وینزویلا ءِ چہ وتی اگدہ ءَ کشگ بوتگیں صدر نکولس مادورو گوانتانامو ءَ لہتیں وھد ءَ بندیگ کنگ ءَ پد نیویارک ءَ دیم دیگ بوتگ، سپریم کورٹ ءَ نائب صدر ءَ را صدارت ءِ اگدہ ءِ سر ءَ زورگ ءِ پرمان داتگ

کراکس۔4جنوری  (اے پی پی): امریکہ ءَ اے گپ ءِ پدرائی کتگ کہ چہ وتی اگدہ ءَ در کنگ بوتگیں وینزویلا ءِ صدر نکولس مادورو ءَ را امریکہ ءِ نیمگ ءَ دزگیر کنگ ءَ پد نیویارک ءَ دیم دیگ بوتگ وھدے کہ وینزویلا ءِ سپریم کورٹ ءَ نائب صدر رودریگز ءَ را پرمان داتگ کہ آ عارضی رنگ ءَ سرجمیں صدر ءِ اختیارات، زمہ واری ءُ ذمہ واری ءِ سرا کار بہ کنت۔ قوم ءِ سرا ۔۔۔ العربیہ ءَ اے پی ءِ ھال رسانکدر ءِ رد ءَ ھال داتگ کہ مادورو ءِ بالی گراب نیویارک ءِ سٹیورٹ بالی پٹ ءَ ایر کپتگ ءُ نوں آئی ءَ را امریکہ ءَ مقدمہ ءِ دیمپانی کنگی اِنت۔ دومی نیمگ ءَ امریکی اگدہ دارے ءَ وارننگ اسٹینڈرڈ جرنل ءَ گوں تران کنان ءَ گْوشتگ کہ صدر ٹرمپ ءِ لوٹ اِنت کہ زوتاں چہ زوت نکولس مادورو ءِ سر ءَ کیس کنگ بہ بیت ءُ آ سزا دیگ بہ بیت۔ زانگ بہ بیت کہ شمبے ءِ روچ ءَ وینزویلا ءَ امریکی غیر معمولی فوجی آپریشن بوتگ کہ ایشی ءِ تہا صدر نکولس مادورو ءُ آئی ءِ جنین سیلیا فلورس دزگیر کنگ ءُ ملک ءَ چہ در کنگ بوتگ انت۔ امریکی صدر ءِ رد ءَ اے آپریشن چار روچ پیسر بندات کنگ ءِ منصوبگ بوتگ بلے موسم ءِ جاور ھالانی سبب ءَ اے آپریشن ءَ را مہتل کنگ بوتگ۔ بلے شپ ءَ چیف آف اسٹاف، سیکرٹری آف ڈیفنس ءُ امریکی فوجی ادارہاں ھاسیں فوجی آپریشن ءِ کنگ ءِ پرمان داتگ۔ رپورٹ ءِ رد ءَ نکولس مادورو ءُ آئی ءِ جن اولی رند ءَ امریکی جنگی جہاز اویغور جیما ءَ دیم دیگ بوتگ اَنت ءُ پدا عارضی وڑا گوانتانامو بے ءَ دارگ بوتگ اَنت ءُ پد ءَ نیویارک ءَ دیم دیگ بوتگ اَنت۔ دومی نیمگ ءَ ونزوئلا ءِ سپریم کورٹ ءَ نائب صدر دلسی رودریگز ءَ را عبوری سروک جوڑ کنگ ءِ پرمان داتگ۔ اردو نیوز ءِ رد ءَ ہائی کورٹ ءَ فیصلہ داتگ کہ رودریگز ءَ صدر ءِ عہدہ ءِ گوں سیادی داروکیں درستیں اختیارات، زمہ واری ءُُ ذمہ واری عارضی وڑا وتی سرا زورگ بہ بنت دانکہ انتظامی تسلسل ءُُ راج ءِ دفاع ءَ را دل یکیمی کنگ بہ بیت۔ اے ایف پی ءِ رد ءَ وھدے نکولس مادورو امریکی بالی گراب ءَ چہ ایر کپتگ گڑا ایف بی آئی ءِ ایجنٹاں آئی ءِ کش ءُ گور کتگ۔ پدا آ امریکی زندان ءَ دیم دیگ بوتگ۔ رند ءَ آئی ءَ را بالی گراب ءَ مین ہٹن ءَ سر کنگ بوتگ کہ اودا بازیں قانون ءِ نفاذ ءِ کارندہ ھوار بوتگ انت۔ سالی نکولس مادورو اولی رند ءَ امریکی منشیات ءِ نفاذ ءِ ادارہ ءِ کارگساں برگ بوتگ ءُ پدا بروکلین ءِ میٹروپولیٹن ڈیٹینشن سینٹر ءَ دیم دیگ بوتگ۔ نکولس مادورو ءِ سرا ”منشیات ءِ ناشرکاری“ ءِ ارش کنگ بوتگ، آئی ءَ ٹن ٹن کوکین امریکہ ءَ شنگ کتگ ءُ ناجائزیں سلاہانی دارگ ءِ ارش کتگ۔ دوشمبے ءِ روچ ءَ اقوام متحدہ ءِ سلامتی کونسل ءِ دیوان ءَ وینزویلا ءِ جاور ءُ امریکہ ءِ کارروائی ءِ بابت ءَ گپ ءُ تران کنگ بیت۔ اے ہنگامی دیوان ونزوئلا ءِ لوٹ ءِ سرا گشگ بوتگ۔