ھاسیں زھگ آنی دست ءِ دارگ مئے اجتماعی ذمہ واری اِنت، مزن وزیر شہباز شریف وفاقی دارالحکومت ءَ آٹزم سینٹر آف ایکسیلنس ءِ بُن ھشت ایر کنگ ءِ مراگش ءَ گوں تران کنان ءَ گشتانک

اسلام آباد۔19دسمبر  (اے پی پی): مزن وزیر محمد شہباز شریف ءَ وفاقی دارالحکومت ءَ ھاسیں زھگ آنی بحالی ءِ واستہ آٹزم سینٹر آف ایکسیلنس ءِ بُن ھشت ایر کت۔ اے موہ ءِ سر ءَ مزن وزیر ءَ گوشت کہ ھاسیں زھگ آناں وانگ ءُ زانگ ءُ تربیت دیگ ءُ آھاں ھنر ءَ گوں لیس کنگ المی اِنت تانکہ آ چاگرد ءِ فعالیں شہری جوڑ بہ بنت۔ خاصیں چُکانی دست ءِ دارگ مئے درستانی اجتماعی ذمہ واری اِنت۔ حکومت ءِ زمہ واری انت کہ آ ھاسیں زھگانی واستہ درستیں وسیلگاں کارمرز بہ کنت۔ آئی ءَ اے ھیالانی درشانی جمعہ ءِ روچ ءَ ھاسیں زھگ آنی بحالی ءِ واستہ آٹزم سینٹر آف ایکسیلنس ءِ بُن ھشت ایر کنگ ءِ مراگش ءَ گشتانک دیان ءَ کت۔ مزن وزیر ءَ گوشت کہ بازیں ادارگ ھاسیں زھگ آنی ازمت ءِ واستہ دہائیاں کار کنگ ءَ انت۔ آٹزم ءِ ھاتر ءَ سینٹر آف ایکسیلنس ءِ بُن ھشت ادا ایر کنگ بوتگ۔ اے ادارہ دوسال ءَ سرجم بیت، بلے من پنت ءُ شون داتگ کہ دوسال ءِ جاہ ءَ یکسالے ءَ سرجم بہ بیت۔ اے درگت ءَ سرجم کنگ بہ بیت۔ اے درگت ءَ وفاقی وزیر وانگ ءُ زانگ ءُ سیکرٹری وانگ ءُ زانگ ءَ دل یکیمی داتگ کہ اے ادارگ یک سالے ءَ سرجم بیت۔ مزن وزیر ءَ گوشت کہ اگاں یک زھگ ءِ یک صلاحیت ءَ چہ زبھر بہ بیت گڈا اللہ تعالیٰ آئی ءَ را بے دروریں دگہ  زانتءُ سرپدی ءُ ازم بدیات۔   حکومت ءِ فرض انت کہ آ ایشانی واستہ درستیں وسیلگاں کارمرز بہ کنت ءُ آہاں چاگرد ءِ تہا وتی پاداں اوشتگ ءِ اہل بہ کنت، ایشانی واستہ جوانیں تربیتی مراگش، استاد، نوکیں سامان ءُ ٹیکنالوجی ءِ بندوبست بہ کنت۔ مزن وزیر ءَ گوشت کہ ھما خاصیں زھگ آں کہ مرچی ادا وتی صلاحیت آنی درشان کتگ آ کجام ھم عام لس زھگ ءِ صلاحیت ءَ چہ کم نہ انت۔ سرجمیں ملک ءِ واستہ مہر، یکوئی ءُ قربانی ءِ پُل ریش کتگ انت۔ زھگانی نیمگ ءَ پیش داشتگیں کارکردگی ستا کرز اِیت۔ اے درگت ءَ بیت مال ءِ چیئرمین وتی ادارہ ءِ نیمگ ءَ ھم کمک بہ کنت۔ اے گپ ءَ ابید ھرکس کہ اے نیکیں کار ءَ بھر زوریت آئی ءِ بدل ءَ دگنیا ءُ آخیرت ءَ رس ایت۔ اے مئے درستانی اجتماعی ذمہ واری انت کہ ما خاصیں زھگانی دستاں بہ گِریں۔ من ھاسیں رنگ ءَ ھما مات ءُ پتاں یات کناں کہ آ وتی چکانی وانگ ءُ زانگ ءِ ھاترا جھد کنگ ءَ اَنت پرچا کہ آ ھم چیلنجانی دیمپان اَنت۔ اے موہ ءِ سر ءَ مزن وزیر ءَ ھاسیں زھگ آنی ٹرانسپورٹ ءِ واستہ ادارگ ءِ واستہ 15کوچ پجاری ءِ ھم جار جت۔ اے 15 کوچ گرانٹ ءِ رنگ ءَ داتگ انت تانکہ لال ٹیپ ءِ اڑاند مہ بیت۔ اے موہ ءِ سر ءَ وفاقی وزیر وانگ ءُ زانگ ڈاکٹر خالد مقبول صدیقی ءَ گوشت کہ مرچی ما راجی واھشت ءَ را راجی ادارگ ءِ تہ ءَ بدل کنگ ءَ ایں ۔ حکومت ھاسیں زھگ آنی وانگ ءُ زانگ ءُ آھانی اقتصادی ھوار کنگ ءِ ھاترا سرجمیں گامگیج زورگ ءَ اِنت۔ اللہ تعالیٰ ہر معذوریں مردم ءَ طاقت ءُ توانائی دنت۔ مئے ادارہ ہما مردماں باصلاحیت کنت کہ قوم ءِ دیم ءَ بار لیکگ بیت۔ آٹزم ءِ ماہر عائشہ ہارون ءَ گشتگ کہ من 15 سال انت کہ آٹزم ءِ نادراہیں زھگانی ھزمت ءَ کنگ ءَ آں ۔ بچک دنیا ءِ مستریں نعمت اَنت۔ ھما وانگ ءُ زانگ ءِ ادارہ ءُ آسراتی سک کم اَنت کہ آھانی ھاسیں لوٹ ءُ گزر پیلو کنگ بہ بنت۔ منی چُک ءَ آٹزم ءِ نادراہی ءِ شنگ بوتگ ات کہ آئی ءَ منی زند ءِ راہ بدل کتگ ات۔ 2009 ءَ اللہ تعالیٰ ءَ من ءَ ھمے بے زبانیں چکانی توار جوڑ کُت۔ من ءَ برطانیہ ءِ ھاسیں زھگانی واستہ یک ادارہے ءَ چہ وانگ ءِ موہ رست۔ اے وھد ءَ مئے 55 کارندہ اَنت۔ ما وتی لوگ ءَ واتر بوھگ ءَ پد 2009 ءَ پہ ھاسیں زھگاں اواسیس اسکول جوڑ کت کہ اودا یکیں بام ءِ چیر ءَ سرجمیں آسراتی ھست انت۔ آئی ءَ گوشت کہ اے اسکول ھاسیں زھگ آناں میاں اوستمانی معیار ءِ رد ءَ وانگ ءُ زانگ ءِ پجاری کنگ ءَ انت، مئے واب اواسیس اسکول ءَ را کالج ءُ ماڈل سٹی جوڑ کنگ انت۔ آئی ءَ گوشت کہ اے وانگجاہ ءِ بُن ھشت وشھالی، وت واجہی ءُ ایمنی ءِ بنیات ءَ ایر کنگ بوتگ، مئے ادارگ ءَ 70 ءَ چہ گیش زھگاں جتاجتائیں آسراتی پجاری کنگ بوھگ ءَ انت۔ مراگش ءَ ھاسیں زھگاں راجی سوت ءِ گشگ ءَ گوں وتی ملک ءِ مھر ءِ درشانی کتگ ءُ وتی ھنر ءِ سرجمیں رنگ ءَ پیش داشتگ ءُ ایشی ءَ ابید ٹیبلو پیش ھم کتگ۔ مزن وزیر ءَ وتی منت واری ءِ درشان کت۔ مزن وزیر ءَ ھاسیں زھگاں گوں گند ءُ نند کتگ ءُ آھانی سر ءَ دلپدردی ءِ درشانی کتگ۔