اسلام آباد۔4جنوری (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ گوں ملائیشیا ءِ دری کارانی وزیر محمد بن حاجی حسن ءَ ٹیلی فون ءِ سر ءَ گپ ءُ تران کت۔ دری کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون آں دو نیمگی سیادی ءِ استیں جاور ھال ءِ سر ءَ چار ءُُ تپاسی کت ءُُ جتا جتائیں …
نائب مزن وزیر محمد اسحاق ڈار ءَ گوں ملائیشیا ءِ دری کارانی وزیر ءَ ٹیلی فون گپ ءُ تران
گیشتریں ھال
اسلام آباد۔4جنوری (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ گوں ملائیشیا ءِ دری کارانی وزیر محمد بن حاجی حسن ءَ ٹیلی فون ءِ سر ءَ گپ ءُ تران کت۔ دری کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں رہشون آں دو نیمگی سیادی ءِ استیں جاور ھال ءِ سر ءَ چار ءُُ تپاسی کت ءُُ جتا جتائیں پڑ آنی تہ ءَ کمک ءَ را گیش دیمروئی دیگ ءِ واستہ وتی یکجائی جزمءِ سر ءَ پدا زور دات۔ ایشیا ءُ میاں اوستمانی تک ءِ بدل بوھوکیں جاور ھال آنی ھوار انوگیں دمگی دیمروئی آنی سر ءَ ھم ھیال ءُ لیکہ ءِ درشان کنگ بوت۔ دوئیں نیمگ ءَ مدام شور ءُ سلاھ ءِ سر ءَ زور پر دات ءُ ھرچ پڑ ءَ نزیکیں رابطہ ءِ تہ ءَ برجم دارگ ءِ سر ءَ تپاک کت۔
