صدر مملکت آصف علی زرداری نا روس انا صدرولادیمیر پیوٹن نا ہنکین آ ڈرون جلہو نا حوال آتیا گڑتی نا درشان

اسلام آباد۔ 30 دسمبر (اے پی پی) صدر مملکت آصف  علی زرداری روس انا صدر ولادیمیر پیوٹن نا ہنکین آ ڈرون جلہو نا حوال آتیا گڑتی نا درشانی ءِ کرسا خبڑدار کرینے کہ داوڑنا واقعہ غاتیان جھیڑہ نا پرامن ایسری کن برجا کوشست آتے نسخان تننگ نا خطرہ ءِ۔ سے شنبے نادے آ ایوان صدر نا میڈیا ونگ انا رداٹ صدر مملکت پارے کہ اسہ نازرک موقع اسے آ ہراتم جنگ انا چٹفنگ کن گپ وتران اسہ حساس ءُ ریسہ سے آٹی ءِ ، ہمو گام گیج ہرابے چیٹی ءِ ودفک، بے کچ نسخاندہ ءِ۔ اوہڑتوم آ فریق آتیا زور شاغا کہ او بھاز تحمل نا درشانی ءِ کیر و گپ وتران و سفارت کاری نا سرسہبی نا کنڈآ گام گیج کیر۔ صدر آصف علی زرداری داہیت آ زور شاغا کہ امن ہی مون آ ہِننگ نا  اسٹ انگا عمل نا قابل کسر ءِ و حالیت آتے پین بگڑینگ انگ آن توننگ کن تحمل و زمواری المی ءِ۔