھارت ءِ ناجائزیں قبضہ مئے دور ءِ یک مزنیں سانحہ یے چیاکہ ناجائزیں بھارتی قبضہ ءِ چیر دستی ءَ جموں ءُ کشمیر ءِ اُلس ءِ سر ءَ بنیاتی ھک ءِ ھلاپ ورزی ءِ دیم ءَ دارگ بوھگ ءَ اِنت ءُ وتی انسانی حقانی ھلاپ ورزی ءِ برجاھیں زلم ءُ زوراکی ءِ آماچ اِنت۔ حقوق ءُ وقار ءِ سرا زور دنت۔ نائب مزن وزیر ءُ وزیر ءِ درئی کار ءَ ’’ وت واجہی ءِ ھک ءِ روچ‘‘ ءِ موہ ءَ وتی کلوہ ءِ تہ ءَ گوشت کہ پاکستان ءِ حکومت ءُ الس ناجائزیں ھندی قبضہ ءِ چیر ءَ جموں ءُ کشمیر ءِ الس ءَ گوں بے مٹیں یکوئی ءِ درشان کن اَنت۔ ما وتی مھکمیں جزم ءَ پدا پدر کنیں کہ آ وت واجہی ءِ حق ءِ رسگ ءِ ھاترا آھانی عادلانہ جہد ءِ حمایت ءَ بہ کنیں۔ دو شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ تہ ءَ نائب مزن وزیر ءُ درئی کارانی وزیر محمد اسحاق ڈار ءَ گوشت کہ اے روچ 5 جنوری 1949 ءِ روچ اِنت کہ اقوام متحدہ ءِ کمیشن برائے بھارت ءُ پاکستان ءِ رد ءَ راجدپتری قرارداد ءِ یات ءَ دارگ بیت کہ آئی ءَ جمیش ءِ راج ءِ آزات ءُ باقاعدہ ضمانت داتگ۔ اے عزم جموں ءُ کشمیر ءِ جیڈھ ءِ بابت ءَ اقوام متحدہ ءِ سلامتی کونسل ءِ بازیں قرارداد آنی تہ ءَ ھوار اِنت ءُ اقوام متحدہ ءِ جنرل اسمبلی ھر سال وت واجہی ءِ ھک ءِ حمایت ءَ وتی قرارداد آنی وسیلگ ءَ ایشی ءِ پدا پدر کنت۔ آئی ءَ گوشت کہ میاں اوستمانی کانود وت واجئی ءِ ھک ءَ را اقوام متحدہ ءِ منشور ءِ تہ ءَ ھواریں بنیاتی رھبند ءِ رنگ ءَ من ایت۔ بلے ہندوستان گوستگیں ہفت دہائیاں چہ کشمیری راج ءَ اے حق ءَ چہ زبہر کنگ ءَ انت۔ جموں ءُ کشمیر ءِ سر ءَ بھارت ءِ ناجائزیں قبضہ مئے وھد ءِ مزنیں سانحہ اِنت، چیا کہ بھارت ءِ ناجائزیں قبضہ ءِ چیر دستی ءَ جموں ءُ کشمیر ءِ راج منظم ظلم ءُ زوراکی، انسانی ھکانی مزنیں کچے ءَ لگتمالی ءُ وتی بنیاتی ھک ءُ شرپ ءِ لگتمالی ءِ آماچ اِنت۔ خاص ءِ رنگ ءَ 5 اگست 2019 ءِ بھارت ءِ ناجائزیں ءُ یک نیمگی کارروائی دمگ ءِ ڈیموگرافک ترکیب ءَ بدل کنگ ءَ ناجائزیں قبضہ ءِ مھکم کنگ ءِ زانتگیں کوشست اِنت۔ اے گامگیج آنی مول ءُ مراد کشمیری راج ءَ را وتی وطن ءَ یک بے وسیں چاگردے ءِ تہ ءَ منظم رنگ ءَ بدل کنگ اِنت کہ ایشی ءِ تہ ءَ میاں اوستمانی کانود ءُ وت واجہی ءِ ھک ءِ رھبندانی بے دروریں ھلاپ ورزی کنگ بیت۔ دہائیاں زلم ءُ زوراکی ءُ بے حسابیں قربانیانی باوجود کشمیری راج وتی وت واجہی ءِ حق ءِ ھاترا وتی انصاف ءِ جہد ءَ مھکم بوتگ۔ نائب مزن وزیر ءُ وزیر ءِ درئی کار ءَ گوشت کہ ما آوانی بے دروریں جزم ءُ دلیری ءَ را سلام پیش کن ایں ۔ آئی ءَ گوشت کہ اے موہ ءِ سر ءَ پاکستان اقوام متحدہ ءِ سلامتی کونسل ءِ ھمگرنچیں قرارداد آنی رد ءَ ناجائزیں بھارتی قبضہ ءِ چیر ءَ جموں ءُ کشمیر ءِ اُلس ءَ را وتی اخلاقی، سیاسی ءُ سفارتی کمک ءَ را برجاہ دارگ ءِ جزم ءَ را پدا برجاہ دار ایت۔ پاکستان چہ میاں اوستمانی براتی ءَ ھاسیں رنگ ءَ اقوام متحدہ ءَ ھم لوٹ کنت کہ آ کشمیری راج ءَ گوں وتی دیریں وعدہ ءَ پیلو بہ کنت ءُ جموں ءُ کشمیر جیڈھ ءِ منصفانہ ءُ پرامنیں گیواری ءَ را دل یکیمی کنگ ءِ واستہ وتی داتگیں کرد ءَ پیلو بہ کنت۔