وفاقی وزیر قیصر احمد شیخ  ءَ شیل  کمپنی ءِ ڈل ءَ گوں گند ءُ نند کت، سرمایہ کاری ءِ دیمروئی ءُ کاروباری کمک ءِ بابت ءَ گپ ءُ تران

اسلام آباد۔31دسمبر  (اے پی پی): شلام کمپنی ءِ ڈل ءَ سرمایہ کاری ءِ وفاقی وزیر قیصر احمد شیخ  ءَ گوں گند ءُ نند کت، ءُ گند ءُ نند ءَ سرمایہ کاری ءِ دیمروئی ءُ کاروباری کمک ءِ بابت ءَ گپ ءُ تران کت۔ بورڈ آف انویسٹمنٹ ءِ رد ءَ گند ءُ نند ءِ ساھت ءَ گپ ءُ تران کنان ءَ قیصر احمد شیخ  ءَ گوشت کہ آیوکیں چار سال آنی تہ ءَ شیل  کمپنی ءِ نیمگ ءَ چہ 100 ملین ڈالر ءَ چہ گیش سرمایہ کاری وش اتک کنگ بیت۔ خیبر پختونخوا ءَ شیل  کمپنی ءِ سرمایہ کاری منصوبگ آنی سر ءَ پیشرفت بوھگ ءَ انت۔ آئی ءَ گوشت کہ کمپنی ءِ اسٹوریج سائٹ ءِ جوڑ کنگ ءِ منصوبگ ءَ را وش آتک کنگ بیت۔ وفاقی وزیر ءَ گیش گوشت کہ بورڈ آف انویسٹمنٹ کاروبار ءِ آسراتی ءِ واستہ ھمک رنگ ءَ کمک کنگ ءَ اِنت، بی ایف سی سنگل ونڈو آپریشن ءِ وسیلگ ءَ آسراتی پجاری کنگ ءَ اِنت۔ آئی ءَ گوشت کہ بی ایف سی سرمایہ کاری ءِ آسراتی ءُ کاروبار کنگ ءَ را دیم ءَ برگ ءَ اِنت، ءُ سرمایہ کاری بورڈ آف انویسٹمنٹ سرمایہ کار آناں سرجمیں کمک دیگ ءِ واستہ جزم اِنت۔ گند ءُ نند ءَ شیلا کمپنی ءِ ڈل ءَ وفاقی وزیر ءَ را سرپد کت کہ کمپنی ءِ اے وھد ءَ پاکستان ءَ 650 ءِ کساس ءَ فیول پمپ کار کنگ ءَ انت۔ وفاقی وزیر ءَ را گوشگ بوت کہ آیوکیں چارسال آنی تہ ءَ فیول پمپ آنی کساس ءَ را یک ہزار ءَ چہ گیش کنگ ءِ ٹارگٹ ایر کنگ بوتگ۔ شیل  کمپنی ءِ نمائندہ ءَ بورڈ آف انویسٹمنٹ ءِ کمک ءِ سرا منت واری درشان کت۔