مزن وزیر شہباز شریف ءَ امارات ءِ صدر شیخ محمد بن زاید النہیان ءَ گوں گند ءُ نند کتگ، دوئیں ملک آنی نیام ءَ سیادی ءَ را اسٹریٹجک ءُ دوئیں نیمگ ءَ چہ فائدگ مندیں اقتصادی شراکت داری ءِ تہ ءَ بدل کنگ ءِ مھکمیں جزم ءِ درشان

رحیم یار خان۔ 30دسمبر (اے پی پی): پاکستان ءُ متحدہ عرب امارات ءِ سروکی ءَ آئی ٹی، توانائی، کان کنی ءُ معدنیات ءُ دیمپانی کمک ءَ ھوار جتا جتائیں شوبگ آنی تہ ءَ کمک ءَ را گیش کنگ ءِ امکانات آنی سر ءَ گپ ءُ تران کتگ وھدیکہ مزن وزیر محمد شہباز شریف ءَ پاکستان ءِ نیام ءَ دیریں ءُ برات ءِ رنگ ءَ عرب اقتصادی سیادی ءَ را بدل کنگ ءِ مھکمیں جزم ءِ سر ءَ پدا زور پر دات۔ شراکت داری ءِ سرا زور دات ءُ دو نیمگی تجارت ءِ تہا مزنیں کساسے ءَ گیشی ءِ ضلورت ءِ سرا زور پر دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ رحیم یار خان ءَ شیخ زاید پیلس ءَ متحدہ عرب امارات ءِ صدر ءُ ابوظہبی ءِ حاکم شیخ محمد بن زاید النہیان ءَ گوں گند ءُ نند کتگ۔ گند ءُ نند ءَ نائب مزن وزیر ءُ دری کارانی وزیر سینیٹر محمد اسحاق ڈار، وفاقی وزیر ءِ اھوالکاری عطا اللہ تراڑ، مزن وزیر ءِ ھاسیں کمکار طارق فاطمی ءُ ایندگر مزنیں کارندہ ھم ھوار اتنت۔ بیان ءِ رد ءَ گند ءُ نند سک دلپھکیں چاگرد ءَ بوتگ ایشی ءِ تہ ءَ دوئیں رہشوناں 26دسمبر 2025ءَ اسلام آباد ءَ وتی گوستگیں گند ءُ نند ءِ ساھت ءَ بوتگیں گپ ءُ تران آناں دیم ءَ برتگ۔شیخ محمد بن زاید النہیان ءَ یو اے ای ءِ صدر ءِ بستار ءَ پاکستان ءِ اولی سرکاری تر ءُ تاب کتگ۔ مزن وزیر ءَ پاکستان ءُ امارات ءِ نیام ءَ دیریں برات ءِ سیادی ءَ را اسٹریٹجک ءُ وت مہ وتی فائدگ مندیں اقتصادی شریکداری ءِ تہ ءَ بدل کنگ ءِ مھکمیں جزم ءِ پدا زور دات۔ آئی ءَ دو نیمگی تجارت ءَ را لوٹوکیں تک ءَ سر کنگ ءِ واستہ دو نیمگی تجارت ءَ را مزنیں کساس ءَ گیشی ءِ ضلورت ءِ سر ءَ زور پر دات۔ دوئیں رہشون آں آئی ٹی، توانائی، کان کنی ءُ معدنیات، ءُ دفاعی کمک ءَ ھوار جتا جتائیں شوبگ آنی تہ ءَ کمک ءَ را گیش کنگ ءِ امکانات آنی سر ءَ ھم تران کت۔ مزن وزیر ءَ شیخ محمد بن زاید النہیان ءِ متحرک ءُ رھشونی ءِ چیر دستی ءَ امارات ءِ وشیں دیمروئی ءِ سر ءَ دلجمی ءُ ستا ءِ درشان کت ءُ دوئیں ملک آنی نیام ءَ مھکمیں سیادی آناں دیمروئی دیگ ءِ واستہ امارات ءِ صدر ءِ شگر ءُ منت گپت۔ آئی ءَ امارات ءِ 2.1ملین پاکستانی آنی میزبانی ءِ ھم توسیپ کت کہ آ دوئیں ملک آنی نیام ءَ سیادی ءَ را مھکم کنگ ءِ تہ ءَ ھاسیں کرد پیلو کنگ ءَ اَنت۔ دوئیں راہشون آں وت مہ وتی کمک ءَ ابید دمگی ءُ جہانی جیڈھ آنی سر ءَ ھم گپ ءُ تران کتگ۔ بیان ءِ رد ءَ اے گند ءُ نند گوستگیں سال ءِ تہ ءَ پاکستان ءُ امارات ءِ نیام ءَ سروکی ءِ تک ءَ پائدگ مندیں رابطہ آنی برجاہ اِنت۔