پاکستان ءَ بھارتی وزیر ءِ درئی کارانی غیر ذمہ داریں الزاماں گوں ترندی  ءَ رد کتگ

اسلام آباد۔3جنوری  (اے پی پی):درئی کارانی کارگس ءِ جارکش طاہر حسین آندرابی ءَ پاکستان ءِ بابت ءَ ھندی درئی کارانی وزیر ءِ گپانی پسو ءَ گوشت کہ پاکستان ھندی درئی کارانی وزیر ءِ غیر ذمہ داریں الزام آناں سک رد کنت۔ ترجمان ءَ شمبے ءِ روچ ءَ وتی بیان ءِ تہ ءَ گوشت کہ بھارت یک رندے پدا دمگ ءِ بے رھبند کنگ ءُ ناشرکاری ءِ دیمروئی ءِ تہ ءَ وتی جیڑوکیں کرد ءَ چہ دلگوشی ءَ را کشگ ءِ کوشست کنگ ءَ اِنت۔ آئی ءَ گوشت کہ خطہ ءِ تہ ھاسیں رنگ ءَ پاکستان ءَ ناشرکاری ءِ کار آنی کمک ءَ بھارت ءِ دست مان ءِ دستاویزی شواہد است انت۔ ترجمان ءَ گوشت کہ کلبھوشن جادھو کیس پاکستان ءِ ھلاپ ءَ منظم، سرکاری سرپرستی ءَ ناشرکاری ءِ یک ھاسیں مثال اِنت، ایشی ءَ ابید سرحد ءِ سر ءَ کشگ ءِ بار باریں وئیل، پراکسی عناصر ءِ نیمگ ءَ تخریب کاری ءِ کار ءُ ناشرکاری نیٹ ورک آناں پوشیدہ کمک دیگ مزنیں جیڈھ ءِ سبب اِنت۔ آئی ءَ گوشت کہ اے رویہ ھندوتوا ءِ انتہا پسندی ءِ سوچ ءُ آئی ءِ زوراکی ءِ منوگر آنی نظریہ ءِ رد ءَ انت۔ جارکش ءَ گوشت کہ بھارت جموں ءُ کشمیر ءِ سر ءَ وتی ناجائز ءُ زوراکیں فوجی قبضہ ءَ برجاہ دارگ ءَ اِنت۔ پاکستان اقوام متحدہ ءِ سلامتی کونسل ءِ سیادی داروکیں قرارداد آنی رد ءَ کشمیری راج ءِ جائزیں جہد ءِ واستہ وتی وت واجہی ءِ حق ءِ واستہ وتی سرجمیں سیاسی، اخلاقی ءُ سفارتی کمک ءِ سر ءَ پابند اِنت۔ آئی ءَ گوشت کہ سندھ ءِ آپانی معاہدہ یک انچیں میاں اوستمانی معاہدہ اِنت کہ نیک نیتی ءُ قابل ذکریں قربانی آنی گوما کنگ بوتگ۔ ہندوستان ءِ نیمگ ءَ اے معاہدے ءِ ہرچ یک نیمگی خلاف ورزی ءِ سبب ءَ دمگی استحکام ءِ سرا زہر ءُ زہیریگ بیت ءُ آئی ءِ دعویٰ کہ آ میاں اوستمانی قانونی ذمہ واری آنی احترام کنگ ءِ دعویٰ ءَ را جُست ءُ پُرس کنت۔ جارکش ءَ گوشت کہ پاکستان منوگ نامہ ءِ رد ءَ وتی جائز ھک آنی رکھینگ ءِ واستہ ھمک رنگ ءِ گامگیج چست کنت ۔