نیشنل ویکسین پالیسی ءِ رد ءَ ویکسین ءِ دمگی پیداوار ءَ را دل یکیمی کنگ بیت، ہارون اختر خان

اسلام آباد۔31دسمبر  (اے پی پی): مزن وزیر ءِ ھاسیں کمکار ہارون اختر خان ءَ گوشت کہ راجی ویکسین پالیشی ءَ چہ ویکسین ءِ بنجاہی پیداوار ءَ را دل یکیمی کنگ بیت، ویکسین ءِ بنجاہی پیداوار جان سلامتی ءُ صنعتی شوبگ ءَ سنگ میل ءِ رنگ ءَ ثابت بیت۔ وزارت صنعت ءُ پیداوار ءِ نیمگ ءَ چہ جاڑی بوتگیں بیان ءِ رد ءَ ہارون اختر خان ءِ سروکی ءَ ویکسین ءِ بنجاھی پیداوار ءِ ھوالگ ءَ مزن تک ءِ دیوان برجم دارگ بوت۔ وفاقی وزیر جان سلامتی مصطفیٰ کمال ءَ ویکسین پالیسی ءِ دیوان ءِ شریکیں سروکی کت۔ گند ءُ نند ءَ سیکرٹری وزارت جان سلامتی ءُ چیئرمین ڈرگ ریگولیٹری اتھارٹی پاکستان ءَ ھم شریک بوتگ ۔ ھاسیں کمکار ہارون اختر خان ءَ گوشت کہ راجی ویکسین پالیسی ءِ ھوالگ ءَ مزن وزیر ءِ واستہ بریفنگ ءَ را گڈی رنگ ءَ داتگ، راجی ویکسین پالیشی ءِ منظوری ءِ واستہ سرجمی ءَ تیار اِنت۔ ہارون اختر خان ءَ گوشت کہ مزن وزیر محمد شہباز شریف ءِ وژن ءِ رد ءَ پاکستان ءَ ویکسین ءِ لوکل پروڈکشن بندات بیت، نیشنل ویکسین پالیشی ءَ چہ ویکسین ءِ لوکل پیداوار دل یکیمی کنگ بیت۔ آئی ءَ گوشت کہ ویکسین ءِ لوکل پیداوار جان سلامتی ءُ صنعتی شوبگ ءَ سنگ میل ءِ رنگ ءَ ثابت بیت۔ ہارون اختر خان ءَ گیش گوشت کہ راجی ویکسین پالیشی ءَ چہ الس ءِ واستہ دراجیں مدت ءَ آسراتی رس ایت۔ راجی جان سلامتی ءِ وفاقی وزیر مصطفیٰ کمال ءَ گوشت کہ راجی ویکسین پالیشی وھد ءِ ضلورت اِنت ایشی ءَ چہ درائیں انحصار ھلاس بیت۔ آئی ءَ گوشت کہ ویکسین آنی تیاری ءَ را جھان ءِ معیار ءُ میاں اوستمانی جوانیں کار آنی رد ءَ دل یکیمی کنگ بیت۔ مصطفیٰ کمال ءَ گوشت کہ راجی ویکسین ءِ پالیسی زوت مزن وزیر محمد شہباز شریف ءِ دیما پیش کنگ بیت۔