ٹی ٹی ایس اسکیل ءِ چیر دستی ءَ بھرتی بوتگیں استاد آنی پگار ءَ را مارکیٹ ءِ رد ءَ مقابلہ ءِ رد ءَ جوڑ کنگ بیت، وفاقی وزیر احسن اقبال  ءِ منصوبہ بندی ءَ دیوان ءَ گوں تران

اسلام آباد۔31دسمبر  (اے پی پی): وانگ ءُ زانگ ءِ ادارگ آنی تہ ءَ بھرتی ءِ واستہ پے اسکیل سسٹم ءِ چار ءُ تپاسی ءِ واستہ جوڑ کتگیں ٹاسک فورس ءِ ھپتمی دیوان وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال ءِ سروکی ءَ برجم دارگ بوتگ۔ اے موہ ءِ سر ءَ وفاقی وزیر ءَ گوشت کہ ٹی ٹی ایس اسکیل ءِ چیر دستی ءَ بھرتی بوتگیں استاد آنی پگار مارکیٹ ءِ رد ءَ مسابقتی جوڑ کنگ بیت۔ آئی ءَ گوشت کہ مسلم لیگ ن ءِ حکومت آنی وھد ءَ ہائیر ایجوکیشن کمیشن ءَ را مزنیں کساسے ءَ فنڈز داتگ، صوبائی حکومت آناں ھم ہائیر ایجوکیشن ءِ شوبگ ءَ گیش ذمہ واری زورگ لوٹ ایت۔ احسن اقبال ءَ ہدایت کت کہ کارکردگی ءِ بنیاد ءَ توانمند ءُ باصلاحیتیں استاد آناں ترغیب دیگ ءِ واستہ یک موثریں حکمت عملی ءِ جوڑ کنگ بہ بیت۔ آئی ءَ گوشت کہ وانگ ءُ زانگ ءِ ادارگ آنی تہ ءَ باصلاحیتیں استاد آنی ازمت آنی برجائی ءِ واستہ جوانیں گامگیج کنگ بوھگ ءَ انت۔ وفاقی وزیر ءَ گیش گوشت کہ یونیورسٹی آنی کوالٹی استاد آنی کوالٹی ءَ گوں بندوک اِنت، مزنیں وانگ ءُ زانگ ءِ ادارگ ملک ءِ اقتصادی جیڈھ آناں گیواری ءِ واستہ کرد پیلو بہ کن اَنت۔ پروفیسر احسن اقبال ءَ گوشت کہ پروموشن ءِ نظام سرجمی ءَ مقابلہ ءِ بنیاد ءَ منظم کنگ بوھگ ءَ انت۔ آئی ءَ اے گپ ءِ سر ءَ زور پر دات کہ ہائیر ایجوکیشن ءَ داخلہ ءِ شرح 13درسد ءَ چہ کم انت ایشی ءَ را سئے رند ءَ گیش کنگ ءِ ضلورت انت۔ وفاقی وزیر پروفیسر احسن اقبال ءَ گوشت کہ امریکہ ءُ پاکستان ءُ برطانیہ ءِ زانت ءِ راہداری انسانی وسیلگ آنی کوالٹی ءَ را گہتر کنگ ءِ واستہ جوڑ کنگ بوتگ، چین ءَ ھوار گلوبل پارٹنر آنی گوما مزنیں تک ءِ کارکن آنی تیاری ءِ واستہ بندوبست کنگ بوھگ ءَ انت۔ آئی ءَ گوشت کہ وانگ ءُ زانگ ءِ شوبگ نوں سافٹ پاور ءِ ھاسیں عنصر جوڑ بوتگ، درملک ءَ چہ نودربر پاکستان ءِ نیمگ ءَ دلگوش کنگ بہ بنت۔ احسن اقبال ءَ گوشت کہ یونیورسٹی آنی کارکردگی ءِ آڈٹ ءُ رینکنگ 2026 ءَ چہ بندات کنگ بہ بیت۔