سینیٹ ءِ ڈپٹی چیئرمین سینیٹر سیدال خان ءَ جتا جتائیں سسا ساچ آنی ڈلاں گوں گند ءُ نند

اسلام آباد۔2جنوری  (اے پی پی): پارلیمنٹ گس ءَ جتا جتائیں سسا ساچ  آنی  ڈل ءَ گوں  سینیٹ ءِ ڈپٹی چیئرمین سینیٹر سیدال خان ءَ گوں گند ءُ نند کت۔ ھما کہ گند ءُ نند کتگ اَنت آھانی تہ ءَ ڈاکٹر، وکیل، نودربر، چاگردی کارندہ، سول سوسائٹی ءِ نمائندگ، قبائلی بزگ، نامداریں تاجر، تاجر ءُ سرمایہ کار ھوار اَنت۔ اے موہ ءِ سر ءَ ڈپٹی چیئرمین سینیٹ ءَ تران کنان ءَ گوشت کہ استیں حکومت اتحادی گل آنی گوما کمک ءَ ملک ءَ چاگردی یکوئی آنی دیمروئی، وشھالی ءُ سہرا کنگ ءِ واستہ جوانیں گامگیج چست کنگ ءَ انت۔ آئی ءَ اے گپ ءِ سر ءَ زور پر دات کہ ملک ءِ دیمروئی ءُ وشھالی ءِ واستہ توامیں ادارگ ، صوبائی ءُ وفاقی حکومت آنی نیام ءَ یکوئی ءُ وت مہ وتی کمک المی اِنت، اے کمک ءِ وسیلگ ءَ پاکستان ءَ را دیمروئی ءِ راہ ءَ ایر کنگ بوت کنت۔ سینیٹر سیدال خان ءَ گوشت کہ استیں حکومت توامیں اسٹیک ہولڈر ءُ ادارگ آناں یکجا کنگ ءَ دیم ءَ روگ ءَ انت ایشی ءِ جوانیں آسر عملی رنگ ءَ الس ءَ را مارگ بوھگ ءَ انت۔ آئی ءَ گوشت کہ حکومت الس ءَ را ریلیف پجاری ءِ واستہ سنگینیں گامگیج کنگ ءَ انت، ایشی ءِ تہ ءَ پٹرولیم مصنوعات آنی نہاد آنی تہ ءَ مزنیں کمی ءِ یک ھاسیں گامگیج انت۔ ڈپٹی چیئرمین سینیٹ ءَ اے جزم ءِ درشان کت کہ آ وھد دور نہ انت کہ پاکستان ءِ الس وشھال بہ بنت ءُ دیمروئی کتگیں ملک آنی شہری آنی وڑا سرجمیں رنگ ءَ بنیاتی آسراتی آناں سیت چست بہ کن انت۔ آئی ءَ گوشت کہ ملک ءَ برجمیں دیمروئی ءِ واستہ سول سوسائٹی ھم دیم ءَ آیگ ءُ وتی کرد ءَ پیلو کنگ ءُ چاگرد ءِ تہ ءَ ھمگرنچی ءُ جوانیں سوچ ءِ دیمروئی کنگ لوٹ ایت۔ آئی ءَ نودربر، وکیل، ڈاکٹر ءُ چاگردی شوبگ ءِ نمائندگاں چہ اپیل کت کہ آ ملک ءِ دیمروئی ءُ وشھالی ءِ تہ ءَ کلیدی کرد پیلو بہ کن اَنت، نودربر آناں وانگ ءُ زانگ ءِ رسگ ءُ روزگار ءِ موہ پیداک بہ کن اَنت، وکیل وتی آئینی ذمہ واری آناں پیلو کنان ءَ چاگردی گہتری ءِ تہ ءَ کرد پیلو بہ کن اَنت، وھدیکہ ڈاکٹر آناں ملک ءِ گیشیں جان سلامتی ءِ تہ ءَ شری ءِ تہ ءَ کرد پیلو بہ کن اَنت۔ ڈل آں ڈپٹی چیئرمین سینیٹ ءِ سروکی ءُ حکومت ءِ پالیشی آنی سر ءَ دل یکیمی ءِ درشان کت ءُ ملک ءِ دیمروئی ءِ واستہ کمک ءَ را برجاہ دارگ ءِ جزم ءِ یک رند ءَ پدر کت۔