بھارت ءِ نیمگ ءَ آپ ءِ سلاہ ءِ رنگ ءَ کارمرد کنگ ءَ چہ پاکستان ءَ انسانی بحران ءِ سبب جوڑ بوت کنت، نائب مزن وزیر اسحاق ڈار ءَ بھارت ءِ آپ ءِ سر ءَ زوراکی ءِ بابت ءَ درملکی سفارتکار آناں سرپدی دات

اسلام آباد۔19دسمبر  (اے پی پی): نائب مزن وزیر ءُ درئی کارانی وزیر اسحاق ڈار ءَ گوشت کہ بھارت ءِ نیمگ ءَ سندھ ءِ آپ ءِ معاہدے ءِ یک نیمگی مھتل کنگ میاں اوستمانی کانود ءِ ھاسیں ھلاپ ورزی اِنت۔ اے گامگیج پاکستان ءِ ایمنی، معیشت، مردمانی زندمان ءُ جنوبی دمگ ءِ امن ءُ ایمنی ءِ ھاترا مزنیں ھترہ یے ۔ سندھ ءِ آپ ءِ معاہدے ءِ غیر قانونی ءُ یک نیمگی مھتل کنگ ءُ آپ ءَ را سلاہ ءِ بستار ءَ کارمرز کنگ پاکستان ءَ انسانی بحران ءِ آماچ بوت کنت۔ آئی ءَ اے جیڈھ آنی درشانی جمعہ ءِ روچ ءَ ادا درملکی سفارتکار آناں بھارتی آپی زوراکی ءِ بابت ءَ سرپدی دیگ ءِ وھد ءَ کت۔ سفارتی کور ءِ باسکاں گوں تران کنان ءَ نائب مزن وزیر ءَ اے سال ءَ دو رند ءَ دریائے چناب ءَ چہ اناگت ءُ بے رھبندیں ردوم ءُ یک نیمگی آپ ءِ کشگ ءِ سر ءَ سک باز جیڈھ ءِ درشانی کت کہ 30 اپریل ءَ چہ 21 مئی ءَ بوتگ ءُ 7دسمبر ءَ بگر داں 15 دسمبر ءَ چہ ہندوستان ءَ آپ ءِ تہ ءَ ردوم زورگ بوتگ۔ روزگار، وردن ءُ وراک ءُ اقتصادی امنیت مئے شہریاں چہ دیم ءَ برگ ءَ انت۔ ہندوستان ءِ اے ناجائز ءُ غیر ذمہ دارانہ رویہ پاکستان ءَ انسانی بحران ءِ آماچ بوت کنت۔ محمد اسحاق ڈار ءَ سفارتی کور ءَ را اے ھم سرپدی دات کہ بھارت ءَ ھم اے معاہدے ءِ رد ءَ المی ئیں زانتکاری، ہائیڈرولوجیکل ڈیٹا ءُ یکجائی نگرانی ءِ پھجارینگ بند کتگ، ایشی ءِ سبب ءَ پاکستان ءَ سیلاب ءُ ھشک سالی ءِ ھترہ آنی دیم ءَ انت۔ آئی ءَ بھارت ءِ یک نیمگی معاہدے ءِ معطل کنگ ءِ سر ءَ زور پر دات کہ اے میاں اوستمانی کانود ءِ ھاسیں رنگ ءَ ویانا کنونشن ءِ آرٹیکل 26 ءِ ھلاپ ورزی اِنت ءُ گوشت کہ بھارت ءِ بے دروریں خلاف ورزی سندھ ءِ آپانی معاہدے ءِ روح ءِ سر ءَ زھرشانی کنگ ءَ اِنت کہ ایشی ءِ سبب ءَ میاں اوستمانی کانود ءِ مقدسیں برجائی ءُ دمگی برجائی ءِ ھاترا ھرابیں آسراتی ھست اَنت۔ آئی ءَ گوشت کہ بھارت ءَ معاہدے ءِ رد ءَ ھچ وڑیں پیشگی نوٹیفکیشن یا ڈیٹا شیئرنگ ءِ ھلاپ ءَ آپ ءِ ریلیز کتگ، مئے سندھ واٹر کمشنر ءَ وتی بھارتی ھمکار ءَ را نمدی نبشتہ کتگ ءُ بھارت ءِ نیمگ ءَ آپ ءِ ڈائیورژن ءِ ھوالگ ءَ وضاحت ءِ لوٹ کتگ ءُ معاہدے ءِ رد ءَ یک نیمگی کارروائی آنی تہ ءَ چہ دست کش بوھگ ءِ لوٹ کتگ۔ سینیٹر اسحاق ڈار ءَ گوشت کہ سندھ ءِ آپانی معاہدہ جنوبی ایشیا ءَ امن ءُ ایمنی ءِ یک ھاسیں وسیلگ اِنت، بھارت ءِ نیمگ ءَ اے معاہدہ ءِ رد نہ کنگ ءُ آپ ءِ دگہ نیمگ ءَ کنگ ءِ جار جیڈھ ءِ سبب اِنت۔ آئی ءَ اے گپ پدر کت کہ ھندی کارروائی پاکستان ءَ سیلاب ءُ ھشک سالی ءِ ھترہ آنی آماچ کنگ ءَ انت ءُ ایشی ءَ چہ ملک ءَ انسانی بحران ءِ دیم ءَ اتک کنت۔ آئی ءَ گوشت کہ بھارت کشنگنگا ءُ رٹلے ڈیم منصوبگ آنی وسیلگ ءَ آپ ءَ را گڈی وسیلگ ءِ رنگ ءَ کارمرد کنگ ءِ کوشست ءَ کنگ ءَ انت۔ نائب مزن وزیر ءَ میاں اوستمانی براتی ءَ را زور پر دات کہ آ سندھ ءِ آپانی معاہدہ ءِ سرجمی ءَ بحالی ءُ ایشی ءِ سر ءَ عمل کنگ ءِ واستہ ترندیں ءُ جوانیں کرد پیلو بہ کنت۔ آئی ءَ گوشت کہ پاکستان جیڈھ آناں پرامنیں رنگ ءَ گیش ءُ گیوار کنگ لوٹ ایت بلے وتی آپی ھک آنی سر ءَ ھچ وڑیں سمجھوتہ نہ کنت ءُ بھارت ءِ نیمگ ءَ آپ ءِ ھرچ وڑیں بندش یا ڈائیورژن جنگ ءِ کارروائی زانگ بیت۔ آئی ءَ گوشت کہ بھارت ءَ ھمے سال ءِ اپریل ءَ سندھ ءِ آپانی معاہدہ یک نیمگی مھتل کتگ ات، ایشی ءَ چہ ویانا کنونشن ءِ آرٹیکل 26 ءِ ھلاپ ورزی انت۔ چناب دریا ءِ روانی ءَ اے سال ءَ دو رند ءَ کسانیں ردوم ءِ ریکارڈ کتگ ، 30 اپریل ءَ بگر داں 21 مئی ءَ ءُ 7 ءَ بگر داں 15 دسمبر ءَ وھدے کہ بھارت ءَ پیشگی نوٹس ءِ رد ءَ آپ ءِ یلہ داتگ ءُ معاہدے ءِ رد ءَ المی ئیں ڈیٹا داتگ نہ بوتگ۔ آئی ءَ گوشت کہ پاکستان ءَ سندھ واٹر کمشنر ءِ وسیلگ ءَ باقاعدہ سفارتی ءُ کانودی کارروائی کتگ۔ بھارت ءِ انوگیں کارروائی آپ ءَ را سلاہ ءِ رنگ ءَ کارمرد کنگ ءِ یک پدریں مثالے کہ ایشی ءَ چہ پاکستان ءِ فوڈ سیکیورٹی ءَ را ھم ھترہ ءِ دیم ءَ کیت۔ آئی ءَ گوشت کہ بھارت معاہدے ءِ چیر دستی ءَ وتی ذمہ واری آناں پیلو بہ کنت ءُ ایشی ءَ را نزور کنگ ءِ کوشست ءَ را بند بہ کنت۔ نائب مزن وزیر ءَ گوشت کہ بھارت ءِ کارروائی پاکستان ءِ ایمنی، معیشت ءُ الس آنی جان ءِ واستہ ھترہ ءِ جوڑ کنگ انت۔ بھارت ءَ ہائیڈرولوجیکل ڈیٹا ءُ یکجائی نگرانی ءَ را یلہ داتگ، ایشی ءِ سبب ءَ پاکستان ءَ سیلاب ءُ ھشک سالی ءِ ھترہ ءِ آماچ انت۔ آئی ءَ گوشت کہ اے سال ءِ جون ءُ اگست ءَ ثالثی آمید گس ءَ سندھ ءِ آپانی معاہدہ ءِ منوگری کتگ کہ اے معاہدہ نافذ انت ءُ ایشی ءِ احترام کنگ المی انت۔ اقوام متحدہ ءِ ھاسیں کارروائی ءَ ھم بھارتی کارروائی آنی سر ءَ جیڈھ ءِ درشانی کتگ۔ آئی ءَ گوشت کہ پاکستان ءَ باز رند ءَ اے جیڈھ ءَ را اقوام متحدہ ءِ سلامتی کونسل ءِ دیم ءَ ایر کتگ ءُ وتی آپ ءِ ھک آنی سر ءَ سمجھوتہ نہ کنت۔ سندھ ءِ آپانی معاہدے ءِ سرجمیں بحالی ءِ ھاتر ءَ میاں اوستمانی براتی ءَ را ترندیں کرد پیلو کنگی اِنت۔ محمد اسحاق ڈار ءَ گوشت کہ بھارت ءِ آمید گس ءُ نیشنل ایکسپرٹ ءِ کارروائی ءَ بھر زوری کنگ ءَ چہ انکار کنگ ءِ برابر اِنت کہ اے معاہدے ءِ تنازعہ ءِ گیواری ءِ میکانزم ءَ را تخریب کاری کنگ بہ بیت ءُ اے وڑیں خلاف ورزی آنی بے رکّی ءَ برجاہ دارگ ءِ اجازت دیگ ءَ چہ یک خطرناکیں مثالے جوڑ بیت۔ نائب مزن وزیر ءَ گوشت کہ پاکستان ءِ راجی سلامتی کمیٹی ءَ ھاسیں رنگ ءَ گوشتگ کہ اے معاہدے ءِ رد ءَ پاکستان ءَ آپ ءِ روانی ءَ را بند کنگ یا دیم ءَ کشگ ءِ ھرچ وڑیں کوشست ”جنگ ءِ جار“ زانگ بیت۔ آئی ءَ میاں اوستمانی براتی ءَ چہ اپیل کت کہ آ بھارت ءِ نیمگ ءَ دو نیمگی معاہدے ءِ برجاھیں خلاف ورزی آنی نوٹس ءَ بہ زور اَنت ءُ بھارت ءَ را میاں اوستمانی کانود ءُ جوڑ بوتگیں رہبند آنی رد ءَ ذمہ واریں رویہ ءِ زورگ ءِ پنت ءُ شون بہ کن اَنت۔ آئی ءَ گوشت کہ بھارتی حکومت ءِ نیمگ ءَ زوراکیں کارروائی پاکستان ءَ را تاوان دیگ ءِ واستہ آپ ءَ را سلاہ ءِ رنگ ءَ کارمرد کنگ ءِ ارادہ ءِ درشان انت، اے گپ اقوام متحدہ ءِ سلامتی کونسل، اقوام متحدہ ءِ سیکرٹری جنرل ءُ جنرل اسمبلی ءِ صدر ءَ را ھم سر کنگ بوتگ۔ آئی ءَ گوشت کہ پاکستان ءِ گوما بھارت ءِ نیام ءَ جیڑھ اِنت۔ آئی ءَ اے جیڑہ ءِ امنیں راہ ءُ درانی گیش ءُ گیوار ءِ سرا پابند اِنت ءُ وتی راج ءِ وجودی آپی حقانی سرا ھچ وڑیں سمجھوتہ نہ کنت۔