صدر مملکت آصف علی زرداری نا بنگلہ دیش نا مسکوہی وزیراعظم بیگم خالدہ ضیاء نا کزیت آ است ہسونی نا درشان

اسلام آباد۔ 30 دسمبر (اے پی پی) صدر مملکت آصف علی زرداری بنگلہ دیش نا مسکوہی وزیراعظم بیگم خالدہ ضیاء نا کزیت آ ڈکھیائی و است ہسونی نا درشانی ءِ کرینے۔ سے شنبے نادے آ ’’ایکس‘‘ آ تینا کلہو اٹی صدر مملکت پارے کہ بنگلہ دیش نا مسکوہی وزیراعظم بیگم خالدہ ضیاء نا کزیت آ ڈکھیائی و غم انا درشانی ءِ کینہ۔ صدر آصف علی زرداری مسکوہی وزیراعظم نا خاہوت و بنگلہ دیش نا الس تون ہڑزخواہی کرسا پارے کہ ایماندار نا سرکڑدہ ئی و خذمت آتے شرفمندی اتون یات تخنگک۔ اودعاکرے کہ اللہ تعالیٰ ایماندار ءِ جنت اٹی جاگہ ایتے۔