اقوام متحدہ ءِ انسانی حقانی سروک ءَ اسرائیل ءَ فلسطینیانی واستہ  سزائے موت ءِ اسرائیلی بل آناں بیھار

اقوام متحدہ ۔3جنوری  (اے پی پی):اقوام متحدہ ءِ انسانی حقانی مستریں کارندہ ءَ اسرائیل ءِ واکداراں ھال داتگ کہ آ پیش کرتگیں کانوداں یلہ بہ کن اَنت کہ فلسطینیانی ھاترا سزائے  موت ءِ سزا ءِ دیم ءَ آرگ ءَ اَنت ءُ گْوشتگ کہ اے پیش کرتگیں کانود میان اُستمانی کانود ءُ انسانی ھکانی بنیاتی رہبندانی ھاسیں ھلاپ ورزی اِنت۔ اقوام متحدہ ءِ انسانی حقانی ہائی کمشنر وولکر ترک ءَ وتی بیان ءَ گشتگ کہ اسرائیل ءِ کنسٹ ءَ چار ءُ تپاسی ءِ تہا بوتگیں مسودہ ءِ تہا تبعیض، واجبیں عمل ءِ خلاف ورزی ءُ میاں اوستمانی انسانی حق ءُ انسانی قانون ءِ خلاف ورزی ءِ بابت ءَ مزنیں جیڈھ پیداک انت۔ آئی ءَ گوشت کہ موت ءِ سزا ءِ بابت ءَ اقوام متحدہ ءِ موقف پدر انت ءُ ما ایشی ءِ ہر رنگ ءَ مخالفت کن ایں ۔ چشیں سزا ءِ گوں انسانی شرپ ءَ آشوب کنگ سک گران اِنت ءُ بے گناہیں مردمانی اعدام ءِ ناقابل قبولیں خطرہ ءِ سبب اِنت۔ آئی ءَ گوشت کہ پیش کرتگیں کانود آنی تہ ءَ موت ءِ سزا ءِ کارمرد کنگ ءِ واستہ معیار ءَ را کم کنگ ءُ لازمی سزا ءِ دیم ءَ آرگ بوھگ ءَ اِنت ایشی ءَ چہ آمید گس آنی صوابدیدی اختیارات ھلاس بنت۔ آئی ءِ گشگ ءِ رد ءَ اے گامگیج زند ءِ ھک ءِ ھلاپ ورزی اِنت ءُ مدنی ءُ سیاسی ھکانی میان اُستمانی معاہدے ءِ رد ءَ اسرائیل ءِ زمہ واریانی رد ءَ ھمگرنچ نہ اِنت۔ ہائی کمشنر ءَ گیش کرتگ کہ اے تجویز انسانی ھک آنی واستہ ھم اے بنیاد ءَ جیڑگ ءِ سبب اَنت کہ اے ایوک ءَ فلسطینی آنی سر ءَ کارمرد بنت کہ آ ناانصافیں مقدمہ آنی پد ءَ باز براں سزا دیگ بنت۔ آئی ءِ رد ءَ اسرائیل ءِ سیاست دانانی مسودہ ءِ کانود ءِ زبان ءُ بیاناں چہ اے گپ پدر اِنت کہ اے کانود ایوک ءَ فلسطینی آں نشانگ جوڑ کن اَنت۔ بیان ءِ رد ءَ پیش کرتگیں ترمیم ءَ چہ مقبوضہ مغربی کنارہ ءَ نافذیں فوجی کانود بدل بنت کہ ایشی ءِ رد ءَ فوجی آمید گساں ارادی کشگ ءِ درستیں کیس آنی تہ ءَ لازمی موت ءِ سزا دیگی اِنت۔ ایشی ءَ ابید اسرائیل ءِ سزا ءِ قانون ءَ ترمیم کنگ بیت کہ ایشی ءِ تہ ءَ اسرائیلی شہری ءِ ناشرکاری ءِ کارروائی ءِ تہ ءَ کوش ءِ سزا ءِ موت ءِ اجازت دیگ بیت۔ اقوام متحدہ ءِ رد ءَ اے ترمیم گوستگیں کیسانی سر ءَ ھم کارمرد بوت کن اَنت ایشانی تہ ءَ 7 اکتوبر 2023 ءِ اُرش ھم ھوار اَنت کہ ایشی ءِ تہ ءَ حماس ءُ دگہ فلسطینی اسرائیل ءِ سلاہ بندیں گلانی آپریشن ءِ وھد ءَ 1200 ءَ چہ گیش اسرائیلی ءُ درملکی شہری بیران بوتگ اَنت ءُ 250 ءَ چہ گیش یرغمال کنگ بوتگ اَنت۔ چہ ایشی ءَ پد غزہ ءَ اسرائیل ءِ فوجی آپریشن ءَ چہ 70 ہزار ءَ گیش فلسطینی بیران ءُ بازیں ٹپیگ بوتگ انت۔ اقوام متحدہ ءِ رد ءَ اکتوبر ءَ اسرائیل ءُ حماس ءِ نیام ءَ جنگ بندی برجاہ اِنت کہ ایشی ءَ چہ کمکی کارانی تہ ءَ گیشی ءِ موہ رستگ بلے طبی آسراتی ناکافی اَنت ءُ امن منصوبگ انگت ءَ بند اِنت۔