مزن وزیر محمد شہباز شریف ءَ شمالی وزیرستان ءَ فتن الخوارج ءِ ناشرکارانی نیمگ ءَ سیکورٹی فورسز ءِ کیمپ ءِ سر ءَ اُرش ءِ سک باز مذمت

لاہور- 19دسمبر (اے پی پی): مزن وزیر محمد شہباز شریف ءَ شمالی وزیرستان ءَ فتن الخوارج ءِ ناشرکارانی نیمگ ءَ سیکورٹی فورسز ءِ کیمپ ءِ سر ءَ اُرش ءِ سک باز مذمت کتگ ءُ اُرش ءَ شھید بوتگیں سپاھیگ آناں شگر ءُ منت گپتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ 4 فتنہ الخوارج ناشرکار آنی کوش ءِ سر ءَ سیکورٹی فورسز ءَ را مبارک بات داتگ۔ آئی ءَ پاک فوج ءِ حوالدار محمد وقاس، نائیک خانویز، سپاہی صفیان حیدر ءُ سپاہی رفعت ءَ را شگر ءُ منت گپت کہ آہاں ناشرکار آں گوں جنگ ءَ وتی جان ندر کتگ۔ مزن وزیر ءَ شہیدانی پڑ برز کنگ ءِ واستہ دعا کتگ ءُ آہانی گس ءِ مردم آں گوں دلپدردی ءِ درشانی کتگ۔ مزن وزیر ءَ اے اُرش ءَ ٹپیگیں لس مردم آنی زوت جان سلامتی ءِ دعا ھم کتگ۔ آئی ءَ گوشت کہ سرجمیں راج وتی شھید آناں سلام انت، جزم ءُُ برجائی ءِ وژن ءِ چیر دستی ءَ سیکورٹی فورسز ناشرکاری ءِ ھلاپ ءَ مزنیں سوبمندی یے رسگ ءَ انت۔ مزن وزیر ئَ گوشت کہ ناشرکاری ءِ ھلاپ ءَ اے جنگ ءَ سرجمیں راج پاکستانی تاک آنی ھمراھی ءَ اوشتاتگ، سرجمیں راج ناشرکاری ءِ ھلاپ ءَ یک مُشت اِنت ئُُ ملک ءَ چہ ھمک رنگ ئِ ناشرکاری ئِ سرجمی ئَ ھلاس کنگ ئِ جزمیگ اَنت۔