وزیر داخلہ محسن نقوی ءَ ایف آئی اے کراچی زون ءِ تر ءُ تاب کتگ، منی لانڈر ءُ انسانی سوداگری ءَ ہواریں مافیا ءِ حلاف ءَ سکیں کارروائی ءِ پنت ءُ شون

کراچی۔4جنوری  (اے پی پی):وفاقی تہی کارانی وزیر محسن نقوی ءَ ایف آئی اے کراچی زون ءِ تر ءُ تاب کتگ ءُ ھاسیں دیوان ءِ سروکی ءَ کتگ، آئی ءَ ایف آئی اے کراچی زون ءُ ساؤتھ زون ءِ کارکردگی ءِ سر ءَ چار ءُ تپاسی کتگ۔ یک شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ وزیر داخلہ محسن نقوی ءَ منی لانڈرنگ ءَ ہواریں مافیا ءِ ھلاپ ءَ سرجمیں رنگ ءَ کارروائی ءِ پرمان داتگ ءُ گوشت کہ مزنیں منی لانڈررز ءِ سر ءَ مھکمیں دست ایر کنگ بہ بیت، منی لانڈرنگ ءَ ھواریں عناصر آنی سرجمیں منی ٹریل ءِ چیر دستی ءَ ھندی کاروبار ءَ را شنگ ءُ تالان کنگ بہ بیت، ھچ وڑیں ھندی کاروبار ءَ را شنگ کنگ مہ بیت۔ حالات، بے رھبندیں کارروائی گندگ بہ بیت۔ وزیر داخلہ محسن نقوی ءَ انسانی سوداگری ءَ ہواریں ایجنٹ مافیا ءِ حلاف ءَ موثر کارروائی ءِ ہم پرمان داتگ۔ وزیر داخلہ محسن نقوی ءَ گشتگ کہ روزگار ءِ بہانہ ءَ بے گناہیں مردماں درملک ءَ روان دیوکیں مردم ہچ وڑیں رعایت ءِ مستحق نہ انت، ایجنٹ مافیا ءِ حلاف ءَ ہچ وڑیں دباؤ ءِ ہلاپ ءَ کارروائی کنگ بہ بیت۔ آئی ءَ گوشت کہ جعلی دوائی آنی سوداگری کنوک انسانی جان ءَ گوں گوازی کنگ ءَ اَنت، اے وڑیں زھرناکیں کاروبار ءَ ھواریں عناصر آناں انصاف ءِ دیم ءَ آرگ بہ بیت۔ وزیر داخلہ محسن نقوی ءَ گوشت کہ ایف آئی اے کراچی زون ءَ انسانی وسائل ءِ کمی ءَ را اولیت ءِ بنیاد ءَ پیلو کنگ بیت، ایف آئی اے ءِ کارندہ درستیں المی ئیں وسیلگ آنی پجارینگ ءَ کن اَنت، البت آھاں وتی کارکردگی ءَ گوں ادارگ ءِ جوانیں نام ءَ را گیش کنگ لوٹ ایت۔ بریفنگ ءِ تہ ءَ گوشگ بوت کہ 4ماھ ءِ تہ ءَ انسانی اسمگلنگ ءَ ھواریں 20 ایجنٹ دزگیر کنگ بوتگ اَنت ءُ 140ملین کلدار ءِ نان کسٹم پروڈکٹس ءُ منشیات دست کپتگ۔ مسافر آنی آسراتی ءِ واستہ کراچی بالی پٹ ءَ آسراتی سنٹر جوڑ کنگ بوتگ۔ وزیر داخلہ محسن نقوی ءَ وتی وتی حلقہ ءِ انچارج افسراں چہ کارکردگی ءِ رپورٹ لوٹ اتگ ءُ آہاں پنت ءُ شون کتگ کہ آ گیش محنت بہ کن انت۔ ڈائریکٹر ایف آئی اے کراچی زون ءَ وزیر داخلہ محسن نقوی ءَ را سرپد کت۔ ایڈیشنل ڈائریکٹر جنرل ایف آئی اے جنوبی مجاھد اکبر خان، ڈپٹی ڈائریکٹر اینٹی منی لانڈرنگ، ڈپٹی ڈائریکٹر اینٹی کرپشن، ڈپٹی ڈائریکٹر اینٹی قاچاق، ڈپٹی ڈائریکٹر امیگریشن، ڈپٹی ڈائریکٹر کرائمز، ڈپٹی ڈائریکٹر کمرشل بینکنگ، ڈپٹی ڈائریکٹر ءِ ھواریں سرکاری ڈائریکٹر ءُ ٹوھیں سرکاری ڈائریکٹر آنی گوما ھمگرنچ انت۔