سینیٹ ءِ چیئرمین سید یوسف رضا گیلانی ءَ گلگت بلتستان ءَ ھما ھئور ءِ آماچیں شھید بوتگیں پاک فوج ءِ کارندہ آناں یات کنائینتگ

اسلام آباد۔4جنوری  (اے پی پی): سینیٹ ءِ چیئرمین سید یوسف رضا گیلانی ءَ گلگت بلتستان ءِ شہر برزل پاس ءَ ہمسفر ءِ غمناکیں وئیل ءَ شہید بوتگیں پاک فوج ءِ کیپٹن اسمد گلفام، سپاہی رضوان ءُ مشین آپریٹر عیسیٰ ءَ را شگر ءُ منت گپت۔ سینیٹ سیکرٹریٹ ءِ میڈیا ڈائریکٹوریٹ ءِ نیمگ ءَ چہ جاڑی بوتگیں بیان ءِ تہ ءَ چیئرمین سینیٹ ءَ گوشت کہ ھما ھئور ءِ اے بدبھتیں وئیل سرجمیں راج ءِ واستہ سک باز رنج ءُُ گم ءِ سبب اِنت۔ آئی ءَ گوشت کہ کیپٹن اسمد گلفام، سپائے رضوان ءُ مشین آپریٹر عیسیٰ ءِ شہیدی ھمت، فرض ءُ راجی ھزمت ءِ یک درپشناکیں درور انت، ایشی ءِ سر ءَ سرجمیں راج ءَ پھر انت۔ سید یوسف رضا گیلانی ءَ گوشت کہ موسم ءِ گرانیں جاور آنی تہ ءَ پاک اُرد ءِ افسر ءُ مردین آنی ندر کنگ راج ءِ حوصلہ ءَ را بُرز کنت ۔ پاک اُرد ءِ اے بامردیں زھگاں وتی گران بھائیں سرانی ندر کنگ ءَ مھروانیں وطن ءُ راج ءِ ھزمت کنگ ءِ بُرزیں روایت جوڑ کتگ۔ چیئرمین سینیٹ ءَ گوشت کہ برزل پاس ءَ شھید بوتگیں فوجی آناں سرجمیں راج سلام انت ۔ آئی ءَ گوشت کہ پاک اُرد ءِ افسر ءُ مرد ھمک رنگ ءِ نگیگیں جاور آنی تہ ءَ راج ءِ رکھینگ ءُ ھذمت ءِ واستہ مدام ساڑی اَنت۔ چیئرمین سینیٹ ءَ گوشت کہ سرجمیں راج شھید آنی کھول آنی غم ءَ شریک انت ءُُ آوانی صبر، دلیری ءُُ پڑ ءَ سلام انت۔ چیئرمین سینیٹ ءَ گیش گوشت کہ پاک اُرد ءِ بامردیں زھگ آنی ابدمانیں قربانی راج ءَ را مدام یات بیت۔ سینیٹ ءِ چیئرمین سید یوسف رضا گیلانی ءَ دعا کت کہ اللہ تعالیٰ شہیدانی پڑ ءَ برز بہ کنت ءُُ پش کپتگیں ھاندان ءَ صبر ءُُ دلیری بہ دنت۔