پاکستان، مصر، انڈونیشیا، اردن، گتر، سعودی عرب، ترکی ءُ امارات ءِ دری کارانی وزیر  ءِ غزہ ءِ جاور ھال آنی بابت ءَ یکجائی   بیان

اسلام آباد۔2جنوری  (اے پی پی): پاکستان، مصر، انڈونیشیا، اردن، گتر، ترکی، سعودی عرب ءُ متحدہ عرب امارات ءِ درئی کارانی وزیراں غزہ ءِ پٹی ءِ تہ ءَ انسانی جاور ھال ءِ ھراب بوھگ ءِ سر ءَ سک باز جیڈھ ءِ درشانی کتگ کہ ایشی ءَ را شدید، سخت ءُ نا مھکمیں موسم ءِ سبب ءَ گیش ءُ گیوار بوتگ۔ یکجائی بیان ءِ تہ ءَ آھاں گوشت کہ جمعہ ءِ روچ ءَ دری کارانی کارگس ءِ رد ءَ ناکافی انسانی کمک ءِ رسائی، جان ءِ رکّینگ ءِ ھاترا المی ئیں چیز آنی سکیں کمی ءُ بنیاتی آسراتی آنی بحالی ءُ عارضی پناہ گاہ آنی جوڑ کنگ ءِ واستہ المی ئیں سامان آنی سستیں سر کنگ ءَ چہ جاور ھال گیش پیچیدہ بوتگ اَنت۔ دری کارانی وزیر آناں اے گپ ءِ سر ءَ دلگوش گور کت کہ موسم ءِ شدیدیں جاور ھال آنی سبب ءَ انوگیں انسانی جاور ھال آنی نازرکیں رنگ ءَ ھاسیں رنگ ءَ نزیک ءَ 1.9 ملین مردم ءُ بے لوگ بوتگیں ھاندان آنی واستہ کہ آ ناکافی پناہ گاہ آنی تہ ءَ نندوک اَنت۔ آہاں گوشت کہ کیمپ آنی سیلاب، تاوان بوتگیں خیمہ، پیسر ءَ چہ آماچیں ماڑی آنی کپگ ءُ سردیں موسم ءِ شدت ءَ گوں نادراھی ءَ چہ شہری زندمان ءِ واستہ ھترہ آناں مزنیں کساسے ءَ گیش کتگ، ایشی ءِ تہ ءَ نادراھی ءِ شنگ ءُ تالان بوھگ ءِ ھترہ ھم ھوار اِنت، ھاسیں رنگ ءَ زھگ، زالبول، طبی رد ءَ نزوریں مردم ءُ پیریں مردم آنی واستہ۔ آہاں اقوام متحدہ ءِ درستیں تنظیم ءُ ادارہانی بے مٹیں کوشست آنی توسیپ کت، خاص طور ءَ UNRWA ءُ میاں اوستمانی انسانی کمک ءِ غیر سرکاری تنظیم آنی کہ آ انتہائی مشکل ءُ پیچیدہ جاور آنی باوجود فلسطینی شہری آناں کمک ءُ انسانی کمک ءِ دیم ءَ برگ ءَ انت۔ آہاں اسرائیل ءَ چہ لوٹ کتگ کہ آ اے گپ ءَ را دل یکیمی بہ کنت کہ اقوام متحدہ ءُ میاں اوستمانی این جی اوز غزہ ءُ مغربی کنارہ ءَ پائیدار ءُ بے رکاوٹیں رنگ ءَ کار کت کن انت، پرچا کہ غزہ ءَ انسانی کمک ءِ پسو ءِ تہا آہانی کرد سک باز المی انت۔ دری کارانی وزیر آں گوشت کہ ایشانی کار آنی تہ ءَ رکاوٹ جوڑ کنگ ءِ کجام ھم کوشست نا منّگ بیت۔ ایشاں اقوام متحدہ ءِ سلامتی کونسل ءِ قرارداد 2803 ءُ صدر ٹرمپ ءِ جامع منصوبہ ءِ سرجمیں حمایت ءِ درشانی کت ءُ ایشی ءِ سوبمندیں عملدرآمد ءِ تہا وتی کرد ءَ پیلو کنگ ءِ عزم ءِ درشانی کت، تانکہ جنگ بندی ءِ برجائی ءَ را دل یکیمی کنگ بہ بیت، غزہ ءِ جنگ ءَ را ھلاس کنگ بہ بیت، فلسطینی راج ءِ واستہ یک باوقاریں زند ءِ اہل کنگ بہ بیت۔ پہ فلسطین ءِ وت واجہی ءِ حق ءُ ریاست ءِ جوڑ کنگ ءَ ۔ آہاں زمستان ءِ شدیدیں جاوراں چہ آبادی ءِ رکھینگ ءِ ھاتر ءَ پائیدار ءُ باوقاریں لوگ ءِ پھجارینگ ءِ ھاتر ءَ بنداتی بحالی ءِ کوشست آناں زوت بندات ءُ گیش کنگ ءِ ضلورت ءِ سر ءَ زور پر دات۔ وزیراں چہ میاں اوستمانی براتی ءَ لوٹ کتگ کہ آ وتی قانونی ءُ اخلاقی ذمہ واریاں پیلو بہ کنت ءُ اسرائیل ءِ سر ءَ زور بہ دنت کہ آ بزاں قبضہ گیریں طاقت ءِ بستار ءَ المی سامان آنی سر کنگ ءُ بھر ءُ بانگ ءِ سر ءَ بندش آناں زوت ھلاس بہ کنت، ایشی ءِ تہ ءَ چادر، پناہ گاہ ءِ سامان، طبی کمک، ساپیں آپ، ایندھن ءُ صفائی ءِ آسراتی ھوار اَنت۔ آہاں لوٹ کتگ کہ اقوام متحدہ ءُ آئی ءِ ادارہ غزہ ءِ پٹی ءَ زوت، سرجمیں ءُ بے رکاوٹیں انسانی کمک بہ کن انت، بنیاتی ڈھانچہ ءُ ہسپتالاں بحال بہ کن انت ءُ صدر ٹرمپ ءِ منصوبہ ءِ رد ءَ رفح کراسنگ ءَ دوئیں نیمگاں پچ بہ کن انت۔