تہی کارانی وزیر محسن نقوی ءَ پاک فضائیہ ءَ را تیمور ویپن سسٹم ءِ سوبمندیں بالی آزمائش ءِ سر ءَ مبارک بات داتگ

اسلام آباد۔3جنوری  (اے پی پی):وفاقی تہی کارانی وزیر محسن نقوی ءَ تیمور ویپن سسٹم ءِ سوبمندیں بالی آزمائش ءِ سر ءَ پاک فضائیہ ءَ را مبارکی دات ءُ گوشت کہ تیمور ویپن سسٹم ءَ چہ پاکستان ءِ دفاعی توانائی آنی تہ ءَ مزنیں کساسے ءَ گیشی بیت۔ شمبے ءِ روچ ءَ وتی بیان ءِ تہ ءَ وفاقی تہی کار ءِ وزیر ءَ گوشت کہ پاک فضائیہ ءَ دگہ یک فخر مندیں کارنامہ ءِ سرجم کتگ۔ محسن نقوی ءَ گوشت کہ دفاعی اُرد ءِ سروک فیلڈ مارشل جنرل سید عاصم منیر ءُ ایئر چیف مارشل ظہیر احمد بابر سدھو ءِ سروکی ءَ پاک فضائیہ ءَ دفاعی پڑ ءَ یک دگہ سوبمندی یے رستگ۔ من پی اے ایف ءِ انجینئر ءُ سائنسداناں ملک ءِ دفاع ءِ ھاتر ءَ یک ھاسیں سنگ میل ءِ سرا چہ دیم ءَ رؤگ ءِ ھاتر ءَ خراج تحسین پیش کناں۔ آئی ءَ گوشت کہ دمگی رنگ ءَ دیمروئی کتگیں تیمور ویپن سسٹم راجی وت واجہی ءِ یک مھکمیں علامت اِنت، من سائنسدان ءُ انجینئر آنی محنت ءُ پیشہ وارانہ لیکہ ءِ ستا ءَ کن آں ۔ محسن نقوی ءَ گوشت کہ تیمور ویپن سسٹم ءَ چہ پاکستان ءِ دفاعی توانائی آنی تہ ءَ مزنیں کساسے ءَ گیشی بیت۔