ایزی پیسہ  ڈیجیٹل بینکنگ ءِ یک سال ءِ سرجمی، گلوبل ریمیٹنس ءِ تہ ءَ نوکیں شریکداری، آئی ٹی ءِ وفاقی وزیر شازہ فاطمہ خواجہ ءَ ڈیجیٹل معیشت ءِ دیمروئی ءِ سر ءَ زور پر دات

اسلام آباد۔19دسمبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شازہ فاطمہ خواجہ ءَ ایزی پیسا ءَ را ڈیجیٹل بینک ءِ بستار ءَ یک سال ءِ سرجمی ءِ سر ءَ مبارکی دات۔ آئی ءَ گوشت کہ مزن وزیر ءِ پنت ءُ شون ءِ رد ءَ ڈیجیٹل اکانومی ءِ دیمروئی حکومت ءِ اولی ترجی اِنت ایشی ءِ واستہ ھمگرنچ ءُ ٹھوس گامگیج کنگ بوھگ ءَ اِنت۔ آئی ءَ اے گپ ایزی پیسا ڈیجیٹل بینک ءِ ڈیجیٹل بینکنگ آپریشن ءِ اولی سالروچ ءِ موہ ءَ یک دمگی ہوٹل ءَ برجم داشتگیں مراگش ءَ گوں تران کنان ءَ کت۔ ایزیپائیسا ڈیجیٹل بینک ءَ وتی ڈیجیٹل بینکنگ آپریشن ءِ اولی سالروچ ءِ درگت ءَ یک دمگی ہوٹل ءَ اسٹیک ہولڈر آنی شرپ ءَ شپ ءِ ورگ ءِ برجم داشتگ ات، ایشی ءِ تہ ءَ ڈیجیٹل مالیاتی شوبگ ءَ بینک ءِ یک سالی کارکردگی، آیوکیں مول ءُ مراد ءُ گلوبل ریمیٹنس آنی تہ ءَ یک مزنیں شریکداری ءِ جار جنگ بوتگ ات۔ مراگش ءَ گوں تران کنان ءَ ھاسیں مہمان انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شازہ فاطمہ خواجہ ءَ ایزی پیسا ءَ را ڈیجیٹل بینک ءِ بستار ءَ یک سال ءِ سرجمی ءِ سر ءَ مبارکی دات۔ آئی ءَ گوشت کہ مزن وزیر ءِ پنت ءُ شون ءِ رد ءَ ڈیجیٹل اکانومی ءِ دیمروئی حکومت ءِ اولی ترجی اِنت ایشی ءِ واستہ ھمگرنچ ءُ ٹھوس گامگیج کنگ بوھگ ءَ اِنت۔ وفاقی وزیر ءَ گوشت کہ ترندیں ڈیجیٹلائزیشن نہ ایوک ءَ پاکستان ءِ مالیاتی نظام ءَ را نوکیں لوٹ آنی گوما ھمگرنچ کنگ ءَ اِنت بلکینگ ءَ ایشی ءِ جوانیں پائدگ آئی ٹی برآمدات ءِ تہ ءَ ریکارڈ گیشی ءِ رنگ ءَ درکپگ ءَ اَنت، ایشی ءَ چہ ملکی معیشت ءِ وشیں آیوکیں وھد ءِ درشان اِنت۔ ایزی پیسہ ڈیجیٹل بینک ءَ ھال داتگ کہ سال 2025 ءِ تہ ءَ ایزی پیسہ پلیٹ فارم ءِ وسیلگ ءَ 3.8ارب ءَ چہ گیش لین دین کنگ بوتگ ایشی ءِ کلیں ارزشت 1.5 کھرب کلدار ءَ چہ گیش بوتگ۔ مراگش ءَ سرجمیں ملک ءَ ڈیجیٹل مالیاتی ازمت آناں رسائی ءَ را گیش کنگ، مالیاتی شمولیت ءَ را دیمروئی دیگ ءُ کیش لیس معیشت ءِ جوڑ کنگ ءِ تہ ءَ بینک ءِ کرد ءِ سر ءَ زور پر دیگ بوت۔ اے مراگش ءَ وفاقی وزیر، پالیسی ساز، ریگولیٹرز، کاروباری رہشون ءُ رسانکدر ءِ نمائندگاں بہر زرتگ۔ اے مراگش ءِ میزبانی ءَ بورڈ ءِ چیئرمین عرفان وہاب خان، اینٹ انٹرنیشنل ءِ صدر ڈگلس فیگن ءُ ایزی پیسا ڈیجیٹل بینک ءِ صدر ءُ سی ای او جہانزیب خان ءَ کتگ۔ اے موہ ءِ سر ءَ ایزیپائیسا ءِ شریکداری ءِ بندات ءِ گوں اینٹ انٹرنیشنل ءِ ورلڈ فرسٹ پلیٹ فارم ءَ ھم سرکاری رنگ ءَ جار جنگ بوت۔ جار ءِ رد ءَ اے شریکداری ءِ چیر دستی ءَ ایزی پیسہ ءِ صارف نوں 100 ءَ چہ گیش ملک آنی 100 ءَ چہ گیش کرنسی آنی تہ ءَ سرحد ءِ سرا ادائیگی ءُ حوالہ جات ءَ را براہ راست وتی ایزی پیسہ اکاؤنٹ آنی تہ ءَ رسگ ءِ وس ءَ دار اَنت۔ اے گامگیج ءَ چہ خلیج ءِ ملک، برطانیہ ءُ امریکہ ءِ وڑیں روایتی حوالہ جات ءِ راہداری ءَ چہ دریں رسائی ءِ موہ رس ایت ءُ ہمے وھد ءَ فری لانسرز، ایکسپورٹر ءُ درملک ءِ پاکستانی آناں ترند، ایمن ءُ آسانیں مالیاتی آسراتی پجارینگ بیت۔ مراگش ءَ گوں گشتانک دیان ءَ وزیر ءِ ھزانگ بلال اظہر کیانی ءَ گوشت کہ موثر پالیسی سازی ءِ واستہ ڈیجیٹل فنانس ءِ ماہرین آنی بھر زوری المی اِنت ءُ کیش لیس معیشت ءِ حقیقی ءُ عملی نپ آناں الس ءِ تہ ءَ سر کنگ وھد ءِ ضلورت اِنت۔ آئی ءَ ڈیجیٹل ادائیگی ءِ دیمروئی ءَ را معیشت ءِ شفافیت ءُ دستاویزات ءِ کلید لیک اتگ۔ بورڈ ءِ چیئرمین عرفان وہاب خان ءَ ایزی پیسہ ءِ اے سنگ میل ءَ را پاکستان ءِ مالیاتی نظام ءِ واستہ فخر ءِ وسیلگ لیک اِتگ ءُ گوشت کہ ڈیجیٹل بینکنگ ءِ وسیلگ ءَ عام شہری ءَ را نوکیں مالیاتی آسراتی آنی رسائی ءِ پھجارینگ ایزی پیسہ ءِ وژن ءِ یک مرکزی بھر اِنت۔ اینٹ انٹرنیشنل ءِ صدر ڈگلس فیگن ءَ پاکستان ءَ یک ھواریں ڈیجیٹل مالیاتی آیوکیں وھد ءِ جوڑ کنگ ءِ واستہ اینٹ گروپ ءِ دراجیں مدتی جزم  ءِ پدا زور دات۔ ایزی پیسہ ءِ نیمگ ءَ داتگیں اعداد و شمار ءِ رد ءَ اے وھد ءَ ڈیجیٹل لین دین پاکستان ءِ سرجمیں ملکی پیداوار ءِ تہ ءَ 11درسد ءِ کساس ءَ ھوار اِنت وھدے کہ پنچ پاکستانی تہ ءَ یکے ایزی پیسہ ءِ کارمرز کنوک اِنت ءُ اے کارمرز کنوک آنی تہ ءَ زالبول آنی تہ ءَ 31درسد ءِ نمائندگی کنگ ءَ اِنت، ایشی ءَ چہ ایزی پیسہ ءِ مالیاتی ملک ءِ تہ ءَ زالبول آنی ھوار بوھگ ءِ تہ ءَ گیش بوھوکیں کرد ءِ سر ءَ چمشانک دیگ بیت۔ مراگش ءِ گڈ ءَ شریکیں مردماں ڈیجیٹل بینکنگ ءِ دیمروئی، جھان ءِ مالیاتی رابطہ کاری ءَ را گیش کنگ ءُ پاکستان ءَ یک مھکمیں، ھواریں ءُ نوکیں ڈیجیٹل معیشت ءِ جوڑ کنگ ءِ واستہ ایزی پیسہ ءِ گامگیج آناں ساڑات۔