مزن وزیر محمد شہباز شریف ءَ راج ءُ پاک فضائیہ ءَ را تیمور ویپن سسٹم ءِ کامیاتیں آزمائش ءِ پد ءَ مبارک بات

لاہور ۔3جنوری  (اے پی پی):مزن وزیر محمد شہباز شریف ءَ پاک فضائیہ ءِ نیمگ ءَ چہ دیسی رنگ ءَ جوڑ کتگیں تیمور ویپن سسٹم ءِ سوبمندیں آزمائش ءِ سر ءَ راج ءُ پاک فضائیہ ءَ را مبارک بات داتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر، چیف آف ایئر سٹاف ایئر چیف مارشل ظہیر احمد بابر سدھو ءُ سائنسدان ءُ انجینئر ورک سسٹم ءِ سر ءَ شگر ءُ منت گپت۔ مزن وزیر ءَ پاکستان ءِ دفاعی صلاحیت آناں مھکم کنگ ءِ واستہ پاک فضائیہ ءِ پیشہ وارانہ ، لگن ءُ بے دروریں عزم ءَ را ساڑات ءُ گوشت کہ تیمور ویپن سسٹم ءِ برت ءَ ملک ءِ دفاع ءَ را گیش مھکم کنگ بیت۔ آئی ءَ گوشت کہ بالی ءِ سوبمندیں ٹیسٹ پاکستان ءِ دفاعی صنعت ءِ ٹیکنالوجی ءِ پختگی، نوآبادیاتی ءُ وت مہ وتی ءِ نشانی انت۔ آئی ءَ گوشت کہ تیمور سلاہ بندیں نظام ءِ سوبمندیں آزمائش راجی سلامتی ءِ مول ءُ مراد آنی سرجمی ءِ واستہ پاک فضائیہ ءِ آپریشنل تیاری، ٹیکنالوجی ءِ برتری ءُ برجاھیں کوشست آناں پدر کنت۔