2025 ءَ را سفارتی جنگ  ءِ  تہ  ءَ پاکستان ءِ مستریں سوبمندی آنی تہ ءَ یکے ءِ رنگ ءَ یات کنگ بیت، میاں اوستمانی براتی ءِ تہ ءَ یک معتبریں شریک ءِ بستار ءَ وتی جاہ ءَ را بُرز کتگ، ایگزیکٹو ڈائریکٹر پی آر سی سی ایس ایف خالد تیمور اکرم ءِ جائزہ رپورٹ

اسلام آباد۔31دسمبر  (اے پی پی): سال 2025 پاکستان ءِ واستہ سفارتی راجدپتر ءَ سک باز ارزشتی ءُ کامیابیں سال ءِ رنگ ءَ یات کنگ بیت۔ اے سال ءَ را پاکستان ءِ واستہ معاشی ءُ سفارتی محاذ آنی سر ءَ بجلی ءِ رفتار ءِ سال ءِ رنگ ءَ گشگ بوت کنت۔ پیچیدہ ءُ بے وسی ءِ جھان ءِ جاور ھال آنی یک دراجیں وھد ءِ پد ءَ پاکستان ءَ نہ ایوک ءَ وتی میاں اوستمانی سیادی آناں مھکم کت بلکیں اسٹریٹجک شریکداری ھم کت ءُ میاں اوستمانی براتی ءِ واستہ یک معتبریں شریک ءِ رنگ ءَ ابھر بوت ءُ ھمے وھد ءَ ھاسیں جھان ءِ جیڈھ آنی سر ءَ یک شرپداریں توار ءِ جوڑ بوت۔ سیکورٹی معاہدہ ءُ فعال میاں اوستمانی ءُ دمگی پڑ ءَ سوبمندی ءَ چہ بگر داں درملکی تر ءُ تاب ءِ وسیلگ ءَ جہانی شہرت ءُ شناخت ءِ رسگ ءَ پاکستان ءَ اے گپ ثابت کتگ کہ آ یک زانتکاریں درملکی پالیشی ءِ رندگیری ءَ کنگ ءَ انت۔ سال 2025 ءَ سفارتی تعلقداری ءُ اقتصادی برجائی ءِ بحالی ءِ ھوار اسٹریٹجک شراکت داری ءُ اصلاحات ءِ آسر ءَ ملک ءَ فیصلہ کنوکیں بدلی ءِ گواہ بوتگ۔ پاکستان ءَ سفارتی ءُ اسٹریٹجک شراکت داری ءِ تہ ءَ مزنیں سوبمندی رستگ، ایشی ءِ کریڈٹ پاکستان ءِ سفارتکار، فوجی ءُ سیاسی رہشون آنی سر ءَ انت۔ اسلام آباد ءِ ایگزیکٹو ڈائریکٹر پاکستان ریسرچ سینٹرفار کمیونٹی ود شیئرڈفیوچر(پی آرسی سی ایس ایف) اسلام آباد خالد تیمور اکرم  ءَ وتی چار ءُ تپاسی رپوٹ ءَ نبشتہ کت کہ مزنوزیر محمد شہباز شریف،  صدر  مملکت آصف علی زرداری، نائب  مزن وزیر  ءُ   وزیر خارجہ سینیٹر محمداسحاق ڈار  ءُ  فیلڈ مارشل سید عاصم منیر ءَ پڑ ءِ اندر ءَ  ءُ ایشی ءِ ڈن ءَ ارزشتی ایں شریکدار آناں یکوئی آناں گیش مھکم کنگ ءِ واستہ جوانیں کرد پیلو کتگ۔ پاکستان ءِ سول ءُ اردی سروک آں درئی یکوئی  ءُ اسٹریٹجک سیت آنی دیمروئی  دیگ ءِ وستہ  ھواریں  رنگ  ءَ 71 در ملکی  تر ءُ تاب  کتگ۔ اے تر  ءُ تاب آنی مول ءُ مراد  ءُ  سہرا بوھوکیں  بالی ھاٹیگ آنی گوما پاکستان ءِ  یکوئی آناں برجا کنگ اِنت۔  اے تر ءُ تاب آنی رچ ءُ وسعت ءَ چہ یک دلجمیں پاکستان ءِ پیغام سر بوت کہ آ وتی زور  ءَ را گیش کنگ ءِ واھشت مند اِنت ءُ مدام میاں اوستمانی براتی ءِ گوما کمک کنگ ءِ واستہ تیار اِنت۔ 2025 ءَ دمگی سروک آنی پاکستان ءِ تر ءُ تاب ءِ بندات ترکی ءِ صدر رجب طیب اردوان ءِ پاکستان ءِ تر ءُ تاب ءَ چہ بوتگ۔ پاکستان ءُ ترکی ءِ نیام ءَ راجدپتری سیادی گیش مھکم بوت انت ۔ صدر اردوان ءِ اے تر ءُ تاب ترکی ءُ پاکستان ءِ نیام ءَ دو نیمگی سیادی ءِ تہ ءَ راجدپتری ساھت ءِ رنگ ءَ ثابت بوت پرچا کہ ایشی ءِ آسر ءَ فوج، تجارت، معیشت، جان سلامتی، ٹیکنالوجی، کشت ءُ کشاری ءُ ایندگر شوبگ آنی تہ ءَ 24 معاہدہ ءُ مفاہمت نامہ آنی سر ءَ دستخط کنگ بوت۔ دوئیں ملک آنی سروک آنی دو نیمگی تجارتی حجم ءِ 5ارب ڈالر ءِ ٹارگٹ ءِ سر ءَ سر بوھگ ءِ جزم ءَ دوئیں براتیں ملک آنی نیام ءَ اقتصادی کمک ءَ را گیش گہتر کنگ ءِ واستہ وتی مھکمیں سیاسی جزم ءِ ثبوت دات۔ ایران ءِ صدر ڈاکٹر مسعود پیشمرگا ءِ پاکستان ءِ تر ءُ تاب ءِ ہم مزنیں ارزشتے بوتگ۔ اے تر ءُ تاب ءِ ھاسیں بستار ایش ات کہ اے آئی ءِ جولائی 2024 ءَ صدر ءِ اگدہ ءِ سر ءَ قبضہ کنگ ءَ پد پاکستان ءِ اولی سرکاری تر ءُ تاب ات۔ایران ءِ دری کارانی وزارت ءَ اے تر ءُ تاب ءَ را دوئیں ملک آنی نیام ءَ سیادی ءِ نوکیں باب ءِ بندات لیک اتگ۔ اے تر ءُ تاب ءِ آسر ءَ 12 مفاہمت نامہ / معاہدہ ءِ سر ءَ دستخط کنگ بوتگ کہ ایشی ءِ تہ ءَ تجارت، توانائی، سیمسر ءِ بندوبست، دود ءُ ربیدگ ءِ تبادلہ ءُ سائنسی کمک ءِ وڑیں جتا جتائیں پڑ ھوار اَنت۔ دوئیں ملک آنی نیام ءَ 10ارب ڈالر ءِ دو نیمگی تجارتی حجم ءِ ٹارگٹ ھم ایر کنگ بوتگ۔ اے تر ءُ تاب پاکستان ءِ واستہ مزنیں سفارتی کامیابی یے ثابت بوت۔ ایشی ءَ ابید گوستگیں روچاں کرغزستان ءِ صدر صدر ژاپاروف ءَ پاکستان ءِ تر ءُ تاب کتگ۔ اے تر ءُ تاب یک سفارتی سنگ میل ءِ بوتگ پرچا کہ اے بیست سال ءَ پد کرغزستان ءِ سروک ءِ پاکستان ءِ اولی تر ءُ تاب بوتگ۔ دوئیں نیمگاں دو سال ءِ تہا وتی بیپار ءَ را 15 ملین ڈالر ءَ چہ 200 ملین ڈالر ءَ گیش کنگ ءِ سرا تپاک کتگ۔ ایشی ءِ گوما 15 مفاہمت نامہ ءِ سر ءَ ھم دستخط کنگ بوت۔ اے تر ءُ تاب یک دراجیں سفارتی وقفہ ءِ پد ءَ دو نیمگی سیادی ءِ بحالی ءِ واستہ یک ھاسیں گامگیج انت۔ اے گپ ءَ چہ اے ھم پدر بیت کہ دوئیں نیمگ علامتی سیادی ءَ چہ دریں کمک ءَ را گیش کنگ ءِ ھاترا جزم اَنت۔ انوگیں وھد ءَ 26 دسمبر 2025 ءَ امارات ءِ صدر ءُ ابوظہبی ءِ حاکم شیخ محمد بن زاید النہیان ءَ پاکستان ءِ سرکاری تر ءُ تاب کتگ۔ یک رندے پدا اے تر ءُ تاب ءِ مزنیں ارزشتے است انت چیاکہ اے آئی ءِ اولی تر ءُ تاب ات کہ آ امارات ءِ صدر ءِ بستار ءَ پاکستان ءَ تر اتگ ات۔ اگاں پاکستان ءُ امارات ءِ نیام ءَ براتی سیادی است انت بلے اے تر ءُ تاب اقتصادی کمک ءِ تہ ءَ ”کوانٹم جمپ“ ءِ وسیلگ ءَ اے سیادی ءَ را گیش مھکم کنگ ءِ کوشست انت۔ امارات ءِ صدر ءَ سرمایہ کاری، توانائی، تجارت ءُ بنیاتی ڈھانچگ ءِ ھوالگ ءَ ھم دلگوشی ءِ درشان کتگ۔ اے تر ءُ تاب ءِ ساھت ءَ یک راجدپتری معاہدے ءِ سر ءَ دستخط کنگ بوت ایشی ءِ چیر دستی ءَ امارات ءَ پاکستان ءِ فوجی فاؤنڈیشن ءِ یک ارب ڈالر ءِ شیئر آنی بھا زورگ ءِ جزم کتگ۔ سرجمی ءَ ایشی ءَ یک مھکمیں ، سرمایہ کاری ءِ سر ءَ بنیات ءِ سر ءَ بندوکیں سیادی ءِ نیمگ ءَ ردوم ءِ نشانی داتگ کہ ایشی ءِ مول ءُ مراد باہمی اقتصادی دیمروئی ءُ دمگی برجائی اِنت۔ ایشی ءَ ابید اردن ءِ شاہ عبداللہ دوم، ملائیشیا ءِ مزن وزیر سری انور ابراہیم، انڈونیشیا ءِ صدر ءُ قازقستان ءِ نائب مزن وزیر ءَ ھم پاکستان ءِ سرکاری تر ءُ تاب کتگ۔ جنگ ءِ میدان ءَ چہ سفارتکاری ءَ ، مارکا حق ءُ امریکی پالیسی ءِ بدلی 2025 ءِ ھاسیں ھال ھندوستان ءُ پاکستان ءِ نیام ءَ 4 روچی جنگ یا میرکت حق بوتگ کہ مئی اسٹینڈ آف ءِ نام ءَ ھم زانگ بیت کہ ایشی ءِ تہ ءَ پاکستان سوبمند بوتگ ءُ دمگی طاقت ءِ بستار ءَ دراتکگ۔ پاکستان ءَ دمگی ءُ جھان ءِ فورم آنی تہ ءَ وتی اصولی موقف جوانیں رنگ ءَ پیش کتگ۔ آئی ءَ ہندوستان ءِ بالادستی ءَ را چیلنج کتگ آئی ءَ بھارتی حکومت ءِ بے گپیں آسر  دنیا ءِ دیم ءَ پدر کت ءُ اے گپ ءِ پدر کنگ بوت کہ پاکستان امن دوستیں ملکے بلے وتی حاکمیت ءِ سرا کدی ہم سمجھوتہ نہ کنت۔ پاکستان ءَ ھم ھندوستان ءِ جنگ ءُ چوپی  گپ رد کتگ ءُ پاکستان ءِ ھلاپ ءَ ھندی رسانکدر ءِ ردیں ھال ءُ اھوال ءُ پروپیگنڈا ءَ را دگنیا ءِ دیم ءَ ایر کتگ۔ پاکستان ءِ بھارتی اشتعال انگیزی ءِ باوجود گہتریں کش ءُ چیل ءَ چہ بچگ ءِ ھاتر ءَ پاکستان ءَ را برجائی ءِ ھاتر ءَ پابندیں ذمہ واریں ملک ءِ رنگ ءَ پیش دارگ ءَ وتی سفارتی زوراکی ءِ ھاتر ءَ راہ پچ کت۔ اے کش ءُ گوری جنگ ءِ آسر ءَ پاکستان ءَ نہ ایوک ءَ جنگ ءِ میدان ءَ سوبمندی زرتگ بلکیں سفارتی محاذ ءَ ھم جوانیں کارکردگی پیش داشتگ۔ چین، امریکہ، روس، ترکی، ایران ءُ دگہ درستاں پاکستان، آئی ءِ سروکی، آئی ءِ لشکر ءُ پاکستان ءِ فعالیں سفارتکاری ءِ توسیپ کتگ۔ پاکستان یک گیم چینجر جوڑ بوت کہ آئی ءَ جتا جتائیں ملک آناں یکجاہ نندگ ءُ امن ءِ ھاترا کمک کت۔ پاکستان ءِ نیمگ ءَ ماسکو ءُ مغربی دارالحکومتاں بھارت ءِ گوما کش ءُ چیل ءِ سر ءَ لابی کنگ ءِ ھاترا روان داتگیں ڈل آناں واکدار، تھنک ٹینک ءُ میاں اوستمانی سٹیک ہولڈر آنی نیمگ ءَ چہ جوانیں پسو رستگ۔ اے ملک ءِ واستہ یک دگہ ھاسیں سفارتی سوبمندی یے ۔ جنوبی ایشیا ءَ گپ ءُ تران ءُ برجائی ءِ حمایت کنگ ءِ وھد ءَ دمگی دیمروئی آنی ھوالگ ءَ پاکستان ءِ پرامن ءُ ذمہ واریں موقف ءَ را پدر کنگ ءِ آئی ءِ کوشست آناں جوانیں رنگ ءَ وش آتک کنگ بوتگ۔ اے گند ءُ ننداں پاکستان ءِ میاں اوستمانی دروشم ءُ سفارتی رسائی ءَ را گیش مھکم کت۔ مئی 2025 ءَ پاکستان ءُ ہندوستان ءِ نیام ءَ چار روچی سلاہ بندیں جنگ پاکستان ءُ امریکہ ءِ واستہ یک موڑ ءِ بوتگ۔ امریکہ ءَ یک رندے پد ءَ پاکستان ءِ نیمگ ءَ چم شانک داتگ اَنت ءُ نوں ٹرمپ انتظامی پاکستان ءَ باورداریں شریک گشگ ءَ اِنت۔ صدر ڈونلڈ ٹرمپ پاکستان ءَ را بازیں اسٹریٹجک ارزشت دیگ ءَ اِنت، آ فوجی پڑ ءَ بہ بیت، سفارتی پڑ ءَ بہ بیت یا اسٹریٹجک پڑ ءَ بہ بیت۔ پاکستان ءِ فیلڈ مارشل سید عاصم منیر اولی فوجی سروک بوتگ کہ آئی ءِ میزبانی ءَ امریکی صدر ءُ صدر ڈونلڈ ٹرمپ ءَ کتگ ءُ شرم الشیخ امن سروک دیوان ءَ گوں تران کنان ءَ فیلڈ مارشل سید عاصم منیر ءَ را وتی ”پسندیں فیلڈ مارشل“ گُشتگ۔ صدر ٹرمپ ءَ پاکستان ءِ آرمی چیف فیلڈ مارشل عاصم منیر ءَ را وائٹ ہاؤس ءَ نان ءِ واستہ ھم دعوت داتگ۔ ایشی ءَ پد آئی ءَ وائٹ ہاؤس ءَ پدا مزن وزیر شہباز شریف ءُ فیلڈ مارشل عاصم منیر ءِ میزبانی کت۔ ایشی ءَ ابید صدر ڈونلڈ ٹرمپ ءَ بازیں رند ءَ مزن وزیر شہباز شریف ءُ فیلڈ مارشل عاصم منیر ءِ سروکی ءُ توانائیانی سرکاری رنگ ءَ توسیپ کتگ۔ دوئیں ملک آنی نیام ءَ دفاع، انسداد ناشرکاری، اطلاعات ءِ بہر ءُ بانگ ءُ دمگی ایمنی ءِ ھواریں کلیدی پڑ آنی تہ ءَ کمک گیش بوتگ۔ واشنگٹن ءِ پاکستان ءِ ھلاپ ءَ رھبند ءِ اے بدلی ءَ میاں اوستمانی براتی ءِ تہ ءَ ءُ کلیدی جھان ءِ جیڈھ آنی سر ءَ پاکستان ءِ گیش بوھوکیں ارزشت ءِ سر ءَ چمشانک داتگ۔ پاکستان ءَ دسمبر 2025 ءَ دگہ مزنیں سفارتی سوبمندی یے رستگ ات کہ اقوام متحدہ ءِ ماہر رپورٹ ءَ 22 اپریل ءَ مقبوضہ جموں ءُ کشمیر ءِ پہلگام ءِ دمگ ءَ اُرش ءِ تہ ءَ بھارت ءَ را باقاعدہ رنگ ءَ ارش کنوک لیک اتگ ات۔رپورٹ ءَ بنیاتی انسانی ھک آنی لگتمالی ءِ سر ءَ ھم چمشانک دیگ بوتگ ات۔ بھارت ءِ نیمگ ءَ چہ مزنیں لابنگ ءِ باوجود میاں اوستمانی براتی ءَ پاکستان ءِ موقف ءِ حمایت کت ءُ آئی ءِ جھان ءِ جائزی ءَ را گیش کت۔ مزن وزیر شہباز شریف ءِ درملک ءَ سفارتی کار سال 2025 ءَ بازیں سفارتی کار بوتگ انت۔ نہ ایوک ءَ دمگی سروکاں پاکستان ءِ تر ءُ تاب کتگ بلکیں پاکستان ءِ مزن وزیر محمد شہباز شریف ءَ سعودی عرب، امارات، امریکہ، چین، ترکی، ایران، آذربائیجان، تاجکستان، ازبکستان ءُ بیلاروس ءَ ھوار بازیں ملک آنی تر ءُ تاب ھم کتگ۔ آئی ءَ چین ءَ ایس سی او ءِ سروک دیوان، دبئی ءَ جھان ءِ حکومت ءِ سروک دیوان، مصر ءَ شرم الشیخ امن سروک دیوان ءُ دگہ کثیر جہتی فورم آنی تہ ءَ ھم بھر زرتگ۔اے درستیں تر ءُ تاب ءُ کثیر جہتی فورم آنی تہ ءَ بھر زوری اقتصادی ریکوری، دمگی رابطہ ءُ اسٹریٹجک توازن ءِ سر ءَ دلگوشی ءِ درملکی پالیشی ءِ نشانی اِنت۔ پاکستان ءَ سرمایہ کاری ءُ مالی کمک ءِ واستہ خلیج ءِ ملک آنی گوما سیادی گیش مھکم کتگ انت۔ آئی ءَ چین ءِ گوما وتی دیریں اسٹریٹجک شراکت داری ءَ را گیش ءُ گیوار کتگ۔ اے ھم دمگی ھمساھگ ءُ دوستیں ریاست آنی گوما شریکداری ءَ را گیش ءُ گیوار کتگ تانکہ ایمنی ءُ رابطہ کاری ءِ انتظام کنگ بہ بیت۔ خلاصہ ءِ رد ءَ اے سال ءَ پاکستان ءَ وتی سفارتکاری ءَ را روایتی شریک آنی تہ ءَ چہ گیش تنوع داتگ ءُ اے درستیں کوشست آنی مول ءُ مراد ایوکی ءَ را کم کنگ، سرمایہ کاری ءِ رکھینگ ءُ دمگی ءُ اقتصادی چیلنج آنی تہ ءَ فعال سفارتکاری پیش کنگ بوتگ۔ سال ءَ اے ھم دیستگ اَت کہ پاکستان ءُ چین ءِ سفارتی سیادی چوں پیسر ءِ وڑ ءَ مھکم بوتگ اَنت۔ پاکستان ءُ چین ءَ سی پیک 2.0 ءِ وسیلگ ءَ وتی ”اسٹریٹجک شراکت داری“ ءَ را بُرز کتگ۔ تجارتی راہداری آں پیسر ءَ چہ کار بندات کتگ ءُ ما وتی مزن وزیر ءِ چین ءِ سکیں سوبمندیں تر ءُ تاب ءُ بی ٹو بی کانفرنس ءِ گواہ بوتگیں کہ اودا سی پیک 2.0 ءِ جار جنگ بوتگ۔ 8.5ارب ڈالر ءَ چہ گیش ءِ مزنیں تک ءِ معاہدہ آنی تہ ءَ توانائی، ٹیکنالوجی، زراعت ءُ دمگی رابطہ کاری ءِ سر ءَ ھم ھوار بوتگ۔ پاکستان ءُ ہندوستان ءِ میان ءَ 4 روچی جنگ ءَ چین ءَ ھم پاکستان ءِ کمک کتگ۔ کلیدی سنگ میل آنی تہ ءَ کوانٹم ٹیکنالوجی ءِ کمک ءُ پنچ نوکیں دیمروئی راہداری آنی بندات کنگ ھوار اِنت کہ ایشی ءَ چہ یک پائیدار ءُ کثیر جہتی اتحاد ءِ یکجا کنگ بیت۔ چین ءُ پاکستان ءَ 2025-2029 ءِ واستہ یکجائی ایکشن پلان جاری کتگ، ایشی ءِ تہ ءَ وانگ ءُ زانگ، ٹیکنالوجی ءُ پیشہ وارانہ تربیت ءِ تہ ءَ مزنیں کمک ھوار اِنت تانکہ یکجائی آیوکیں وھد ءِ گوما یک نزیکیں کمیونٹی ءِ جوڑ کنگ بہ بیت۔ چینی دری کارانی وزیر ءَ دمگی جیڈھ آنی تہ ءَ اسٹریٹجک گپ ءُ تران ءِ واستہ اسلام آباد ءِ ھم تر ءُ تاب کتگ ءُ سفارتی ھوار بوھگ ءِ برجاہ دارگ ءِ لوٹ کتگ۔ آہن برات آنی نیام ءَ اے گیشیں سفارتی ھوار بوھگ دراجیں مدتی کمک ءِ نشانی اِنت۔ زید دوئیں ملک آنی مھکم کنگ ءِ جزم ءَ پیش دار ایت۔ سعودی پاکستان ءِ دفاعی سیادی آنی تہ ءَ نوکیں دور پاکستان ءُ سعودی عرب ءِ نیام ءَ دوستی نوکیں بالاد ءَ سر بوتگ وھدے کہ دوئیں ملک آنی نیام ءَ اے سال ءَ اسٹریٹجک وت مہ وتی دفاعی معاہدے ءِ سر ءَ دستخط کنگ بوتگ۔ اے معاہدے ءِ تہا گشگ بوتگ کہ یک ریاست ءِ سرا جارحیت دوئیں ریاستانی سرا جارحیت زانگ بیت۔ سعودی عرب ءِ گوما دفاعی معاہدہ فوجی سفارتکاری ءِ سرا انت۔ اگاں چہ پاکستان ءُ سعودی عرب ءُ میاں اوستمانی ملکانی نیام ءَ فوجی کمک سک باز جوان بوتگ بلے اے دفاعی معاہدے چہ فوجی کمک ءَ دیم ءَ انت۔ اے دگنیا ءِ ھاترا یک مھکمیں پیغامے کہ سعودی عرب ءُ پاکستان یکجاہ اوشتاتگ اَنت ءُ یکے دومی ءِ وت واجہی ءِ سرجمیں دفاع ءَ تیار اَنت۔ اے معاہدہ پاکستان ءِ گیش بوؤکیں طاقت ءِ گواہ انت۔ چوناھا پاکستان مسلمانیں دگنیا ءِ تہ ءَ یکیں ایٹمی طاقت اِنت کہ آئی ءِ تہ ءَ پیشہ وارانہ ءُ ثابت بوتگیں لشکر ھست پمیشکا آئی ءَ را جھان ءِ تک ءَ مزنیں احترامے ءَ گوں چارگ بیت۔ اے منگ نامہ ءُ پاکستان ءُ سعودی عرب ءِ نیام ءَ گیش بوھوکیں کمک ءَ اے گپ پدّر کتگ کہ پاکستان ءَ نہ ایوک ءَ سعودی عرب ءِ واستہ بلکیں سرجمیں مسلمانیں دگنیا ءِ واستہ سیکورٹی پھوالوک ءِ کرد پیلو کتگ۔ اے گپ کہ سعودی عرب ءَ پاکستان ءَ را وتی نزیکیں فوجی اتحادی ءِ بستار ءَ گچین کتگ آ وت پاکستان ءِ زور ءُ دیمروئی کنوکیں قد ءُ بالاد ءِ گواہ اِنت۔ دمگی سفارتکاری ءِ تہ ءَ فعالیں کرد پاکستان ءَ اے سال ءَ دمگی سفارتکاری ءِ تہ ءَ سک باز سرگرم بوتگ۔ فلسطین ءِ جیڑہ بہ بیت، کشمیر ءِ جیڑہ بہ بیت یا آئی ءِ سیادی گوں میان اُستمانی ءُ میان اُستمانی ملکاں، پاکستان سرگرم بوتگ۔ اے سال ءَ پاکستان میاں اوستمانی دمگ ءَ سک باز ھاسیں اسٹیک ہولڈر جوڑ بوتگ ءُ ایشی ءَ را مھکمیں اسٹیک ہولڈر گشگ بوھگ ءَ انت۔ ھمے رنگ ءَ پاکستان ءَ غزہ ءِ جیڑھ ءِ بابت ءَ سک باز زھر شانی کتگ ءُ جنگ بندی ءِ گامگیج آنی حمایت کتگ، امریکہ ءِ کمک ءَ امن منصوبگ ءِ منوگری کتگ ءُ اسرائیل ءِ ھما کارانی مدام مذمت کتگ کہ آ شہری مردماں تاوان دنت۔ اقوام متحدہ ءُ فلسطین ءَ گوں سیادی داروکیں قرارداد ءُ کانفرنسانی تہ ءَ ھم پاکستان ءَ مزنیں کردے پیلو کتگ۔ پاکستان ءَ انسانی کمک ءِ رسائی ءُ شہری رکھینگ ءِ ھاتر ءَ سفارتی چینل کارمرز کتگ انت ءُ فلسطین ءِ حقانی بابت ءَ وتی اصولی موقف ءَ را گیش مھکم کتگ۔ ایشی ءَ ابید پاکستان ءَ ھم کشمیر ءِ جیڈھ ءِ سر ءَ اصولی لیکہ زرتگ۔ پاکستان ءَ اے گپ پدر کتگ کہ پاکستان کدی کشمیر ءَ ایوک ءَ یلہ نہ کنت۔ کابل ءَ ششمی سئے نیمگی دری کارانی وزیرانی گپ ءُ تران ءِ ساھت ءَ دوئیں ملک اوگانستان ءُ پاکستان چین ءِ کمک ءَ یکجاہ نشتگ اَنت ءُ گند ءُ نند ءَ انسداد ناشرکاری ءُ اقتصادی کمک ءِ سر ءَ دلگوشی دیگ بوتگ۔ سروک دیوان ءِ آسر ءَ تجارت، ٹرانزٹ، جان سلامتی، وانگ ءُ زانگ، دود ءُ ربیدگ ءُ منشیات ءِ گر ءُ دار ءِ پڑ ءَ کمک ءِ یکجائی جزم ءِ گوما آسر بوت۔ اے ھم اے سال ءَ پاکستان ءِ مزنیں سفارتی کامیابی یے بوتگ۔ ما پاکستان ءُ بنگلہ دیش ءِ نیام ءَ جوانیں سیادی ءِ ھم گواہ بوتگیں ۔ پاکستان ءِ دری کارانی وزیر ءُ نائب مزن وزیر اسحاق دار ءِ اے تر ءُ تاب تقریباً 13سال ءِ تہا پاکستان ءِ دری کارانی وزیر ءِ اولی تر ءُ تاب بوتگ۔ ایشی ءِ آسر ءَ تجارت، سفارتی کمک، دود ءُ ربیدگی تبادلہ ءُ ویزا ءِ بندوبست ءِ ھوالگ ءَ بازیں مفاہمت نامہ ءِ سر ءَ دستخط کنگ بوت۔ گونڈ گران ءَ  سال 2025 ءَ پاکستان یک میان استمانی طاقت ءِ رنگ ءَ دیم ءَ اتکگ ءُ اے سال پاکستان ءِ دو نیمگی سیادی ءِ ھاتر ءَ یک موڑ ءِ ثابت بوتگ۔ 2025 ءَ پاکستان ءَ دگنیا ءَ را اے درشان کت کہ آ میاں اوستمانی تک ءَ یک فعال، شرپدار ءُ بااثریں ملکے ۔ ایشی ءِ سفارتی سوبمندی اسٹریٹجک وژن، فعال مشغولیت ءُ براعظم آنی تہ ءَ کمک ءِ واھشت ءِ وسیلگ ءَ چہ رستگ انت۔ دفاعی اتحاد بہ بنت، جھان ءِ تجارتی گپ ءُ تران بہ بنت یا امن ءِ وکالت بہ بنت، پاکستان ءِ سفارتکاری ءَ وتی راجی مفاداں دیم ءَ برگ ءَ کمک کتگ ءُ ھمے وھد ءَ درملک ءَ احترام ھم زرتگ۔ ہمے وڑا کہ ما دیم ءَ روگ ءَ ایں، 2025 ءَ اے سوبمندی اعتماد، شریکداری، ءُ میاں اوستمانی ہمگرنچی ءِ ھاتر ءَ یک مھکمیں بُن ھشت ءِ دیم ءَ کار اَنت۔ اے سال یک یات ءِ انت کہ وھدے پاکستان سفارتی رنگ ءَ گپ جنت گڈا  دگنیا گوش دار ایت۔