حکومت ورناہاں بااختیار جوڑ کنگ ءِ واستہ گامگیج زورگ ءَ انت، امیر مقام

شانگلہ۔ 03 جنوری (اے پی پی):کشمیر ءِ کار گلگت بلتستان ءُ سفرون ءِ وفاقی وزیر ءُ صدر پاکستان مسلم لیگ خیبر پختونخوا ءِ انجینئر امیر مقام ءَ گشتگ کہ حکومت ورنا آناں بااختیار جوڑ کنگ ءِ ھاتر ءَ گامگیج کنگ ءَ انت۔ آئی ءَ اے ھیالانی درشانی شمبے ءِ روچ ءَ شنگلا یونیورسٹی ءَ ھاسیں مہمان ءِ بستار ءَ مزن وزیر ءِ لیپ ٹاپ اسکیم ءُ یونیورسٹی ءَ نوکیں ڈیجیٹل سمارٹ کلاس روم ءِ چیر دستی ءَ نودربر آنی نیام ءَ لیپ ٹاپ بھر ءُ بانگ ءِ بنگیج مراگش ءَ گوں تران کنان ءَ کت۔ وفاقی وزیر ءَ یونیورسٹی ءَ مزن وزیر ءِ لیپ ٹاپ اسکیم ءِ چیر دستی ءَ 45 نودربر آناں لیپ ٹاپ بھر ءُ بانگ کتگ ءُ سوبمندیں نودربر آناں مبارک بات داتگ۔ وفاقی وزیر ءُ صدر پاکستان مسلم لیگ خیبر پختونخوا ءِ انجینئر امیر مقام ءَ یونیورسٹی ءَ نوکیں ڈیجیٹل سمارٹ کلاس روم آنی بنگیج ھم کتگ۔ لیپ ٹاپ بھر ءُ بانگ ءِ مراگش ءَ گوں گشتانک دیان ءَ وفاقی وزیر انجینئر امیر مقام ءَ گوشت کہ آ مرچی مزن وزیر ءِ نیمگ ءَ چہ ایدا اتکگ آں، حکومت ورنا آناں نوکیں وانگ ءُ زانگ ءُ ٹیکنالوجی ءَ چہ پُر کنگ ءِ واستہ جزمیگ انت۔ وفاقی وزیر انجینئر امیر مقام ءَ ورنا آنی گہبود ءِ واستہ چیئرمین مزن وزیر ورنا پروگرام رانا مشہود احمد خان ءِ کوشست آناں ساڑاتگ ءُ گوشت کہ استیں حکومت ورنا آناں توانمند کنگ ءِ واستہ عملی گامگیج کنگ ءَ انت۔ وفاقی وزیر انجینئر امیر مقام ءَ گوشت کہ مزن وزیر ورنا پروگرام ءَ ورنا آناں وانگ ءُ زانگ، ھنر ءُ روزگار ءِ گہتریں موہ پجاری ءِ واستہ مزنیں کرد پیلو کتگ۔ آئی ءَ گوشت کہ ورنا کجام ھم ملک ءِ ارزشتی ایں مڈّی انت ءُ آھاں راستیں کشک ءَ راھشونی کنگ راجی دیمروئی ءِ ضمانت انت۔ وفاقی وزیر امیر مقام ءَ گوشت کہ شانگلا یونیورسٹی ءِ دیم ءَ اتکگیں جیڈھ آناں اولیت ءِ بنیاد ءَ گیش ءُ گیوار کنگ بیت ءُ اے ادارگ ءَ را رول ماڈل یونیورسٹی ءِ رنگ ءَ سہرا کنگ بیت۔ آئی ءَ مزن وزیر ءِ دیمروئی ءِ وژن ءُ وانگ ءُ زانگ ءِ اصلاحات ءَ را ساڑات ءُ گوشت کہ لیپ ٹاپ اسکیم ورنا آناں توانائی ءِ عملی درور اِنت۔ آئی ءَ مزن وزیر ءِ اقتصادی پالیشی آنی سر ءَ رژنائی شنگ کت ءُ گوشت کہ استیں حکومت معیشت ءَ را برجم دارگ، مہنگائی ءَ را کم کنگ ءُ روزگار ءِ موہ پیداک کنگ ءِ واستہ جوانیں گامگیج چست کنگ ءَ انت، ایشی ءَ چہ جوانیں آسراتی رسگ ءَ انت۔ انجینئر امیر مقام ءَ پاک اُرد ءُ سیکورٹی فورسز ءِ قربانی آناں شگر ءُ منت وار کنان ءَ گوشت کہ ملک ءَ امن ءِ برجائی ءِ واستہ شہید آنی ابدمانیں قربانی شموشگ نہ بنت۔ آئی ءَ فیلڈ مارشل سید عاصم منیر ءِ سروکی ءِ توسیپ کت ءُ آئی ءِ ازمت آنی ھم ذکر کت۔ وفاقی وزیر ءَ صوبائی حکومت ءِ سر ءَ ایراد گپت ءُ گوشت کہ صوبگ ءَ گورننس ءِ سنگینیں جیڈھ است انت کہ آھاں گیواری کنگ لوٹ ایت۔ آئی ءَ وتی اے جزم ءِ پدا زور دات کہ آئی ءَ مدام شانگلا ءِ الس ءِ ھزمت کتگ کہ آ ھم آئی ءِ ماتیں دمگ اِنت ءُ آیوکیں وھد ءَ ھم دمگ ءِ دیمروئی ءِ ھاترا سرجمیں کرد ءَ پیلو کنت۔ جدید ڈیجیٹل سمارٹ کلاس روم آنی بنگیج ءِ مراگش ءَ گوں گشتانک دیان ءَ وفاقی وزیر انجینئر امیر مقام ءَ گوشت کہ نوکیں دور ءِ لوٹ آنی رد ءَ وانگ ءُ زانگ ءِ ادارگ آنی تہ ءَ ڈیجیٹل آسراتی پجاری وھد ءِ ضلورت اِنت۔ ڈیجیٹل اسمارٹ کلاس روم ءِ جوڑ کنگ ءَ چہ نوکیں ٹیکنالوجی ءِ وسیلگ ءَ نودربر آناں معیاری تعلیم رس ایت ءُ پٹ ءُ پول ءُ وانینگ ءِ عمل ءَ را گہتر کنگ بیت۔ آئی ءَ گوشت کہ حکومت ہائیر ایجوکیشن ءِ دیمروئی ءُ وانگ ءُ زانگ ءِ آسراتی آنی تہ ءَ گہتری ءِ واستہ زبردستیں گامگیج کنگ ءَ انت۔ اے موہ ءِ سر ءَ وائس چانسلر پروفیسر ڈاکٹر سردار خان ءَ وفاقی وزیر ءِ شگر ءُ منت گپت ءُ گوشت کہ شنگلا یونیورسٹی ءَ ڈیجیٹل سمارٹ کلاس روم آنی جوڑ کنگ ءَ چہ وانگ ءُ زانگ ءِ کوالٹی ءَ را گیش گہتر کنگ ءَ ھاسیں کرد پیلو کنت۔ آئی ءَ گوشت کہ اے نوکیں آسراتی ءَ چہ استاد ءُ نودربر دوئیں نوکیں وانگ ءِ رھبند آں چہ سیت چست کنگ ءِ موہ رس ایت۔ اے موہ ءِ سر ءَ ھاسیں مہمان ءَ یونیورسٹی ءِ جتا جتائیں شعبہ آنی تر ءُ تاب کت ءُ وانگ ءُ زانگ ءِ کار آنی تہ ءَ سک باز دلگوشی ءِ درشانی کت۔ ایشی ءَ چہ پیسر وفاقی وزیر انجینئر امیر مقام ءَ شانگلا یونیورسٹی ءَ سر بوھگ ءِ پد ءَ آئی ءَ را جوانیں وش اتک کنگ بوت۔ یونیورسٹی ءَ سر بوھگ ءَ پد وائس چانسلر پروفیسر ڈاکٹر سردار خان، فیکلٹی ءِ باسک ءُ انتظامیہ ءِ مزنیں کارندہ آں وفاقی وزیر ءَ را وش اتک کت۔ اے موہ ءِ سر ءَ یونیورسٹی ءِ استاد ءُ کارندہ ھم مزنیں کساسے ءَ ساڑی بوتگ اَنت۔ ایشی ءَ پد وائس چانسلر ءَ وفاقی وزیر ءَ را شانگلا یونیورسٹی ءِ وانگ ءُ زانگ ءِ کار، برجاھیں دیمروئی منصوبگ، دیم ءَ اتکگیں چیلنج ءُ آیوکیں مول ءُ مراد آنی بابت ءَ سرجمیں رنگ ءَ سرپد کت۔ بریفنگ ءِ ساھت ءَ یونیورسٹی ءِ نیمگ ءَ داتگیں وانگ ءُ زانگ ءِ آسراتی، پٹ ءُ پولی منصوبگ ءُ نودربر آنی وشھالی ءِ ھوالگ ءَ گامگیج آنی سر ءَ ھم چمشانک دیگ بوت۔ وفاقی وزیر انجینئر امیر مقام ءَ شنگلا یونیورسٹی ءِ کرد ءِ توسیپ کنان ءَ گوشت کہ ہائیر ایجوکیشن ءِ دیمروئی ءِ واستہ اے وڑیں ادارگ سک باز المی انت۔ آئی ءَ یونیورسٹی ءِ دیمروئی ءِ واستہ ھمک رنگیں کمک ءِ دل یکیمی دات ءُ استاد ءُ انتظامیہ ءِ کوشست آناں ساڑات۔ وفاقی وزیر انجینئر امیر مقام ءَ شنگلا یونیورسٹی ءِ لان ءَ یک یادگاری پودے ءِ ھم ایر کتگ۔ وفاقی وزیر ءَ درچک ءِ کشت ءُ کشار ءِ ارزشت ءِ سر ءَ زور پر دیان ءَ گوشت کہ چاگردی رکھینگ ءُ وانگ ءُ زانگ ءِ دیمروئی یکے دومی ءَ گوں بندوک اَنت۔ وفاقی وزیر ءَ یونیورسٹی ءِ وانگ ءُ زانگ ءُ پٹ ءُ پولی کار آناں گیش دیمروئی دیگ ءِ واستہ سرجمیں کمک ءِ دل یکیمی دات۔ اے موہ ءِ سر ءَ صوبائی اسمبلی رشاد خان، پاکستان مسلم لیگ (ن) کے ضلعی صدر انتخاب عالم، حاجی فرہاد، صابر رحمان، ظہور الہی، غریب گل ءُ اے دگہ کارندہ ھم ساڑی اتنت۔