سال 2025 ءَ قدرتی  آفت ءُ واکیہ  آنی  پُشت ءَ بنی آدمی    بے پرواہی ھم اِنت،  پیاس رپورٹ

اسلام آباد۔31دسمبر  (اے پی پی): انسانی حق ءُ چاگردی انصاف ءِ  گل  پیاس انٹرنیشنل ءَ سال 2025 ءَ سرجمیں دگنیا ءَ بوتگیں قدرتی آفت ءُ سانحہ آنی بابت ءَ وتی رپورٹ ءِ تہ ءَ ھال داتگ کہ موسمیاتی بدلی، گلیشیر ءِ آپ  بوھگ، موسم ءِ   جاور ھال ءُ ھمے رنگ ءَ انسانی لاپروائی ایشانی تہ ءَ مستریں سبب آنی تہ ءَ ھوار اَنت۔ رپورٹ ءِ تہ ءَ گوشت کہ نا شریں منصوبگ بندی، شہری تجاوزات، جنگل آنی ھلاسی ءُ ناکافی سیفٹی سسٹم ءِ سبب ءَ قدرتی آفت آنی تاوان ءَ را باز رند ءَ گیش کتگ۔ ھاسیں رنگ ءَ ایشیا ءُ پاکستان ءَ سیلاب ءَ لکاں مردم بے لوگ کتگ ءُ ھزاراں مردم بیران بوتگ اَنت۔ پنجاب ءِ 1.3 ملین ایکڑ ءَ چہ گیش زرعی زمین ءِ تباہی ءَ زرعی معیشت ءُ خوراک ءِ سلامتی ءَ را سک باز خطرہ ءِ آماچ کتگ۔ سیلاب ءَ پد ملک ءَ ڈینگی ءُ ملیریا ءِ وڑیں وبا ءِ نادراھیانی تہ ءَ ھم مزنیں گیشی یے گندگ بوتگ۔ ایشانی ھوار جنگل ءِ آتشزدگی ءَ ھزاراں ایکڑ زمین ءِ سرا ھاک ءُ ھاک بوتگ ءُ ھوا ءِ آلودگی ءُ انسانی جان سلامتی ءِ ھاترا ھترہ پیداک کتگ۔ زمین چنڈ ءُ بالی ٹکراں ھم نزوریں بنیاتی ڈھانچہ ءُ نا شریں ایمنی ءِ نظام ءِ کوتاہی پدر کتگ ءُ انسانی جان ءِ تاوان ءِ سوب جوڑ بوتگ۔ تھرس انٹرنیشنل ءَ حکومت آناں لوٹ کتگ کہ آ موسمیاتی رکھینگ ءَ را راجی اولویت جوڑ بہ کن اَنت، شہری منصوبہ بندی ءَ را سائنس ءِ بنیاد ءَ جوڑ بہ کن اَنت، بلڈنگ کوڈز ءَ را سک باز عمل بہ کن اَنت ءُ ایمرجنسی رسپانس سسٹم ءَ را کارآمد بہ کن اَنت۔ اے رپورٹ ءَ اے گپ پدر کتگ کہ 2025 ءِ آفت ایوک ءَ طبیعی نہ انت بلکیں انسانی بے پرواہی ءُ نا شریں حکومت داری ءِ آسر انت۔