صدر ءِ مملکت آصف علی زرداری ءَ شمالی وزیرستان ءَ بوتگیں ناشرکاری اُرش ءَ را تچک ءَ مذمت کتگ: شہیدیں ورنا آناں توسیپ ءُ ستا

اسلام آباد۔ دسمبر (اے پی پی): صدر ءِ مملکت آصف علی زرداری ءَ شمالی وزیرستان ءِ دمگ بویا ءَ کار کنوکیں فتنہ الخوارج ناشرکار آنی اُرش ءِ سک باز مذمت کتگ۔ صدر ءِ مملکت ءَ ناشرکاری اُرش ءَ شہید بوتگیں پاک اُرد ءِ چار بہادریں سپاھیگ آناں سلام پیش کتگ ءُ آھانی گس ءِ گوما دلپدردی ءِ درشان کتگ۔ جمعہ ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے اُرش ءَ بے گناہیں شہری، زالبول ءُ زھگ آنی ٹپی بوھگ ءِ سر ءَ سک باز رنج ءُ گم ءِ درشانی کتگ۔ صدر آصف علی زرداری ءَ ناشرکارانی ھلاپ ءَ وھد ءِ سر ءَ ءُ دلیری ءَ گوں کارروائی کنگ ءِ پد ءَ سیکورٹی فورسز ءَ را شگر ءُ منت گپت۔ پاکستان ءِ صدر ءَ اوگان طالبان رژیم ءِ چیردستی ءَ درملکی ناشرکار آنی مُدامی کمک ءِ مذمت کتگ ءُ بدلی ءِ کارروائی ءِ پدا زور داتگ۔ صدر آصف زرداری ءَ راجی ایمنی ءُ الس ءِ رکھینگ ءِ واستہ ھمک رنگ ءِ گامگیج کنگ ءِ جزم ءِ یک رندے پدا گوشت۔