پاک فوج ءِ شگر ءُ منت وار، شہید آناں یات ، وفاقی وزیر عبدالعلیم خان

لاہور۔ 18 دسمبر (اے پی پی): مرچی ما درست وتی آجوئی ءُ راجی زندگ دارگ ءِ شکریہ پاک فوج ءَ ایں، ھمک شھید ءِ ھون مئے درستانی وام انت ءُ ما ھما شھیداں شگر ءُ منت وار ایں کہ آیاں وتی دوستیں راج ءِ واستہ وتی سر ندر کتگ انت ءُ آھانی کھول ءَ سلام پیش کن ایں ۔ اے ھیالانی درشانی وفاقی وزیر مواصلات ءُ استحکام پاکستان پارٹی ءِ صدر عبدالعلیم خان ءَ کرسمس ءِ روچ ءَ ادا برجم داشتگیں مراگش ءَ گوں تران کنان ءَ کت۔ آئی ءَ گوشت کہ پاکستان ءِ زمینی، بحریہ ءُُ بالی اُرد ءِ سپاھیگاں مئی ءَ دژمن ءِ نیمگ ءَ زوراکی ءِ جوانیں پسو داتگ۔ اے ملک ءِ ءُُ انگت دنیا ءِ راجدپتر ءِ تہا اولی رند ات کہ کسے ءَ دژمن ءِ 7 بالی گراب تیر گواری کتگ ات ءُُ مئے یک بالی گرابے ہم تاوان نہ رستگ ات۔ وفاقی وزیر عبدالعلیم خان ءَ گوشت کہ ما ھما والدین آناں سلام پیش کن آں کہ آھانی زھگاں مئے آیوکیں باندات ءِ واستہ وتی جان ندر کتگ انت۔ ھما مردمانی ھلاپ ءَ گپ جنگ شرمندگی اِنت کہ آیاں وتی یکیں چُک ءُ جنین قربان کتگ اَنت۔ سیاست المی اِنت، بلے ھمک راج دوستیں شہری ھما مردمانی زبان ءَ کش ایت کہ آ پاکستانی اُرد ءِ ھلاپ ءَ یک لبزے ھم جن اَنت۔ عبدالعلیم خان ءَ گشتگ کہ من اے پارٹی ءِ تہا ءُ ڈن ءَ ہر چیز ءَ شری ءَ سرپد آں، من اے راج دژمنیں بیانیہ پارٹی ءَ گوں ہمگرنچیں ہر مردم ءِ ہر کار ءَ زاناں بلے من ہچ وڑ ءَ آہانی پسو دیگ ءِ تربیت نہ داتگ۔ آئی ءَ پاکستانی سلاہ بندیں اُرد ءُ ھاسیں رنگ ءَ فیلڈ مارشل چیف آف ڈیفنس فورسز سید عاصم منیر ءَ را وشیں لبزاں گوں شگر ءُ منت پیش کت ءُ پاکستانی سلاہ بندیں اُرد ءِ حق ءَ نعرہ چست کت۔ آئی پی پی ءِ صدر ءَ 25دسمبر ءَ قائداعظم ءِ روچ ءُُم کرسمس ءِ حوالہ ءَ گوشت کہ پاکستان ءِ جوڑ کنگ ءِ وھد ءَ قائد ءَ گوشتگ ات کہ اے اقلیت آنی واستہ ھمک مردم ءِ واستہ ملک انت۔ مسیت ءِ وڑیں چرچانی احترام مئے درستانی سرا یک پیم ءَ واجب اِنت۔ مئے پیغمبر پہ سرجمیں دگنیا ءَ رحمت ءِ دروشم ءَ دیم دیگ بوتگ۔ آئی ءَ گوشت کہ اقلیت آنی تہ ءَ ھم اے ملک ءِ واستہ قربانی داتگ، ھمک پاکستانی وتی عیسائی برات آنی مدیون اِنت ایشاں وانگ ءُُ زانگ، جان سلامتی، عدلیہ ءُُ فوجی ادارگ آنی تہ ءَ جوانیں ازمت کتگ۔ آئی ءَ وتی حلقہ NA-117 ءُ PP-119 ءِ شہری آنی مزنیں بھر زوری ءِ ستا کرتگ ءُ گوشت کہ آ آ وتی وعدہ آناں پیلو کنگ ءَ اَنت ءُ ھاسیں رنگ ءَ آھانی دروازگ 24 کلاک پچ اَنت تانکہ آ وتی عیسائی برات ءُ گہار آنی جیڈھ آنی گیواری ءَ بہ کن اَنت۔ اے موہ ءِ سر ءَ آئی پی پی پنجاب ءِ صدر رانا نظیر احمد خان، جنرل سیکرٹری میان خالد محمود، انفارمیشن سیکرٹری سید سمام علی بخاری، جنرل سیکرٹری پنجاب ءُ ایم پی اے شعیب صدیقی، لاہور ءِ صدر ملک زمان نصیب، اقلیت ونگ ءِ صدر ءُ پیسریگیں ایم پے اے اے ہارون عمر گل، نائب صدر پنجاب میاں جنید ذوالفقار، تحسین خاکوانی چہ زالبولانی شعبہ ءَ، روبینہ سولہری، ڈاکٹر جاویریا سہروردی ءَ بہر زرتگ ات، وھدے کہ اے موہ ءِ سر ءَ مزنیں کساسے ءَ عیسائی کمیونٹی ءُُ شہری ھوار اتنت۔