نائب مزن وزیر اسحاق ڈار ءِ سروکی ءَ قائمہ کمیٹی ءِ دیوان ءَ اسلام آباد ءِ میاں اوستمانی بالی پٹ ءِ آؤٹ سورسنگ ءِ ھوالگ ءَ جیڈھ آنی سر ءَ چار ءُ تپاسی

اسلام آباد۔2جنوری  (اے پی پی): اسلام آباد میاں اوستمانی بالی پٹ ءِ آؤٹ سورسنگ ءِ ھوالگ ءَ جیڈھ آنی سر ءَ نائب مزن وزیر ءُ درئی کارانی وزیر ایس محمد اسحاق ڈار ءِ سروکی ءَ قائمہ کمیٹی ءِ دیوان برجم دارگ بوت۔ جمعہ ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ وزارت دفاع ءَ اسلام آباد ءِ میاں اوستمانی بالی پٹ ءِ آؤٹ سورسنگ ءِ ھوالگ ءَ سرجمیں بریفنگ داتگ۔ اے موہ ءِ سر ءَ نائب مزن وزیر ءُ وزیر ءِ درئی کار ءَ پاکستان ءَ دیم پہ دیم سرمایہ کاری ءِ دیمروئی ءِ ھوالگ ءَ حکومت ءِ پالیشی ءِ سر ءَ زور پر دات ءُ گوشت کہ ایشی ءِ مول ءُ مراد ملک ءَ اقتصادی ءُ تجارتی چست ءُ ایر آنی تہ ءَ گیشی کنگ اِنت۔ گند ءُ نند ءَ وفاقی وزیر برائے پٹرولیم، مزن وزیر ءِ نجکاری ءِ نمائندہ، مزن وزیر ءِ ھاسیں کمکار طارق باجوہ، وفاقی سیکرٹری کابینہ، سیکرٹری دفاع، سیکرٹری نجکاری ءُ جتا جتائیں وزارت آنی ایندگر مزنیں کارندہ ءَ بہر زرتگ۔