وفاقی کابینہ ءَ آف گرڈ (کیپٹو پاور پلانٹس) ءِ قانون 2025 ءِ ترمیم ءِ لیوی ایکٹ ءِ برجائی  ءِ ھاتر ءَ کارروائی ءِ منظوری

اسلام آباد۔2جنوری  (اے پی پی): وفاقی کابینہ ءَ آف گرڈ کیپٹیو پاور پلانٹس ءَ را گیس ءِ بہا کنگ ءِ ھوالگ ءَ آف گرڈ (کیپٹیو پاور پلانٹس) ءِ کانود ایکٹ 2025ءِ ترمیم ءِ لیوی ایکٹ  ءِ سر ءَ عمل درآمد ءِ منظوری داتگ۔ مزن وزیر محمد شہباز شریف ءَ گشتگ پی آئی اے ءِ 75درسد شیئر ءِ نجکاری ءِ بابت ءَ حکومت ءِ گوما تپاک کنگ بوتگ ءُ بولی ءِ عمل سک شفاف بوتگ۔ رواں مالی سال ءِ اولی سہ ماہی ءَ جی ڈی پی ءِ تہ ءَ مزنیں گیشی ءِ وش آتک کنگ بیت۔ منی گوستگیں گند ءُ نند گوں امارات ءِ صدر شیخ محمد بن زاید النہیان ءَ دو نیمگی سیادی ءُ وت مہ وتی شور ءُ سلاہ ءِ رد ءَ سک باز کارآمد بوتگ۔ من سعودی ولی عہد ءُ مزن وزیر شہزادہ محمد بن سلمان ءِ گوما پاکستان ءُ سعودی عرب ءِ نیام ءَ دو نیمگی سیادی ءِ بابت ءَ گپ ءُ تران کت۔ دیمتر ءَ دیمروئی ءِ ھوالگ ءَ گپ ءُ تران کنگ بوت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر گس ءَ مزن وزیر محمد شہباز شریف ءِ سروکی ءَ وفاقی کابینہ ءِ دیوان برجم دارگ بوت۔ دیوان ءِ بھر زوروکاں گوں تران کنان ءَ مزن وزیر ءَ وفاقی کابینہ ءِ باسک آناں نوکیں سال ءِ مبارکی دات ءُ نیکیں واھگ آنی درشان کت۔ مزن وزیر ءَ اے گپ ءِ سر ءَ دل یکیمی ءِ درشان کت کہ پی آئی اے ءِ 75درسد شیئر آنی نجکاری سک باز جوانیں رنگ ءَ سرجم بوتگ ءُ بولی ءِ عمل سک باز شفاف بوتگ۔ آئی ءَ گوشت کہ ھما وھد ءَ کہ ما اقتدار ءَ اتکیں ما پیسلہ کتگ ات کہ تاوان ءِ سبب جوڑ بوتگیں سرکاری ادارگ آناں نجکاری کنگ بیت ءُ پی آئی اے ءِ نجکاری اے درگت ءَ سک باز ھاسیں سنگ میل بوتگ۔ آئی ءَ گوشت کہ تاوان ءِ آماچیں سرکاری ادارگ آنی نجکاری اقتصادی گہتری ءِ واستہ حکومت ءِ وژن ءِ بھر اِنت۔ آئی ءَ گوشت کہ رواں مالی سال ءِ اولی سہ ماہی ءَ ملک ءِ جی ڈی پی ءِ تہ ءَ مزنیں گیشی وش اتک کنگ بیت۔ آئی ءَ گوشت کہ ما ملک ءَ را ڈیفالٹ ءِ کش ءَ چہ اقتصادی برجائی ءَ سر کتگ۔ آئی ءَ متحدہ عرب امارات ءِ صدر شیخ محمد بن زاید النہیان ءِ گوما وتی گوستگیں گند ءُ نند آنی ذکر کت ءُ دو نیمگی سیادی ءُ وت مہ وتی شور ءُ سلاھ آنی رد ءَ سک باز بامرد لیک ات۔ مزن وزیر ءَ گوشت کہ یک روچ ءِ پیسر آئی ءَ سعودی عرب ءِ ولی عہد ءُ مزن وزیر شہزادہ محمد بن سلمان ءَ گوں ٹائیفون ءِ جیڈھ ءِ سر ءَ وشیں گپ ءُ تران کتگ، ایشی ءِ تہ ءَ آئی ءَ دوئیں ملک آنی نیام ءَ اقتصادی ءُ اسٹریٹجک سیادی آنی رفتار ءِ سر ءَ دل یکیمی ءِ درشان کتگ۔ مزن وزیر ءَ گوشت کہ سیادی آنی گیش دیمروئی ءِ بابت ءَ ھم ھیال ریچی کنگ بوتگ۔ وفاقی کابینہ ءَ 30دسمبر 2025 ءَ کابینہ کمیٹی ءِ لوکل کیسز ءِ دیوان ءَ کتگیں پیسلہ آناں توثیق کتگ، ایشی ءِ تہ ءَ اسلام آباد دارالحکومت ءِ لوکل گورنمنٹ (ترمیمی) آرڈیننس، 2025 ءِ ھوالگ ءَ کتگیں کارروائی ءِ توثیق ھم ھوار بوتگ۔ دسمبر 2025 ءَ وفاقی کابینہ ءَ 26اگست 2025 ءَ اقتصادی ہم آہنگی کمیٹی ءِ دیوان ءَ کتگیں پیسلہ آناں توثیق کتگ ات، ایشی ءِ تہ ءَ آف گرڈ (کیپٹیو پاور پلانٹ ءِ فارمولیشن ءِ تہ ءَ آف گرڈ (کیپٹیو پاور پلانٹ) ءِ ھوالگ ءَ ڈسٹری بیوشن کمپنی آنی صارف آناں رائے ءِ پجارینگ ءِ ھوالگ ءَ پیسلہ آنی توثیق ھم ھوار ات۔ وفاقی کابینہ ءَ پٹرولیم ڈویژن ءِ سفارش ءِ سرا 2025 ءِ آف گرڈ (کیپٹیو پاور پلانٹس) ءِ قانون ءِ رد ءَ سیمی مردمانی نیمگ ءَ آف گرڈ کیپٹیو پاور پلانٹس ءَ گیس ءِ بہا کنگ ءِ بابت ءَ صدارتی آرڈر ءِ شنگ کنگ ءِ منظوری داتگ۔