صدر آصف علی زرداری ءَ بومی رنگ ءَ جوڑ کتگیں تیمور ویپن سسٹم ءِ سوبمندیں آزمائش ءِ ھاتر ءَ پاک فضائیہ ءَ را داد پیش

اسلام آباد۔3جنوری  (اے پی پی):صدر ءِ مملکت آصف علی زرداری ءَ پاک فضائیہ ءِ نیمگ ءَ چہ بومی رنگ ءَ جوڑ کتگیں تیمور ویپن سسٹم ءِ سوبمندیں آزمائش ءَ را شگر ءُ منت گپت۔ شمبے ءِ روچ ءَ صدر گس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ بنجاہی تک ءَ نوکیں سلاہ آنی جوڑیشت راجی صلاحیت، جزم ءُ ادارگی مہارت ءِ پدریں آدینک اِنت۔ آئی ءَ گوشت کہ پاک فضائیہ ءِ اے سوبمندی ءَ راجی دفاع ءَ را گیش مھکم کتگ ءُ پڑ ءَ استحکام ءِ واستہ پاکستان ءِ ذمہ وار دفاعی پالیشی ءَ را مھکم کتگ ۔ صدر ءِ مملکت آصف علی زرداری ءَ اے سوبمندی ءَ را راجی دفاع ءِ تہ ءَ وت مہ وتی ءِ سفر ءِ تہ ءَ یک ھاسیں گامگیج ءِ رنگ ءَ لیک اتگ ءُ پاک فضائیہ ءِ سائنسدان، انجینئر ءُ افسر ءُ مردین آنی محنت، پیشہ وارانہ لگن ءُ راجی ھزمت ءِ جزبگ ءَ را ساڑاتگ۔ صدر آصف علی زرداری ءَ گوشت کہ دفاعی شوبگ ءَ نوکیں ٹیکنالوجی ءِ دیمروئی پاکستان ءِ وتی ایمنی ءُ وت واجہی ءِ رکھینگ ءِ جزم ءِ درشان انت۔