وفاقی وزیر ڈاکٹر خالد مقبول صدیقی  ءَ ایف ڈی ای ءِ اسکول آنی تہ ءَ جوانیں   وانگ ءُ زانگ ءِ ھاتر ءَ روڈ میپ ءِ بندات

اسلام آباد۔31دسمبر  (اے پی پی): وفاقی وانگ ءُ زانگ ءُ پیشہ وارانہ تربیت ءِ وفاقی وزیر ڈاکٹر خالد مقبول صدیقی ءَ چار شمبے ءِ روچ ءَ وفاقی ڈائریکٹوریٹ آف ایجوکیشن ءِ اسکول آنی تہ ءَ کوالٹی ایجوکیشن ءُ نوآبادیاتی روڈ میپ ءِ سرکاری رنگ ءَ بندات کت۔ اے موہ ءِ سر ءَ وفاقی سیکرٹری وفاقی وانگ ءُ زانگ ءُ پیشہ وارانہ تربیت ءِ وزارت ندیم محبوب، ڈائریکٹر جنرل ایف ڈی ای سید جنید اخلاق ءُ ایف ڈی ای ءُ پروجیکٹ کوآرڈینیشن یونٹ ءِ مزنیں افسر ھوار اتنت۔ مراگش ءَ گوں گشتانک دیان ءَ وفاقی وزیر ڈاکٹر خالد مقبول صدیقی ءَ گوشت کہ حکومت وانگ ءُ زانگ ءِ نظام ءِ تہ ءَ اصلاحات ءِ وسیلگ ءَ زھگ آناں کوالٹی، منصفانہ ءُ نوکیں وانگ ءُ زانگ پجاری ءِ واستہ جزمیگ انت۔ آئی ءَ گوشت کہ اے روڈ میپ ءَ چہ نودربر آنی سرجمیں دیمروئی، استاد آنی پیشہ وارانہ تربیت ءُ وانگ ءُ زانگ ءِ ادارگ آنی تہ ءَ نوکیں ٹیکنالوجی ءِ جوانی ءَ کارمرد کنگ ءِ واستہ ارزشتی ایں کرد پیلو بیت۔ وفاقی سیکرٹری ندیم محبوب ءَ گوشت کہ اے روڈ میپ راجی وانگ ءُ زانگ ءِ وژن ءِ رد ءَ اِنت، ایشی ءِ مول ءُ مراد وانگ ءُ زانگ ءِ نظام ءَ یکوئی ءُ کوالٹی ءَ را دل یکیمی کنگ اِنت۔ آئی ءَ گوشت کہ روڈ میپ ءِ تہ ءَ پنچ یکے دومی ءَ گوں سیادی داروکیں ستون ھوار اَنت ایشانی وسیلگ ءَ انتظامی ءُ برجائی اصلاحات ءِ تہ ءَ آرگ بیت۔ اے ستونانی تہ ءَ ڈیجیٹل ءُ نوکیں وانگ ءُ زانگ ءِ رھبند، پالیسی ءِ جوڑ کنگ ءُ چار ءُ تپاسی ءُ نودربر آنی واستہ جوانیں وانگ ءُ زانگ ءِ چاگرد ءِ پھجارینگ ھوار اِنت۔ ایف ڈی ای ءِ ڈائریکٹر جنرل سید جنید اخلاق ءَ گوشت کہ اے روڈ میپ ءِ سر ءَ عمل کنگ ءَ چہ وفاقی وانگ ءُ زانگ ءِ ادارگ آنی تہ ءَ وانگ ءُ زانگ ءِ کوالٹی گہتر بیت ءُ نودربر آناں نوکیں لوٹ آنی رد ءَ وانگ ءُ زانگ ءِ آسراتی پجاری کنگ بیت۔ آئی ءَ وتی اے جزم ءِ درشان کت کہ ایف ڈی ای ءِ نیمگ ءَ چہ درستیں سیادی داروکیں سٹیک ہولڈر آنی کمک ءَ اے منصوبگ ءَ را سوبمندیں رنگ ءَ سرجم کنگ بیت۔ مراگش ءِ گڈ ءَ مسئولین ءَ اے اُمیت درشان کت کہ اے روڈ میپ اسلام آباد ءِ سرکاری وانگجاھ آنی تہ ءَ وانگ ءُ زانگ ءِ کوالٹی ءَ را نوکیں بالاد ءَ سر کنگ ءِ تہ ءَ یک ھاسیں سنگ میل ءِ رنگ ءَ ثابت بیت۔