وزیراعظم محمد شہباز شریف نا بنگلہ دیش نا مسکوہی وزیراعظم و بی این پی نا چیئرپرسن بیگم خالدہ ضیاء نا کزیت آ ڈکھیائی و است ہسونی نا درشان

اسلام آباد۔ 30 دسمبر (اے پی پی) وزیراعظم محمد شہباز شریف بنگلہ دیش نا مسکوہی وزیراعظم و بنگلہ دیش نیشنلسٹ پارٹی (بی این پی ) نا چیئرپرسن بیگم خالدہ ضیاء نا کزیت آ ڈکھیائی و است ہسونی نا درشانی ءِ کرینے۔ سے شنبےنادے آ ’’ایکس‘‘ آ تینا ہڑزخواہی کلہو اٹی وزیراعظم محمد شہباز شریف بیگم خالدہ ضیاء نا خذمت آتے خراج عقیدت پیش کرسا پارینے کہ او بنگلہ دیش نا شونداری و شونہالی کن مچ آ وئی ہرا جہد ءِ کرے اونا دیرپا اثرات مریک۔ وزیراعظم پارے کہ بیگم خالدہ ضیاء پاکستان نا مخلص سنگت ئس، غم انا داساہت اٹی پاکستان نا حکومت و الس بنگلہ دیش نا الس تون تفوک ءُ۔ اودامشکل وخت اٹی بیگم خالدہ ضیاء نا خاہوت، سنگت و بنگلہ دیش نا الس تون ہمدردی و ہڑزخواہی نا درشانی ءِ کرسا دعاکرے کہ اللہ تعالیٰ ایماندار ءِ جنت اٹ جاگہ ایتے۔