صنعت کار طارق رفیع ءَ وفاقی وزیر قیصر احمد شیخ ءَ گوں گند ءُ نند کتگ، ملک ءِ اقتصادی منظر نامہ، سرمایہ کاری ءِ موہ ءُ نجی شعبہ ءِ کرد ءِ بابت ءَ گپ ءُ تران

اسلام آباد۔19دسمبر  (اے پی پی): نامداریں صنعت کار طارق رفیع (ستارہ  امتیاز) ءَ جمعہ ءِ روچ ءَ سرمایہ کاری بورڈ ءِ وفاقی وزیر قیصر احمد شیخ ءَ گوں گند ءُ نند کتگ، ایشی ءِ تہ ءَ ملک ءِ اقتصادی منظر نامہ، استیں سرمایہ کاری ءِ موہ ءُ نجی شعبہ ءِ کرد ءِ بابت ءَ گپ ءُ تران کتگ۔ بورڈ آف انویسٹمنٹ ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ قیصر احمد شیخ ءَ گوشت کہ سرمایہ کاری ءَ را دیمروئی دیگ ءُ نوکیں روزگار ءِ موہ آنی پیداک کنگ ءَ پرائیویٹ سیکٹر ریڑھ ءِ ھڈ انت۔ آئی ءَ کاروباری آسراتی ءِ مرکز (بی ایف سی) ءُ آسان کاروباری ایکٹ ءَ را سرمایہ کاری ءِ چاگرد ءَ مزنیں گہتری ءِ رنگ ءَ گشتگ ءُ گوشت کہ انوگیں ریگولیٹری اصلاحات سرمایہ کار آنی اعتماد ءَ را گیش کنگ ءِ کلیدی انت۔ قیصر احمد شیخ ءَ گوشت کہ مزن وزیر محمد شہباز شریف ءِ سروکی ءَ پاکستان سرمایہ کاری ءِ واستہ یک دلکش ءُ ایمنیں منزل ءِ رنگ ءَ گوں ترندی ءَ دیم ءَ آیگ ءَ انت، ءُ بورڈ آف انویسٹمنٹ سرمایہ کار آناں ھمک رنگ ءِ آسراتی پجاری ءِ واستہ جزم انت۔ صنعت کار طارق رفیع ءَ سرمایہ کاری ءِ دیمروئی ءِ تہ ءَ وفاقی وزیر قیصر احمد شیخ ءِ کرد ءِ توسیپ کت ءُ گوشت کہ استیں اصلاحاتی گامگیج کاروباری براتی ءِ اعتماد ءَ را پدا زندگ کنگ ءَ انت ءُ ملک ءَ سرمایہ کاری ءِ نوکیں موہ پیداک کنگ ءَ انت۔