بلوچستان ءِ سر وزیر میر سرفراز بگٹی ءَ پولیس ٹریننگ کالج کوئٹہ ءَ سرجم بوتگیں جتا جتائیں دیمروئی منصوبگ آنی بنگیج

کوئٹہ۔ 19 دسمبر (اے پی پی): بلوچستان ءِ سر وزیر میر سرفراز بگٹی ءَ جمعہ ءِ روچ ءَ پولیس ٹریننگ کالج کوئٹہ ءَ سرجم بوتگیں جتا جتائیں دیمروئی منصوبگ آنی بنگیج کت۔ پولیس ٹریننگ کالج ءَ سر بیگ ءَ پد آئی ءَ شہیدانی یاتگار ءَ سلام پیش کت، گلدستگ ایر کت ءُ شہیدانی اڑانی برز کنگ ءُ ملک ءُ صوبہ ءِ امن ءُ ایمنی ءِ واستہ دعا کت۔ بنجاھی وزیر ءَ پولیس ٹریننگ کالج ءَ نوکیں فٹبال گراؤنڈ ءُ نوکیں میس ءِ باقاعدہ بنگیج کت۔ آئی ءَ گوشت کہ پولیس ٹریننگ کالج ءَ آسراتی آناں گہتر کنگ ءِ مول ءُ مراد پولیس ءِ کارندہ آناں جوانیں تربیتی چاگرد، جوانیں جاہ ءُ جان سلامتی ءِ چست ءُ ایر آنی واستہ موہ پجاری کنگ انت تانکہ آ آیوکیں وھد ءَ پیشہ وارانہ رنگ ءَ وتی زمہ واری ءَ پیلو بہ کن انت۔ بنجاھی وزیر ءَ گوشت کہ بلوچستان پولیس ءَ مشکلیں جاور آنی تہ ءَ ریاستی رٹ ءِ برجائی، راجی جان ءُ مال ءِ رکھینگ ءُ ناشرکاری ءِ ھلاپ ءَ جنگ ءَ بے دروریں قربانی داتگ۔ بلوچستان ءِ حکومت پولیس ءِ گہبودی، تربیت ءُ ظرفیت ءِ گیش کنگ ءِ واستہ اولویت ءِ بنیاد ءَ گامگیج زورگ ءَ انت۔ پولیس ٹریننگ کالج ءَ سرجم بوتگیں دیمروئی منصوبگ آنی تہ ءَ نا ایوک ءَ ادارگ ءِ انفراسٹرکچر ءَ را مھکم کنگ بیت بلکینگ ءَ تربیت ءِ تہ ءَ ءُ سروس ءِ تہ ءَ اوشتاتگیں پولیس کارندہ آنی جسمانی، ذہنی ءُ پیشہ وارانہ صلاحیت آنی تہ ءَ ھم گہتری کیت۔ بنجاہی وزیر ءَ اے جزم  ءِ پدا زور دات۔ آئی ءَ یک رندے پدا گوشت کہ صوبائی حکومت بلوچستان پولیس ءَ را وسیلگ دست کپگ ءِ رد ءَ نوکیں آسراتی پجاری ءَ برجاہ دار ایت تانکہ پولیس فورس ءَ را یک مھکم، لائک ءُ کارآمدیں ادارگ ءِ جوڑ کنگ بہ بیت۔ اے موہ ءِ سر ءَ انسپکٹر جنرل پولیس بلوچستان محمد طاہر خان، کمانڈنٹ پولیس ٹریننگ کالج کوئٹہ شہزاد اکبر ءُ اے دگہ مزنیں پولیس افسر ھم ساڑی ات انت۔