وفاقی کابینہ ءَ مزنیں سپیکٹرم آکشن  ءِ ھاتر ءَ فریم ورک ءِ منظوری داتگ، 5G سروسز شش ماہ ءِ تہ ءَ صوبائی دارالحکومت اسلام آباد ءَ بندات کنگ بنت، شزہ فاطمہ خواجہ

اسلام آباد۔2جنوری (اے پی پی): وفاقی وزیر انفارمیشن، ٹیکنالوجی ءُ کمیونیکیشن شازہ فاطمہ خواجہ ءَ گوشت کہ سرجمیں ملک ءَ انٹرنیٹ ءِ سپیڈ ءَ را جیڈھ آنی دیم ءَ انت ءُ ایشی ءِ مستریں سبب دستیابیں اسپیکٹرم ءِ شدیدیں کمی انت۔ وفاقی کابینہ ءَ مزنیں اسپیکٹرم نیلامی، 5 جی سروسز ءِ فریم ورک ءِ منظوری داتگ کہ شش ماہ ءِ تہا صوبائی دارالحکومت اسلام آباد ءَ بندات کنگ بہ بیت۔ اگاں معتبریں انٹرنیٹ مہ بیت گڑا مرچیگیں دنیا ءَ دیمروئی ممکن نہ اِنت۔ پاکستان اے وھد ءَ دگنیا ءِ چارمی مزنیں فری لانسنگ معیشت اِنت وھدے کہ آئی ٹی ءِ شوبگ سالانہ 20 ءَ چہ 21درسد ءِ کساس ءَ دیمروئی کنگ ءَ اِنت۔ جمعہ ءِ روچ ءَ ادا پریس کانفرنس ءَ گوں تران کنان ءَ وفاقی وزیر ءَ گوشت کہ پاکستان اے وھد ءَ نزیک ءَ 240ملین آبادی ءِ واستہ وتی سرجمیں موبائل انٹرنیٹ نیٹ ورک ءَ را ایوک ءَ 274 میگا ہرٹز سپیکٹرم ءِ سر ءَ چلائینگ ءَ اِنت کہ اے دو لین ءِ سڑک ءِ سر ءَ چار لین ٹریفک ءِ چلائینگ ءِ وڑ ءَ اِنت۔ آئی ئَ گوشت کہ انٹرنیٹ ءِ رفتار سست بوھگ ءِ بنیاتی سبب است انت، پاکستان خطہ ءِ تہ ئَ اسپیکٹرم ءِ دستیابی ءِ تہ ئَ کمیں کچ ءِ است انت۔ تقابلی جائزہ ءِ دیان ءَ آئی ءَ گوشت کہ بنگلہ دیش ءِ کسانیں آبادی ءِ باوجود آئی ءِ تہ ءَ 600 میگاہرٹز ءِ کساس ءَ سپیکٹرم دستیاب اِنت۔ شازہ فاطمہ ءَ گوشت کہ وفاقی کابینہ ءَ مزنیں سپیکٹرم نیلامی ءِ واستہ یک فریم ورک ءِ منظوری داتگ کہ ایشی ءِ چیر دستی ءَ ٹی کام آپریٹرز ءَ را نزیک ءَ 600میگاہرٹز ءِ گیشیں سپیکٹرم ءِ پجارینگ بیت۔ اے نیلامی ءِ دیم ءِ ھپتگاں گمان اِنت۔ آئی ءَ گوشت کہ اے نیلامی ءَ 7 اسپیکٹرم بینڈ ھوار بنت، ایشی ءِ تہ ءَ 5 پاکستان ءَ اولی رند ءَ نیلامی کنگ بوھگ ءَ انت۔ اے توسیپ ءِ آسر ءَ نیلامی ءَ چہ چار ماہ ءِ تہ ءَ تھری جی ءُ فور جی سروسز ءَ را مزنیں کساسے ءَ گہتر کنگ بیت وھدیکہ شش ماہ ءِ تہ ءَ اسلام آباد ءُ ایندگر صوبائی دارالحکومت آنی تہ ءَ 5 جی سروسز بندات کنگ بیت۔ آئی ءَ گوشت کہ مئے مول ءُ مراد ایوک ءَ ترندیں انٹرنیٹ نہ اِنت بلکیں ھما رابطہ کاری اِنت کہ آیوکیں وھد ءِ لوٹ آنی گوما ھمگرنچ بہ بیت۔ پاکستان ٹیلی کمیونیکیشن اتھارٹی جوانیں گلوبل پریکٹسز ءِ زورگ ءِ واستہ میاں اوستمانی کنسلٹنٹس ءِ گوما کار کنگ ءَ انت۔ وفاقی وزیر ءَ اے گپ ءِ سر ءَ زور پر دات کہ انٹرنیٹ ءِ رابطہ نوں یک عیش ءُ عشرت ءِ نہ اِنت بلکیں اقتصادی دیمروئی، راجی سلامتی، وانگ ءُ زانگ، جان سلامتی، کشت ءُ کشاری ءُ برآمدات ءِ واستہ یک بلٹ ان انفراسٹرکچر ءِ جوڑ بوتگ۔ آئی ءَ گوشت کہ بھروسہ مندیں انٹرنیٹ ءِ ابید مرچیگیں دگنیا ءَ دیمروئی ممکن نہ انت۔ پاکستان اے وھد ءَ دگنیا ءِ چارمی مزنیں فری لانسنگ معیشت اِنت وھدے کہ آئی ٹی ءِ شوبگ سالانہ 20 ءَ چہ 21درسد ءِ کساس ءَ دیمروئی کنگ ءَ اِنت۔ آئی ءَ ٹیک سیکٹر ءِ تہ ءَ اصلاحات ءِ کمک ءِ واستہ مزن وزیر ءُ وزارت خزانہ ءِ کریڈٹ دات ءُ گوشت کہ وفاقی ادارگ ءُ بازیں صوبہ آنی نیمگ ءَ رائٹ آف وے چارجز ءِ ھلاسی ءَ چہ ھرچ ءُ درچ کم بوتگ ءُ فائبر انفراسٹرکچر ءِ تہ ءَ سرمایہ کاری ءَ را دیمروئی داتگ۔ وفاقی وزیر ءَ اے ھم جار جتگ کہ کابینہ ءَ موبائل ورچوئل نیٹ ورک آپریٹر پالیسی ءِ منظوری داتگ ایشی ءَ چہ نوکیں موبائل برانڈز ءِ واستہ وتی نیٹ ورک ءِ جوڑ کنگ ءُ پاکستانی مارکیٹ ءَ ھوار بوھگ ءِ راہ پچ بوتگ۔ اے پالیسی ءِ رد ءَ ایم وی این اوز استیں آپریٹرز ءَ چہ مزنیں کساسے ءَ نیٹ ورک ءِ گنجائش ءَ بہ زور اَنت ءُ وتی برانڈنگ ءِ چیر دستی ءَ سروسز ءِ وسیلگ ءَ دیم ءَ کار اَنت کہ ایشی ءَ چہ مقابلہ گیش بیت ءُ سبزکرائیبر ءِ واستہ استیں رنگ ءَ نرخ کم بنت۔ آئی ءَ گوشت کہ ایشی ءَ چہ صارف آناں گیشیں گچین کاری، جوانیں پیکج ءُ جوانیں سستی ءِ آسراتی رس ایت، جھان ءِ تجربگ آنی رد ءَ ایم وی این اوز مارکیٹ ءِ جان سلامتی ءَ را گہتر کنت ءُ درملکی سرمایہ کاری ءَ را را وتی نیمگ ءَ رازیگ کنت۔ شازہ فاطمہ ءَ یک دگہ مزنیں دیمروئی ءِ ذکر کنان ءَ گوشت کہ پی ٹی اے ءَ ضلعی تک ءِ آئی ایس پی لائسنس منظور کتگ کہ ایشی ءِ چیر دستی ءَ لوکل کیبل آپریٹرز ءُ کسانیں کمپنی آناں میتگ، شھر ءُ کم سروس ءِ دمگ آنی تہ ءَ قانونی رنگ ءَ انٹرنیٹ سروسز ءِ پھجارینگ ءِ وس ءُ واک رسیت۔ آئی ءَ گوشت کہ ایشی ءَ چہ فائبرائزیشن ءَ را جمہوری کنگ بیت ءُ مزنیں شہر آنی درگت ءَ قانونی انٹرنیٹ ءِ رسائی ءَ را آسراتی رسیت۔ وفاقی وزیر ءَ گوشت کہ پاکستان ءِ بینک میاں اوستمانی انٹرنیٹ کنیکٹوٹی ءِ واستہ جزم اِنت۔ آئی ءَ گہتری آنی سر ءَ ھم زور پر دات ءُ گوشت کہ پاکستان دگنیا ءِ دراجیں آبدوز کیبل سسٹم (ایم ایم ڈبلیو 6) ءِ بھر جوڑ بوتگ وھدیکہ اے سال ءَ دگہ دو آبدوز کیبل آناں کار بندات کنگ ءِ گمان اِنت۔ آئی ءَ گوشت کہ اے گامگیج آنی وسیلگ ءَ محدودیں راہ آنی سر ءَ انحصار کم بیت ءُ میاں اوستمانی کیبل ءِ کٹگ ءِ سبب ءَ رکاوٹ کم بنت، چوش کہ انوگیں وھد ءَ بحیرہ احمر ءِ دمگ ءَ ھال شنگ بوتگ۔ انٹرنیٹ ءِ بندش آنی ھوالگ ءَ جُست آنی پسو ءَ وفاقی وزیر ءَ اے گپ ءِ پدرائی کت کہ ھرچ وڑیں عارضی بندش اے وھد ءَ آئی ٹی وزارت ءِ دائرہ کار ءِ تہ ءَ نہ اِنت بلکیں وزارت داخلہ ءِ ہدایت ءِ سر ءَ کنگ بیت۔ شازہ فاطمہ ءَ دل یکیمی ءِ درشانی کت کہ سپیکٹرم ءِ تخصیص ءَ پد چار ماہ ءِ تہا کارمرز کنوک انٹرنیٹ سروسز ءِ تہا یک ھاسیں گہتری ءِ تجربہ کن انت۔ آئی ءَ اے اصلاحات آناں پاکستان ءِ ڈیٹا ءِ آیوکیں وھد ءِ واستہ انقلابی لیک اتگ۔ آئی ءَ گوشت کہ اے گامگیج ایوک ءَ آیوکیں یک سال ءِ واستہ نہ انت بلکیں آیوکیں دہائی آنی واستہ انت۔